ਐਡਮਿੰਟਨ ਅਤੇ ਕੈਲਗਰੀ ਵਿੱਚ “ਲੋਕ ਅਵਾਜ਼” ਲੋਕ ਅਰਪਿਤ..........ਹਰਬੰਸ ਬੁੱਟਰ


ਕੈਲਗਰੀ : ਇੱਥੋਂ ਦੇ ਕੋਸੋ ਹਾਲ ਵਿੱਚ ਪੰਜਾਬੀ ਲਿਖਾਰੀ ਸਭਾ ਕੈਲਗਰੀ ਵਲੋ ਕਰਵਾਏ ਗਏ ਪਰਭਾਵਸਾਲੀ ਸਮਾਗਮ ਦੌਰਾਨ ਲੇਖਕਾ ਦੀ ਭਰਵੀ ਹਾਜਰੀ ਵਿੱਚ ਨਵਕੇਲੀ ਦਿੱਖ, ਵਿਲੱਖਣ ਤੇ ਨਿਗਰ ਸੋਚ ਵਾਲਾ ਪੰਜਾਬੀ ਅਖਬਾਰ“ਲੋਕ ਅਵਾਜ” ਲੋਕ ਅਰਪਿਤ ਕੀਤਾ ਗਿਆ। ਐਡਮਿੰਟਨ ਨਿਵਾਸੀ ਜਰਨੈਲ ਬਸੋਤਾ ਜੋ ਕਿ ਪਿਛਲੇ 25 ਸਾਲਾਂ ਤੋਂ ਵੱਖੋ ਵੱਖ ਅਖਬਾਰਾਂ ਨਾਲ ਪੱਤਰਕਾਰੀ ਦੇ ਖੇਤਰ ਵਿੱਚ,ਅਤੇ ਕਾਫੀ ਲੰਮਾ ਸਮਾਂ ਪੰਜਾਬੀ ਟੀ ਵੀ ਚੈਨਲ “ਲਿਸਕਾਰਾ” ਦੇ ਡਾਇਰੈਕਟਰ ਰਹੇ ਹਨ, “ਲੋਕ ਅਵਾਜ਼” ਦੇ ਮੁੱਖ ਸੰਪਾਦਕ ਹਨ।ਜਦੋਂ ਕਿ ਕੈਲਗਰੀ ਸਹਿਰ ਦੀ ਸਾਰੀ ਕਮਾਂਡ ਹਰਬੰਸ ਬੁੱਟਰ ਨੇ ਸੰਭਾਲੀ ਹੈ। “ਲੋਕ ਅਵਾਜ਼” ਦੀ ਘੁੰਢ ਚੁਕਾਈ ਪੰਜਾਬੀ ਲਿਖਾਰੀ ਸਭਾ ਦੇ ਪ੍ਰਧਾਨ ਗੁਰਬਚਨ ਬਰਾੜ ਨੇ ਜਰਨੈਲ ਬਸੋਤਾ ,ਹਰਬੰਸ ਬੁੱਟਰ ਪ੍ਰੋ ਮਨਜੀਤ ਸਿੱਧੂ,ਸੱਤਪਾਲ ਕੌਸਿ਼ਲ, ਰਾਜੇਸ ਅੰਗਰਾਲ,ਪੰਜਾਬੀ ਫਿਲਮ ਨਿਰਮਾਤਾ ਅਤੇ ਹੀਰੋ ਸੰਦਲ ਮੂਵੀ ਪਰੋਡਕਸਨ ਵਾਲੇ ਪ੍ਰਮਜੀਤ ਸੰਦਲ ,ਲੋਕ ਗਾਇਕ ਅਤੇ ਪੰਜਾਬੀ ਲਿਖਾਰੀ ਸਭਾ ਦੇ ਜਨ: ਸਕੱਤਰ ਤਰਲੋਚਨ ਸੈਂਭੀ ਦੀ ਹਾਜਰੀ ਵਿੱਚ ਕੀਤੀ। ਜਰਨੈਲ ਬਸੋਤਾ ਨੇ ਹਾਜਰੀਨ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਉਹਨਾਂ ਦਾ ਪੱਤਰਕਾਰੀ ਦਾ ਅੱਜ ਤੱਕ ਦਾ ਸ਼ਫਰ ਚਿੱਟੀ ਚਾਦਰ ਦੀ ਤਰਾਂ ਬੇਦਾਗ ਹੈ,ਮੈਂ ਤੁਹਾਨੂੰ ਵਿਸਵਾਸ ਦਿਵਾੳਂਦਾ ਹਾਂ ਕਿ “ਲੋਕ ਅਵਾਜ਼” ਜਿਸ ਤਰਾਂ ਦਾ ਨਾਂ ਹੈ ਸਾਡੀ ਕੋਸਿਸ ਇਹੀ ਰਹੇਗੀ ਕਿ ਇਹ ਅਖਬਾਰ ਆਪਣੇ ਨਾਂ ੳੁੱਪਰ ਖਰ੍ਹਾ ਉੱਤਰੇ। ਹਰਬੰਸ ਬੁੱਟਰ ਨੇ ਦਾਅਵਾ ਕੀਤਾ ਕਿ ਅਖਬਾਰ ਸਿਆਸੀ ਗਲਬਾ,ਧਾਰਮਿਕ ਅੰਧਵਿਸਵਾਸਾਂ ਅਤੇ ਝੂਠੇ ਪਾਖੰਡਵਾਦ ਤੋਂ ਦੁਰੀ ਰੱਖਦਾ ਹੋਇਆ ਵਿਗਿਆਨਿਕ ਸੋਚ ਵਾਲਾ ਨਸਾ-ਰਹਿਤ ਸਮਾਜ ਸਿਰਜਣ ਵਿੱਚ ਸਹਾਈ ਸਿੱਧ ਹੋਵੇਗਾ। ਪੰਜਾਬੀ ਲਿਖਾਰੀ ਸਭਾ ਦੇ ਪ੍ਰਧਾਨ ਗੁਰਬਚਨ ਬਰਾੜ ਨੇ ਵਧਾਈ ਦਿੰਦਿਆ ਕਿਹਾ ਕਿ “ਲੋਕ ਅਵਾਜ਼” ਦੀ ਸੁਰੂਆਤ ਸਾਡੇ ਸਾਰਿਆਂ ਲਈ ਮਾਣ ਵਾਲੀ ਗੱਲ ਹੈ। ਅਤੇ ਸਾਰੇ ਆਏ ਹੋਏ ਹਾਜਰੀਨ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਕੈਲਗਰੀ ਦੇ ਐਮ ਐਲ ਏ ਦਰਸਨ ਕੰਗ ਅਤੇ ਕੈਲਗਰੀ ਦੀਆਂ ਨਾਮਬਰ ਸਖਸੀਅਤਾਂ ਹਾਜਰ ਸਨ।ਇਸ ਤੋਂ ਪਹਿਲਾਂ ਐਡਮਿੰਟਨ ਵਿਚ ਕਰਵਾਏ ਗਏ ਸਮਾਰੋਹ ਦੌਰਾਨ ਐਮ ਐਲ ਏ ਨਰੇਸ ਭਾਰਦਵਾਜ, ਐਮ ਐਲ ਏ ਪੀਟਰ ਸੰਧੁ,ਅਮਰਜੀਤ ਸੋਹੀ,ਪਾਲ ਸਿੰਘ ਪੁਰੇਵਾਲ,ਗੁਰਪਰੀਤ ਗਿਲ ਅਤੇ ਦਲਬੀਰ ਸਾਂਗਿਆਨ ਸਮੇਤ ਹੋਰ ਕਈ ਸਖਸੀਅਤਾਂ ਨੇ ਸੰਬੋਧਂਨ ਕੀਤਾ ਅਤੇ ਜਰਨੈਲ ਬਸੋਤਾ ਤੋ ਵਧੀਆ ਪੱਤਰਕਾਰੀ ਦੀ ਆਸ ਕੀੱਤੀ।
****

ਪੰਜਾਬੀ ਫਿਲਮ ‘ਕੌਣ ਦਿਲਾਂ ਦੀਆਂ ਦੀਆਂ ਜਾਣੇ’ ਦੀ ਡੀ.ਵੀ.ਡੀ. ਰੀਲੀਜ਼..........ਡੀ.ਵੀ.ਡੀ. ਰੀਲੀਜ਼ / ਹਰਬੰਸ ਬੁੱਟਰ


ਕੈਲਗਰੀ : ਸੰਦਲ ਪ੍ਰਡੋਕਸ਼ਨ ਕੈਲਗਰੀ ਦੀ ਪੇਸ਼ਕਸ਼ ਤੇ ਕੈਲਗਰੀ ਦੇ ਸੰਦਲ ਪ੍ਰਰੋਡਕਸ਼ਨ ਦੇ ਮਾਲਕ ਪਰਮਜੀਤ ਸੰਦਲ ਦੇ ਆਈਡੀਏ ਤੇ ਕੈਲਗਰੀ ਨਿਵਾਸੀ ਲੇਖਕ ਬਲਜਿੰਦਰ ਸੰਘਾ ਦੀ ਲਿਖੀ ਪੰਜਾਬੀ ਫਿਲਮ ‘ਕੌਣ ਦਿਲਾਂ ਦੀਆਂ ਜਾਣੇ’ ਸ਼ੁਮਾਰੋਂ ਕੰਪਨੀ ਵੱਲੋਂ ਦੁਨੀਆਂ ਭਰ ਵਿਚ ਰੀਲੀਜ਼ ਕਰ ਦਿੱਤੀ ਗਈ ਹੈ । ਇਸ ਦਾ ਰੀਲੀਜ਼ ਸਮਾਰੋਹ ਕੈਲਗਰੀ (ਕਨੇਡਾ) ਵਿਚ ਪੰਜਾਬੀ ਲਿਖਾਰੀ ਸਭਾ ਕੈਲਗਰੀ ਦੀ ਸੁਚੱਜੀ ਅਗਵਾਈ ਹੇਠ ਕੋਸੋ ਦੇ ਹਾਲ ਵਿਚ ਕੀਤਾ ਗਿਆ । ਕਾਫੀ ਬਰਫ ਪੈਣ ਤੇ ਠੰਢ ਦੇ ਬਾਵਜੂਦ ਕੋਸੋ ਹਾਲ ਪੂਰੀ ਤਰ੍ਹਾਂ ਭਰ ਗਿਆ ਤੇ ਸੰਦਲ ਪਰਿਵਾਰ ਵੱਲੋ ਵਰਤਾਈ ਜਾ ਰਹੀ ਗਰਮਾ-ਗਰਮ ਆਲੂ ਟਿੱਕੀ ਦਾ ਚਾਹ ਤੇ ਜਲੇਬੀਆਂ ਨਾਲ ਅਨੰਦ ਮਾਣਦੇ ਸੌਹਿਰਦ ਸੱਜਣ ਬੜੇ ਉਤਸ਼ਹ ਤੇ ਖੁਸ਼ੀ ਨਾਲ ਇਸ ਫਿਲਮ ਦੇ ਰੀਲੀਜ਼ ਹੋਣ ਦਾ ਅਨੰਦ ਮਾਣਦੇ ਰਹੇ । ਜਦੋਂ ਪੰਜਾਬੀ ਲਿਖਾਰੀ ਸਭਾ ਕੈਲਗਰੀ ਦੇ ਪ੍ਰਧਾਨ ਗੁਰਬਚਨ ਬਰਾੜ ,ਜਨਰਲ ਸਕੱਤਰ ਤਰਲੋਚਨ ਸਂੈਭੀ ਤੇ ਪਰਮਜੀਤ ਸੰਦਲ ਦੀ ਫੈਮਲੀ ਦੇ ਨਾਲ ਇਸ ਫਿਲਮ ਦੀ ਡੀ.ਵੀ.ਡੀ ਰੀਲੀਜ਼ ਕੀਤੀ ਗਈ ਤਾਂ ਸਾਰੇ ਦਾ ਸਾਰਾ ਕੋਸੋ ਹਾਲ ਤਾੜੀਆਂ ਦੀ ਗੜ-ਗੜਹਾਟ ਨਾਲ ਗੂੰਜ਼ ਉੱਠਿਆਂ ਤੇ ਹਰ ਕੋਈ ਪਰਮਜੀਤ ਸੰਦਲ ਨੂੰ ਕੈਨੇਡਾ ਦੀ ਰੁਝੇਵਿਆਂ ਭਰੀ ਜਿੰਦਗੀ ਵਿਚੋ ਟਾਈਮ ਤੇ ਪੈਸਾ ਕੱਢਕੇ ਇਹ ਫਿਲਮ ਬਣਾਉਣ ਲਈ ਵਧਾਈ ਦੇ ਰਿਹਾ ਸੀ । ਹਰਕੰਵਲਜੀਤ ਸਹਿਲ ਨੇ ਸਭ ਤੋਂ ਪਹਿਲਾ ਇਸ ਫਿਲਮ ਨੂੰ ਬਣਾਉਣ ਵਿਚ ਹੋਈ ਮਿਹਨਤ ਤੇ ਚਾਣਣਾ ਪਾਇਆ ਤੇ ਫਿਰ ਇਸ ਫਿਲਮ ਦੇ ਲੇਖਕ ਬਲਜਿੰਦਰ ਸੰਘਾ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਇਕ ਫਿਲਮ ਦੀ ਸੂਟਿੰਗ ਦੌਰਾਨ ਕੀ-ਕੀ ਮੁਸ਼ਕਲਾਂ ਦਾ ਸਹਮਣਾ ਕਰਨਾ ਪੈਦਾ ਹੈ, ਇਹ ਇਕ ਪ੍ਰੋਡਿਊਸਰ ਹੀ ਜਾਣ ਸਕਦਾ ਹੈ ਤੇ ਨਾਲ ਹੀ ਦੱਸਿਆ ਕਿ ਇਸ ਫਿਲਮ ਦੀ ਸ਼ੂਟਿੰਗ ਕੈਨੇਡਾ ਤੋਂ ਇਲਾਵਾ ਇੰਡੀਆ ਵਿਚ ਦਿੱਲੀ ,ਜਲੰਧਰ, ਵਡਾਲਾ,ਤਾਜਪੁਰ,ਤਲਵੰਡੀ ਭਾਈ ਤੇ ਪਿੰਡ ਢੁੱਡੀ ( ਫਰੀਦਕੋਟ) ਹੋਈ ਹੈ । ਉਨ੍ਹਾਂ ਨੇ ਦੱਸਿਆ ਕਿ ਇਹ ਇਕ ਐਨ.ਆਰ.ਆਈ. ਦੇ ਕਤਲ ਦੀ ਕਹਾਣੀ ਹੈ ਤੇ ਇਕ ਕਮੇਡੀ ਭਰਪੂਰ ਤੇ ਪੂਰੀ ਤਰ੍ਹਾਂ ਪਰਿਵਾਰਕ ਫਿਲਮ ਹੈ,ਤੇ ਕੈਲਗਰੀ (ਕੈਨੇਡਾ ) ਸ਼ਹਿਰ ਵਿਚ ਪ੍ਰੋਡਿਊਸਰ ਪਰਮਜੀਤ ਸੰਦਲ ਵੱਲੋਂ ਸਿਰਫ 4.99$ ਵਿਚ ਇਸ ਫਿਲਮ ਦੀ ਅਸਲੀ ਡੀ.ਵੀ.ਡੀ. ਉਪਲਬਧ ਕਰਵਾਈ ਗਈ ਹੈ । ਉਨ੍ਹਾਂ ਨੇ ਸਭ ਨੂੰ ਇਸ ਦੀ ਅਸਲ ਡੀ ਵੀ.ਡੀ ਖਰੀਦਣ ਦੀ ਅਪੀਲ ਕੀਤੀ । ਦੀਪਸਿ਼ਖਾ ਬਰਾੜ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆ ਹੋਇਆ ਪ੍ਰੋਡਿਊਸਰ ਪਰਮਜੀਤ ਸੰਦਲ ਤੇ ਲੇਖਕ ਬਲਜਿੰਦਰ ਸੰਘਾ ਨੂੰ ਇਸ ਫਿਲਮ ਦੀ ਡੀ.ਵੀ.ਡੀ.ਰੀਲੀਜ਼ ਹੋਣ ਤੇ ਵਧਾਈ ਦਿੱਤੀ । ਐਮ.ਐਲ .ਏ . ਦਰਸ਼ਨ ਕੰਗ ਨੇ ਨੌਜਵਾਨ ਪਰਮਜੀਤ ਸੰਦਲ ਤੇ ਲੇਖਕ ਬਲਜਿੰਦਰ ਸੰਘਾ ਨੂੰ ਇਸ ਫਿਲਮ ਲਈ ਵਧਾਈ ਦਿੱਤੀ ਤੇ ਨਾਲ ਹੀ ਪੰਜਾਬੀ ਲਿਖਾਰੀ ਸਭਾ ਕੈਲਗਰੀ ਵੱਲੋਂ ਪਬਲਿਕ ਸਕੂਲਾਂ ਵਿਚ ਪੰਜਾਬੀ ਕਲਾਸਾਂ ਸ਼ੁਰੂ ਕਰਵਾਉਣ ਲਈ ਕੀਤੇ ਸੈਮੀਨਾਰ ਲਈ ਧੰਨਵਾਦ ਕੀਤਾ । ਉਨ੍ਹਾਂ ਹਰ ਤਰ੍ਹਾਂ ਦੇ ਸਹਿਯੋਗ ਲਈ ਆਪਣੀ ਹਾਮੀ ਭਰੀ । ਅਖੀਰ ਵਿਚ ਪਰਮਜੀਤ ਸੰਦਲ ਨੇ ਇਸ ਫਿਲਮ ਦੀ ਸਫਲਤਾ ਲਈ ਬਾਬਾ ਜੀ ਨਮਕੀਨ ਦੇ ਰਜੇਸ਼ ਲਾਬਾ ਜੀ ਦਾ ਸਪੈਸ਼ਲ ਧੰਨਵਾਦ ਕੀਤਾ ਤੇ ਸੰਦਲ ਪ੍ਰਡੋਸ਼ਨ ਕੈਲਗਰੀ ਵੱਲੋਂ ਇਸ ਫਿਲਮ ਦੇ ਦੂਸਰੇ ਭਾਗ ਦੇ ਰੂਪ ਵਿਚ ਆ ਰਹੀ ਫਿਲਮ ‘ਦਿਲ ਦਰਿਆਂ ਸਮੁੰਦਰੋਂ ਡੂੰਘੇ’ ਬਾਰੇ ਸਭ ਨੂੰ ਜਾਣਕਾਰੀ ਦਿੱਤੀ ਗਈ । 
****

ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਮਹਾਨ ਪ੍ਰਕਾਸ ਦਿਹਾੜਾ ਬੜੀ ਸਰਧਾ ਨਾਲ ਮਨਾਇਆ ਗਿਆ......... ਮਨਮੋਹਣ ਸਿੰਘ ਜਰਮਨੀ



ਜਰਮਨ : ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਜਰਮਨੀ ਦੀਆਂ ਸਮੂਹ ਸਾਧ ਸੰਗਤਾਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਸਿੱਖ ਧਰਮ ਦੇ ਬਾਨੀ ਅਤੇ ਪਹਿਲੇ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਪ੍ਰਕਾਸ ਦਿਹਾੜਾ ਬੜੀ ਸਰਧਾ ਅਤੇ ਧੂੱਮਧਾਮ ਨਾਲ ਮਿਤੀ 21 ਨਵੰਬਰ ਦਿਨ ਐਤਵਾਰ ਨੂੰ ਬੜੀ ਸਰਧਾ ਨਾਲ ਮਨਾਇਆ ਗਿਆ। ਇਸ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਗਏ ਸੰਗਤਾਂ ਭਾਰੀ ਗਿਣਤੀ ਵਿਚ ਇੱਕਠੀਆਂ ਹੋਈਆਂ ਸਨ। ਭਾਈ ਬਲਜੀਤ ਸਿੰਘ ਨਿੰਕੀ ਮਿਆਣੀ ਪਰਵਾਰ ਨੇ ਪਾਠੀ ਸਿੰਘਾਂ ਦੀ ਸੇਵਾ ਕੀਤੀ। ਇਸ ਮੌਕੇ ਦੂਰੋ ਨੇੜੇ ਤੋਂ ਆਈਆਂ ਸਿੱਖ ਸੰਗਤਾਂ ਨੇ ਸ੍ਰੀ ਨਿਸ਼ਾਨ ਸਾਹਿਬ ਜੀ ਦੇ ਬਸਤਰ ਬਦਲੇ ਅਤੇ ਨਵੇਂ ਨਿਸ਼ਾਨ ਸਾਹਿਬ ਨੂੰ ਸਾਰੀਆਂ ਸਿੱਖ ਸੰਗਤਾਂ ਨੇ ਸਬਦ ਕੀਰਤਨ ਅਤੇ ਵਾਹਿਗੁਰੂ ਦਾ ਜਾਪ ਕਰਦਿਆਂ ਸੇਵਾ ਕੀਤੀ। ਨਿਸ਼ਾਨ ਸਾਹਿਬ ਜੀ ਦੀ ਸੇਵਾ ਭਾਈ ਜਰਨੈਲ ਸਿੰਘ ਸੁੰਦਰਪੁਰ ਪਰਿਵਾਰ ਵਲੋਂ ਕੀਤੀ ਗਈ। ਸੰਗਤਾਂ ਦਾ ਠਾਠਾਂ ਮਾਰਦਾ ਇਕੱਠ ਅਪਣੇ ਸਾਰੇ ਰੁੱਝੇਵਿਆਂ ਨੂੰ ਛੱਡ ਬੜੀ ਲਗਨ ਨਾਲ ਸੇਵਾ ਕਰ ਰਹੀ ਸੀ। ਲੰਗਰਾਂ ਲਈ ਹਰ ਤਰੀਕੇ ਦੇ ਪਕਵਾਨ ਅਤੇ ਸਮਗਰੀ ਲਈ ਸਗਤਾਂ ਨੇ ਦਿਲ ਖੋਲਕੇ ਸੇਵਾ ਕੀਤੀ। ਇਸ ਮੌਕੇ ਗੁਰਦੁਆਰਾ ਸਾਹਿਬ ਵਿਚ ਬੱਚਿਆਂ ਵਲੋਂ ਸਬਦ ਕੀਰਤਨ ਰਾਂਹੀ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ। ਗੁਰਦੁਆਰਾ ਸਾਹਿਬ ਦੇ ਮੁੱਖ ਵਜੀਰ ਭਾਈ ਨਰਿੰਜਨ ਸਿੰਘ ਜੀ ਅਤੇ ਭਾਈ ਫੁੱਮਣ ਸਿੰਘ ਜੀ ਵਲੋਂ ਵਿਸਥਾਰ ਨਾਲ ਸੰਗਤਾਂ ਨਾਲ ਵਿਚਾਰ ਸਾਂਝੇ ਕਰਦਿਆਂ ਸਿੱਖ ਧਰਮ ਦੇ ਬਾਨੀ ਅਤੇ ਪਹਿਲੇ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ ਦਿਵਸ ਸਬੰਧੀ ਵਧਾਈਆਂ ਦਿਤੀਆਂ ਅਤੇ ਬਾਬਾ ਜੀ ਦੇ ਦਿਤੇ ਉਪਦੇਸ਼ਾਂ ਬਾਰੇ ਸੰਗਤਾਂ ਨੂੰ ਜਾਣਕਾਰੀ ਦਿਤੀ। ਸ:ਬਲਵਿੰਦਰ ਸਿੰਘ ਨੇ ਧਾਰਮਿਕ ਗੀਤ ਰਾਂਹੀ ਬਾਬਾ ਜੀ ਨੂੰ ਸਰਧਾ ਦੇ ਫੁਲ ਅਰਪਿਤ ਕੀਤੇ। ਇਸ ਭਾਰੀ ਇੱਕਠ ਮੌਕੇ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਜਰਮਨੀ ਦੇ ਮੁੱਖ ਸੇਵਾਦਾਰ ਭਾਈ ਰੁੱਲਦਾ ਸਿੰਘ ਗਿਲਜੀਆਂ ਨੇ ਸਿੱਖ ਸੰਗਤਾਂ ਨੂੰ ਇਸ ਮਹਾਨ ਪ੍ਰਕਾਸ ਦਿਹਾੜੇ ਮੌਕੇ ਵਧਾਈਆਂ ਦਿਤੀਆਂ ਅਤੇ ਇਲਾਕੇ ਅਤੇ ਸਮੂਹ ਜਰਮਨ ਵਾਸੀਆਂ ਦਾ ਧੰਨਵਾਦ ਕੀਤਾ । ਇਸ ਮੌਕੇ ਭਾਈ ਸੁਰਜੀਤ ਸਿੰਘ,ਭਾਈ ਅਮਰਜੀਤ ਸਿੰਘ ਪੇਲੀਆ,ਭਾਈ ਇੰਦਰਜੀਤ ਸਿੰਘ ਅਤੇ ਭਾਈ ਮਨਮੋਹਣ ਸਿੰਘ ਜਰਮਨੀ ਨੇ ਸੰਗਤਾਂ ਨੂੰ ਸਿੱਖ ਧਰਮ ਦੇ ਬਾਨੀ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਮਹਾਨ ਪ੍ਰਕਾਸ ਦਿਵਸ ਦੀਆਂ ਵਧਾਈਆਂ ਦਿਤੀਆਂ। 
****

ਨੈਸ਼ਨਲ ਯੂਥ ਵੈਲਫ਼ੇਅਰ ਕਲੱਬ ਵੱਲੋਂ ਕਰਵਾਏ ਰਾਜ ਪੱਧਰੀ ਸਮਾਗਮ ’ਚ ਰੂਪਮ ਬਰਨਾਲਾ ਨੇ ਜਿੱਤਿਆ ‘ਧੀ ਪੰਜਾਬ ਦੀ 2010 ਪੁਰਸਕਾਰ ..........ਸੱਭਿਆਚਾਰਕ ਸਮਾਗਮ / ਜਸਬੀਰ ਜੱਸੀ (ਫਰੀਦਕੋਟ)

‘ਧੀ ਪੰਜਾਬ ਦੀ’ ਦੌਰਾਨ ਪਹਿਲਾ,ਦੂਜਾ, ਤੀਜਾ ਸਥਾਨ
ਪ੍ਰਾਪਤ ਕਰਨ ਵਾਲੀਆਂ ਮੁਟਿਆਰਾਂ

ਲੋਕ ਗਾਇਕ ਜਤਿੰਦਰ ਗਿੱਲ ਨੂੰ ਸਨਮਾਨਿਤ ਕਰਦੇ ਹੋਏ
ਬੀਬੀ ਮੁਖਤਿਆਰ ਕੌਰ, ਅਮਰਦੀਪ ਸਿੰਘ ਬਾਸੀ

ਵਿਚਾਰ ਪੇਸ਼ ਡਾ. ਐੱਸ ਕਰੁਣਾ ਰਾਜੂ ਡਿਪਟੀ ਕਮਿਸ਼ਨਰ,
ਹਾਜ਼ਰ ਬੀਬੀ ਪਰਮਜੀਤ ਕੌਰ ਗੁਲਸ਼ਨ ਤੇ ਹੋਰ ਮਹਿਮਾਨ

ਫ਼ਰੀਦਕੋਟ : ਨੈਸ਼ਨਲ ਯੂਥ ਵੈਲਫ਼ੇਅਰ ਕਲੱਬ ਸਬੰਧਿਤ ਯੁਵਕ ਸੇਵਾਵਾਂ ਵਿਭਾਗ ਫ਼ਰੀਦਕੋਟ ਵੱਲੋਂ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਪ੍ਰਤੀ ਚੇਤੰਨਤਾ ਪੈਦਾ ਕਰਨ ਵਾਸਤੇ ਮਾਣਮੱਤੀਆਂ ਪੰਜਾਬਣਾਂ ਦਾ ਸ਼ਾਨਮੱਤਾ ਤੇਰਵਾਂ ਸੱਭਿਆਚਾਰਕ ਪ੍ਰੋਗਰਾਮ ‘ਧੀ ਪੰਜਾਬ ਦੀ ਪੁਰਸਕਾਰ 2010’ ਕਲੱਬ ਪ੍ਰਧਾਨ ਗੁਰਚਰਨ ਸਿੰਘ ਭੰਗੜਾ ਕੋਚ ਅਤੇ ਸਕੱਤਰ ਸੁਨੀਲ ਚੰਦਿਆਣਵੀ ਦੀ ਦੇਖ-ਰੇਖ ਹੇਠ ਐੱਮ.ਜੀ.ਐੱਮ.ਸੀ.ਸੈ.ਸਕੂਲ ਫ਼ਰੀਦਕੋਟ ਵਿਖੇ ਕਰਵਾਇਆ ਗਿਆ। ਇਸ ਸੱਭਿਆਚਾਰਕ ਮੁਕਾਬਲੇ ’ਚ ਪੰਜਾਬ ਦੇ ਵੱਖ-ਵੱਖ ਜ਼ਿਲਿਆਂ ਤੋਂ ਚੁਣੀਆਂ ਗਈਆਂ 17 ਮੁਟਿਆਰਾਂ ਨੇ ਹਿੱਸਾ ਲਿਆ। ਇਸ ਪ੍ਰੋਗਰਾਮ ’ਚ ਮੁਖ ਮਹਿਮਾਨ ਵਜੋਂ ਡਾ. ਐੱਸ. ਕਰੁਣਾ ਰਾਜੂ ਡਿਪਟੀ ਕਮਿਸ਼ਨਰ ਫ਼ਰੀਦਕੋਟ ਸ਼ਾਮਲ ਹੋਏ ਜਦੋਂ ਕਿ ਸਮਾਗਮ ਦੀ ਪ੍ਰਧਾਨਗੀ ਬੀਬੀ ਪਰਮਜੀਤ ਕੌਰ ਗੁਲਸ਼ਨ ਮੈਂਬਰ ਪਾਰਲੀਮੈਂਟ ਹਲਕਾ ਫ਼ਰੀਦਕੋਟ ਨੇ ਕੀਤੀ। ਸਮਾਗਮ ਦਾ ਉਦਘਾਟਨ ਜਗਜੀਤ ਸਿੰਘ ਚਾਹਲ ਸਹਾਇਕ ਡਾਇਰਕੈਟਰ ਯੁਵਕ ਸੇਵਾਵਾਂ ਵਿਭਾਗ ਨੇ ਕੀਤਾ। ਸਤਿਕਾਰਿਤ ਮਹਿਮਾਨਾਂ ਵਜੋਂ ਅਮਰਦੀਪ ਸਿੰਘ ਬਾਸੀ ਪ੍ਰਧਾਨ ਨਗਰ ਕੌਂਸਲ , ਬਲਜੀਤ ਸਿੰਘ ਬਰਾੜ ਜ਼ਿਲਾ ਸਿੱਖਿਆ ਅਫ਼ਸਰ ਸੈਕੰਡਰੀ, ਬੀਬੀ ਮੁਖਤਿਆਰ ਕੌਰ ਰਿਟਾਇਡ ਬੀ.ਪੀ.ਈ.ਓ ਪਹੁੰਚੇ। ਵਿਸ਼ੇਸ ਮਹਿਮਾਨਾਂ ਵਜੋਂ ਗੁਰਮੀਤ ਸਿੰਘ ਬਰਾੜ ਜੀ.ਐੱਮ ਪੰਜਾਬ ਸਟੇਟ ਕੋਆਪਰੇਟਿਵ ਵਿਕਾਸ ਬੈਂਕ ਲਿਮਟਿਡ ਚੰਡੀਗੜ, ਸੁਖਚੈਨ ਸਿੰਘ ਬਰਾੜ ਪ੍ਰਿੰ. ਮੇਜਰ ਅਜਾਇਬ ਸਿੰਘ ਸੀ.ਸੈ.ਸਕੂਲ ਜੀਵਨਵਾਲਾ, ਡਾ. ਸਤਿੰਦਰਪਾਲ ਸਿੰਘ ਚੇਅਰਮੈਨ ਸ਼ੇਖ ਫ਼ਰੀਦ ਆਈ.ਟੀ.ਆਈ, ਪੁਨੀਤ ਇੰਦਰ ਬਾਵਾ ਚੇਅਰਮੈਨ ਬਾਬਾ ਬੰਦਾ ਬਹਾਦਰ ਨਰਸਿੰਗ ਕਾਲਜ, ਡਾ.ਐੱਸ.ਐੱਸ.ਗਿੱਲ ਪ੍ਰਿੰ. ਮਹਾਰਾਜਾ ਰਣਜੀਤ ਸਿੰਘ ਕਾਲਜ ਮਲੋਟ, ਐੱਸ.ਐੱਸ. ਬਰਾੜ ਪ੍ਰਿੰ. ਆਦੇਸ਼ ਫ਼ਾਰਮੇਸੀ ਕਾਲਜ ਬਠਿੰਡਾ, ਜਗਦੇਵ ਸਿੰਘ ਸੰਧੂ ਚੇਅਰਮੈਨ ਗੁਰੂ ਗੋਬਿੰਦ ਸਿੰਘ ਪਬਲਿਕ ਸਕੂਲ ਗੁਰੂਹਰਸਹਾਏ, ਸਵਰਨ ਸਿੰਘ ਬਰਾੜ ਸਾਬਕਾ ਸਰਪੰਚ ਸ਼ਕੂਰ, ਸ਼੍ਰੀਮਤੀ ਦਲੀਪ ਕੌਰ ਕੁਹਾਰਵਾਲਾ, ਸਖਮੰਦਰ ਸਿੰਘ ਛੂਛਕ ਸਰਪੰਚ, ਸ਼ਿਵਰਾਜ ਸਿੰਘ ਸਰਾਏਨਾਗਾ, ਰਣਜੀਤ ਸਿੰਘ ਘੁਮਾਣ ਸੁਪਰਡੈਂਟ , ਕਰਨਵੀਰ ਸਿੰਘ ਧਾਲੀਵਾਲ ਚੇਅਰਮੈਨ ਦਸਮੇਸ਼ ਮਾਡਰਨ ਸਕੂਲ ਭਾਣਾ, ਸ਼੍ਰੀਮਤੀ ਗੁਰਿੰਦਰ ਕੌਰ ਰੂਪਰਾ ਮੈਨੇਜਰ ਵਿਸ਼ਵਕਰਮਾ ਹਾਈ ਸਕੂਲ, ਗੁਰਪ੍ਰੀਤ ਸਿੰਘ ਜੋਤੀ ਇੰਸਟੈਕਟਰ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਅਤੇ ਬਰਿਜ ਮੋਹਨ ਬੇਦੀ ਮੁਖ ਅਧਿਆਪਕ ਸਰਕਾਰੀ ਹਾਈ ਸਕੂਲ ਚੱਕ ਸੈਦੋਕੇ ਪਹੁੰਚੇ।

ਪ੍ਰੋਗਰਾਮ ਦੀ ਸ਼ੁਰੂਆਤ ਦਸਮੇਸ਼ ਪਬਲਿਕ ਸਕੂਲ ਦੀ ਵਿਦਿਆਰਥਣ ਨਿਤਨਪ੍ਰੀਤ ਕੌਰ ਨੇ ਸ਼ਬਦ ‘ ਤੁਮ ਸ਼ਰਨਾਈ ਆਇਓ’ ਨਾਲ ਕੀਤੀ। ਫ਼ਿਰ ਲੋਕ ਗਾਇਕ ਜਸਵਿੰਦਰ ਸੰਧੂ, ਸੁਖਜਿੰਦਰ ਸੰਧੂ, ਅੰਤਰ ਰਾਸ਼ਟਰੀ ਭੰਗੜਾ ਕਲਾਕਾਰ ਸੁਖਵਿੰਦਰ ਸੁੱਖਾ ਅਤੇ ਪ੍ਰਸਿੱਧ ਪੰਜਾਬੀ ਲੋਕ ਗਾਇਕ ਸੁਰਜੀਤ ਗਿੱਲ ਨੇ ਸੱਭਿਆਚਾਰਕ ਗੀਤ ਪੇਸ਼ ਕਰਦਿਆਂ ਸਰੋਤਿਆਂ ਨੂੰ ਕੀਲੀ ਰੱਖਿਆ। ਇਸ ਮੌਕੇ ਬਾਬਾ ਬੰਦਾ ਬਹਾਦਰ ਨਰਸਿੰਗ ਕਾਲਜ ਫ਼ਰੀਦਕੋਟ ਵੱਲੋਂ ‘ ਖੇਡਣ ਦੇ ਦਿਨ ਚਾਰ ’ ਕੋਰੀਓਗਰਾਫ਼ੀ ਅਤੇ ਆਦੇਸ਼ ਕਾਲਜ ਆਫ਼ ਫ਼ਾਰਮੇਸੀ ਵੱਲੋਂ ਲੋਕ ਨਾਚ ਜਿੰਦੂਆ ਪੇਸ਼ ਕਰਕੇ ਸਰੋਤਿਆਂ ਨੂੰ ਝੂਮਣ ਲਾ ਦਿੱਤਾ ਗਿਆ। ਇਸ ਮੌਕੇ ਪਹਿਰਾਵਾ ਪ੍ਰਦਰਸ਼ਨੀ, ਗਿੱਧਾ, ਸੁਆਲ -ਜੁਆਬ ਅਤੇ ਨਾਚ ਰਾਊਂਡਜ਼ ਦੇ ਅਧਾਰ ਤੇ ਸੱਭਿਆਚਾਰਕ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ’ਚ ਆਦੇਸ਼ ਕਾਲਜ ਆਫ਼ ਫ਼ਾਰਮੇਸੀ ਬਠਿੰਡਾ ਦੀ ਰੂਪਮ ਨੇ ਪਹਿਲਾ, ਮਹਾਰਾਜਾ ਰਣਜੀਤ ਸਿੰਘ ਕਾਲਜ ਮਲੋਟ ਦੀ ਬਰਿੰਦਰ ਕੌਰ ਨੇ ਦੂਜਾ ਅਤੇ ਗਗਨਦੀਪ ਕੌਰ ਰੰਧਾਵਾ ਬਰਨਾਲਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕਰਨ ਵਾਲੀਆਂ ਮੁਟਿਆਰਾਂ ਨੂੰ ਕ੍ਰਮਵਾਰ ਸੋਨੇ ਦੀ ਸੱਗੀ, ਸੋਨੇ ਦੀ ਜੁਗਨੀ ਤੇ ਸੋਨੇ ਦੇ ਟਿੱਕੇ ਦੇ ਨਾਲ -ਨਾਲ ਯਾਦਗਰੀ ਚਿੰਨ•, ਪ੍ਰਮਾਣ ਪੱਤਰ, ਸੋਨੇ ਦਾ ਕੋਕਾ, ਫ਼ੁਲਕਾਰੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਮੁਕਾਬਲੇ ਦੀ ਹਰੇਕ ਭਾਗੀਦਾਰ ਮੁਟਿਆਰ ਨੂੰ ਸੋਨੇ ਦਾ ਕੋਕਾ, ਪ੍ਰਮਾਣ ਪੱਤਰ ਅਤੇ ਯਾਦਗਰੀ ਚਿੰਨ• ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੁਕਾਬਲੇ ਦੀ ਜੱਜਮੈਂਟ ਗੁਰਚਰਨ ਸਿੰਘ ਸੰਧੂ ਜ਼ਿਲਾ ਟਰਾਂਸਪੋਰਟ ਅਫ਼ਸਰ ਫਿਰੋਜ਼ਪੁਰ, ਡਾ. ਸਰਬਜੀਤ ਕੌਰ ਸੋਹਲ ਚੰਡੀਗੜ• ਤੇ ਮੋਹਿਤ ਇੰਦਰ ਬਾਵਾ ਨੇ ਕੀਤੀ। ਸਮਾਗਮ ਦੌਰਾਨ ਲੋਕ ਗਾਇਕ ਜਤਿੰਦਰ ਗਿੱਲ ਨੇ ਆਪਣੇ ਚਰਚਿਤ ਗੀਤ ਪੇਸ਼ ਕਰਦਿਆਂ ਸਰੋਤਿਆਂ ਨੂੰ ਥਿਰਕਣ ਲਾ ਦਿੱਤਾ ਗਿਆ। ਇਸ ਮੌਕੇ ਤੇ ਗਾਇਕ ਜਤਿੰਦਰ ਗਿੱਲ ਨੂੰ ਸਵ. ਦਿਲਕਰਨ ਸਿੰਘ ਹੀਰਾ ਏਸ਼ੀਅਨ ਤੈਰਾਕ ਦੀ ਮਿੱਠੀ ਯਾਦ ’ਚ ‘ਰੂਹ-ਏ-ਪੰਜਾਬ ਐਵਾਰਡ 2010’ ਨਾਲ ਅਤੇ ਵਿਸ਼ਵ ਪੰਜਾਬਣ 2008 ਦਾ ਖਿਤਾਬ ਜਿੱਤਣ ਵਾਲੀ ਅਦਾਕਾਰਾ ਮੋਹਿਤ ਇੰਦਰ ਬਾਵਾ ਦਾ ਵਿਸ਼ੇਸ ਸਨਮਾਨ ਮਾਤਾ ਮੁਖਤਿਆਰ ਕੌਰ ਤੇ ਅਮਰਦੀਪ ਸਿੰਘ ਬਾਸੀ ਪ੍ਰਧਾਨ ਵੱਲੋਂ ਕੀਤਾ ਗਿਆ। ਜੀ ਆਇਆਂ ਨੂੰ ਕਲੱਬ ਦੇ ਮੀਤ ਪ੍ਰਧਾਨ ਜਸਵਿੰਦਰ ਸਿੰਘ ਮਿੰਟੂ ਨੇ ਆਖਿਆ। ਧੰਨਵਾਦ ਕਲੱਬ ਦੇ ਸਰਪ੍ਰਸਤ ਪ੍ਰਿੰ ਸੇਵਾ ਸਿੰਘ ਚਾਵਲਾ ਨੇ ਕੀਤਾ। ਕਲੱਬ ਪ੍ਰਧਾਨ ਗੁਰਚਰਨ ਸਿੰਘ ਨੇ ਰਿਪੋਰਟ ਪੇਸ਼ ਕੀਤੀ। ਮੰਚ ਸੰਚਾਲਨ ਦੀ ਜਿੰਮੇਵਾਰੀ ਜਸਬੀਰ ਜੱਸੀ ਤੇ ਗੁਰਮਿੰਦਰਜੀਤ ਕੌਰ ਗਿੱਲ ਨੇ ਸਾਂਝੇ ਰੂਪ ’ਚ ਨਿਭਾਈ। ਇਸ ਮੌਕੇ ਸੰਬੋਧਨ ਕਰਦਿਆਂ ਮੁਖ ਮਹਿਮਾਨ ਡਾ.ਐੱਸ.ਕਰੁਣਾ ਰਾਜੂ ਡਿਪਟੀ ਕਮਿਸ਼ਨਰ ਨੇ ਭਰੂਣ ਹੱਤਿਆ ਰੋਕਣ, ਨਸ਼ਿਆਂ ਦਾ ਤਿਆਗ ਕਰਨ, ਪਾਣੀ ਦੀ ਵਰਤੋਂ ਸੰਜਮ ਨਾਲ ਕਰਨ ਅਤੇ ਸੱਭਿਆਚਾਰਕ ਦੀ ਪ੍ਰਫ਼ੱਲਤਾ ਵਾਸਤੇ ਕੰਮ ਕਰਨ ਦੀ ਅਪੀਲ ਕੀਤੀ। ਬੀਬੀ ਪਰਮਜੀਤ ਕੌਰ ਗੁਲਸ਼ਨ ਨੇ ਕਲੱਬ ਦੇ ਇਸ ਉੱਦਮ ਦੀ ਪ੍ਰਸ਼ੰਸਾ ਕੀਤੀ ਤੇ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ। ਇਸ ਪ੍ਰੋਗਰਾਮ ਦੀ ਸਫ਼ਲਤਾ ਅਮਨਦੀਪ ਲੱਕੀ, ਗੁਰਮੇਲ ਸਿੰਘ ਜੱਸਲ,ਗੁਰਚਰਨ ਸਿੰਘ ਗਿੱਲ, ਗੋਪਾਲ ਸਿੰਘ, ਸੁਰਜੀਤ ਗਿੱਲ, ਸੁਨੀਲ ਵਾਟਸ, ਦਰਸ਼ਨ ਲਾਲ ਚੁੱਘ, ਸਵਰਨ ਭੋਲਾ, ਪਾਲ ਸਿੰਘ ਸੰਧੂ, ਖੁਸ਼ਵਿੰਦਰ ਹੈਪੀ, ਨਾਇਬ ਸਿੰਘ, ਅਮਨਦੀਪ ਦੀਪ, ਯੋਗੇਸ਼ ਕੁਮਾਰ, ਮਾਸਟਰ ਗੁਰਮੇਲ ਸਿੰਘ, ਵਿਨੋਦ ਕੁਮਾਰ ਕਾਲਾ, ਭੁਪਿੰਦਰਪਾਲ ਸਿੰਘ, ਲਛਮਣ ਭਾਣਾ-ਅਮਰਜੀਤ ਸੇਖੋਂ, ਨਰੇਸ਼ ਕੁਮਾਰ, ਹਰਜੀਤ ਸਿੰਘ ਤੇ ਮੋਹਣੀ ਨੇ ਅਹਿਮ ਭੂਮਿਕਾ ਅਦਾ ਕੀਤੀ।

****

24ਵੀਆਂ ਸਿੱਖ ਖੇਡਾਂ ਦਾ ਵੱਜਿਆ ਸ਼ੁਰੂਆਤੀ ਬਿਗਲ..........ਸਿੱਖ ਖੇਡਾਂ / ਮਿੰਟੂ ਬਰਾੜ


ਐਡੀਲੇਡ : ਪਿਛਲੇ 24 ਵਰ੍ਹਿਆਂ ਤੋਂ ਦੁਨੀਆਂ ਭਰ ਵਿੱਚ ਆਪਣੀ ਕਾਮਯਾਬੀ ਦਾ ਡੰਕਾ ਵਜਾਉਣ ਵਾਲੀਆਂ "ਆਸਟ੍ਰੇਲੀਅਨ ਸਿੱਖ ਗੇਮਜ਼" ਜੋ ਕਿ ਇਸ ਬਾਰ ਸਾਊਥ ਆਸਟ੍ਰੇਲੀਆ ਦੀ ਰਾਜਧਾਨੀ ਐਡੀਲੇਡ ਵਿੱਚ ਹੋ ਰਹੀਆਂ ਹਨ, ਨੂੰ ਕਰਵਾਉਣ ਦੀ ਰਸਮੀ ਸ਼ੁਰੂਆਤ ਦਾ ਬਿਗਲ ਵੱਜ ਚੁੱਕਿਆ ਹੈ। ਇਸ ਬਾਰ ਇਹਨਾਂ ਖੇਡਾਂ ਦੀ ਮੇਜ਼ਬਾਨੀ ਸਾਊਥ ਆਸਟ੍ਰੇਲੀਆ ਦਾ ਸਿੱਖ ਭਾਈਚਾਰਾ ਉੱਘੇ ਸਮਾਜ ਸੇਵੀ ਮਹਾਂਬੀਰ ਸਿੰਘ ਗਰੇਵਾਲ ਦੀ ਅਗਵਾਈ ਹੇਠ ਕਰ ਰਿਹਾ ਹੈ। ਸਿੱਖ ਭਾਈਚਾਰੇ ਦੇ ਨਾਲ ਨਾਲ ਹੋਰ ਵੀ ਇੰਡੀਅਨ ਕਮਿਊਨਿਟੀਆਂ ਦੇ ਲੋਕ ਇਹਨਾਂ ਸਿੱਖ ਖੇਡਾਂ ਨੂੰ ਕਾਮਯਾਬ ਕਰਨ ਲਈ ਤਹਿ ਦਿਲੋਂ ਮਦਦ ਕਰ ਰਹੇ ਹਨ। ਪਿਛਲੇ ਦਿਨੀਂ ਦਿਵਾਲੀ ਦੇ ਮੌਕੇ ਤੇ ਇਹਨਾਂ ਖੇਡਾਂ ਲਈ ਫ਼ੰਡ ਇਕੱਠਾ ਕਰਨ ਲਈ ਇਕ ਡਿਨਰ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਤੇ ਇਹਨਾਂ ਖੇਡਾਂ ਦੀ ਵੈੱਬ ਸਾਈਟ www.australiansikhgames.com ਵੀ ਰੀਲੀਜ ਕੀਤੀ ਗਈ ਤਾਂ ਜੋ ਦੂਰੋਂ ਨੇੜੇ ਬੈਠੇ ਇੱਛੁਕ ਲੋਕ ਖੇਡਾਂ ਬਾਰੇ ਜਾਣਕਾਰੀ ਅਤੇ ਆਪਣੀ ਸ਼ਮੂਲੀਅਤ ਦਰਜ ਕਰ ਸਕਣ। ਇਸ ਮੌਕੇ ਤੇ ਇੰਡੀਅਨ ਐਸੋਸੀਏਸ਼ਨ ਦੇ ਪ੍ਰਧਾਨ ਰਿ. ਜਰਨਲ ਵਿਕਰਮ ਮਦਾਨ ਨੇ ਸਾਰੇ ਹਿੰਦੁਸਤਾਨੀ ਭਾਈਚਾਰੇ ਨੂੰ ਅਪੀਲ ਕੀਤੀ ਕਿ ਉਹ ਇਹਨਾਂ ਵਿਕਾਰੀ ਸਿੱਖ ਖੇਡਾਂ ਨੂੰ ਕਾਮਯਾਬ ਕਰਨ ਲਈ ਵੱਧ ਚੜ੍ਹ ਕੇ ਹਿੱਸਾ ਪਾਉਣ।ਇਸ ਡਿਨਰ ਵਿੱਚ ਹਾਜ਼ਰ ਹੋਣ ਵਾਲੀਆਂ ਵਿੱਚ ਸ. ਭੁਪਿੰਦਰ ਸਿੰਘ ਤੱਖੜ, ਸ. ਚਮਕੌਰ ਸਿੰਘ, ਸ. ਬਿੱਕਰ ਸਿੰਘ, ਸ. ਏ.ਪੀ. ਸਿੰਘ, ਸ. ਮੋਹਨ ਸਿੰਘ ਨਾਗਰਾ (ਪੰਜਾਬ ਲਾਇਨ) ਸੋਰਵ ਅਗਰਵਾਲ (ਗਾਂਧੀ ਰੇਸਤਰਾਂ), ਮੁਨੀਸ਼ ਭੱਲਾ, ਸੁਖਦੀਪ ਸਿੰਘ, ਸੁਮਿਤ ਟੰਡਨ, ਗਿਆਨੀ ਪੁਸ਼ਪਿੰਦਰ ਸਿੰਘ, ਮਾਨਵ ਬਰਾੜ ਅਤੇ ਪ੍ਰਵੀਨ ਕੁਮਾਰ ਆਦਿ ਹਾਜਰ ਸਨ। ਇਸ ਮੌਕੇ ਤੇ ਇਕ ਰੰਗਾ-ਰੰਗ ਪ੍ਰੋਗਰਾਮ ਜਿਸ ਵਿੱਚ ਬਾਲਾ ਕਲਾਵਾ ਤੋਂ ਆਈਆਂ ਦੋ ਆਸਟ੍ਰੇਲੀਅਨ ਮੁਟਿਆਰਾਂ ਨੇ ਹਿੰਦੁਸਤਾਨੀ ਨਾਚ ਨਚ ਕੇ ਸਾਰੀਆਂ ਨੂੰ ਹੈਰਾਨ ਕਰ ਦਿਤਾ। ਇਸ ਸਾਰੇ ਪ੍ਰੋਗਰਾਮ ਦਾ ਮੰਚ ਸੰਚਾਲਨ ਹੈਰੀ ਸਿੰਘ ਅਤੇ ਸਮੀਤਾ ਬਾਹੀ ਨੇ ਬੜੇ ਬਖ਼ੂਬੀ ਢੰਗ ਨਾਲ ਕੀਤਾ। 

****


ਸਾਊਥ ਆਸਟ੍ਰੇਲੀਆ ਵਿੱਚ ਪੰਜਾਬੀਆਂ ਵੱਲੋਂ ਪਹਿਲਾ ਖ਼ੂਨ ਦਾਨ ਕੈਂਪ .......... ਖੂਨਦਾਨ ਕੈਂਪ / ਮਿੰਟੂ ਬਰਾੜ


 ਐਡੀਲੇਡ (ਮਿੰਟੂ ਬਰਾੜ):ਅਜ ਸਾਊਥ ਆਸਟ੍ਰੇਲੀਆ ਦੀ ਰਾਜਧਾਨੀ ਐਡੀਲੇਡ ਵਿਖੇ ਸਿੱਖ ਫੈਡਰੇਸ਼ਨ ਆਫ਼ ਆਸਟ੍ਰੇਲੀਆ, ਸਿੰਘ ਸਭਾ ਮੈਲਬਾਰਨ ਅਤੇ ਬ੍ਰਿਸਬੇਨ ਸਿੱਖ ਕਮਿਊਨਿਟੀ ਇਨ 2009 ਦੇ ਇਕ ਸਾਂਝੇ ਉੱਦਮ ਸਦਕਾ ਖ਼ੂਨ ਦਾਨ ਕੈਂਪ ਦਾ ਆਯੋਜਨ ਬੜੀ ਸਫ਼ਲਤਾ ਪੂਰਵਕ ਕੀਤਾ ਗਿਆ। ਆਸਟ੍ਰੇਲੀਆ ਰੈੱਡ ਕ੍ਰਾਸ ਬਲੱਡ ਸਰਵਿਸ ਦੇ ਸਹਿਯੋਗ ਨਾਲ ਆਯੋਜਿਤ ਇਸ ਕੈਂਪ ਚ ਇਥੋਂ ਦੇ ਨੌਜਵਾਨਾਂ ਨੇ ਬਹੁਤ ਵੱਧ ਚੜ੍ਹ ਕੇ ਹਿੱਸਾ ਪਾਇਆ। ਜਿਸ ਦਾ ਪਤਾ ਇਸ ਗਲ ਤੋਂ ਲਗਦਾ ਹੈ ਕਿ ਕਈ ਨੌਜਵਾਨਾਂ ਨੂੰ ਬਿਨਾਂ ਖ਼ੂਨ ਦਾਨ ਕੀਤੇ ਨਿਰਾਸ਼ ਵਾਪਿਸ ਜਾਣਾ ਪਿਆ ਕਿਉਂਕਿ ਰੈੱਡ ਕ੍ਰਾਸ ਵਾਲੀਆਂ ਨੇ ਸਿਰਫ਼ 40 ਯੂਨਿਟ ਲੈਣ ਦਾ ਇੰਤਜ਼ਾਮ ਕੀਤਾ ਹੋਇਆ ਸੀ। ਇਸ ਮੌਕੇ ਤੇ ਆਯੋਜਕਾਂ ਵਿੱਚੋਂ ਰੁਪਿੰਦਰ ਸਿੰਘ ਨਾਲ ਗਲ ਕਰਨ ਤੇ ਉਹਨਾਂ ਦੱਸਿਆ ਕਿ ਭਾਵੇਂ ਆਸਟ੍ਰੇਲੀਆ ਦੇ ਹੋਰ ਰਾਜਾਂ ਵਿੱਚ ਇਹੋ ਜਿਹੀ ਖ਼ੂਨ ਦਾਨ ਕੈਂਪ ਪਹਿਲਾਂ ਵੀ ਲਗਦੇ ਰਹਿੰਦੇ ਹਨ ਪਰ ਸਾਊਥ ਆਸਟ੍ਰੇਲੀਆ ਚ ਇਹ ਪਹਿਲੀ ਵਾਰ ਕੋਸ਼ਸ਼ ਕੀਤੀ ਗਈ ਸੀ ਜਿਸ ਨੂੰ ਉਮੀਦ ਤੋਂ ਵੱਧ ਹੁੰਗਾਰਾ ਮਿਲਿਆ ਹੈ। ਉਹਨਾਂ ਦੱਸਿਆ ਕਿ ਇਹ ਖ਼ੂਨ ਦਾਨ ਕੈਂਪ ਲੜੀਵਾਰ ਸਾਰੇ ਆਸਟ੍ਰੇਲੀਆ ਚ ਲਾਏ ਜਾਣਗੇ ਜਿਸ ਤਹਿਤ ਇਕ ਕੈਂਪ ਸਿਡਨੀ ਅਤੇ 28 ਨਵੰਬਰ ਨੂੰ ਮੈਲਬਾਰਨ ਵਿੱਚ ਲਾਇਆ ਜਾਵੇਗਾ। ਇਸ ਮੌਕੇ ਤੇ ਰੈੱਡ ਕ੍ਰਾਸ ਦੇ ਬੁਲਾਰੇ ਮੈਕਸ ਜੇਮਸ ਨਾਲ ਗਲ ਕਰਨ ਤੇ ਉਹਨਾਂ ਦੱਸਿਆ ਕਿ ਇਹੋ ਜਿਹੇ ਆਯੋਜਨਾਂ ਨਾਲ ਇਕ ਦੂਜੀ ਕਮਿਊਨਿਟੀ ਨੂੰ ਨੇੜੇ ਜਾਨਣ ਦਾ ਮੌਕਾ ਮਿਲਦਾ ਹੈ। 


ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਜਰਮਨੀ ਦੀਆਂ ਸਿੱਖ ਸੰਗਤਾਂ ਨੂੰ ਪ੍ਰਬੰਧਕ ਕਮੇਟੀ ਨੇ ਬੰਦੀਛੋੜ ਦਿਵਸ ਤੇ ਦਿਤਾ ਖਾਸ ਤੋਹਫਾ.......... ਮਨਮੋਹਣ ਸਿੰਘ ਜਰਮਨੀ


ਜਰਮਨ : ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਜਰਮਨੀ ਵਿਖੇ ਐਤਵਾਰ 7 ਨਵੰਬਰ ਨੂੰ ਪ੍ਰਬੰਧਕ ਕਮੇਟੀ ਅਤੇ ਸਮੂਹ ਸਾਧ ਸੰਗਤ ਦੇ ਸਹਿਯੋਗ ਨਾਲ ਦੀਵਾਲੀ ਅਤੇ ਬੰਦੀਛੋੜ ਦਿਵਸ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ । ਇਸ ਮੌਕੇ ਭਾਈ ਨਰਿੰਜਨ ਸਿੰਘ ਅਤੇ ਭਾਈ ਫੁੱਮਣ ਸਿੰਘ ਨੇ ਗੁਰਬਾਣੀ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ ਅਤੇ ਦੀਵਾਲੀ ਮੌਕੇ ਸਿੱਖ ਕੌਮ ਦੇ ਛੇਵੇਂ ਗੁਰੂ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਬਾਰੇ ਵਿਚਾਰ ਵਿਸਥਾਰ ਨਾਲ ਸੰਗਤਾਂ ਨਾਲ ਸਾਂਝੇ ਕੀਤੇ। ਇਸ ਮੌਕੇ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਜਰਮਨੀ ਦੇ ਪ੍ਰਧਾਨ ਭਾਈ ਰੁੱਲਦਾ ਸਿੰਘ ਗਿਲਜੀਆਂ ਨੇ ਸਿੱਖ ਜਗਤ ਨੂੰ ਦੀਵਾਲੀ ਅਤੇ ਬੰਦੀਛੋੜ ਦਿਵਸ ਦੀਆਂ ਵਧਾਈਆਂ ਦਿੱਤੀਆਂ ਅਤੇ ਇਸ ਦਿਨ ਨੂੰ ਇਤਿਹਾਸਕ ਯਾਦ ਬਣਾਉਂਦਿਆਂ ਕਿਹਾ ਕਿ ਸਾਡਾ ਫਰਜ ਬਣਦਾ ਹੈ ਕਿ ਅਸੀਂ ਆਪਣੇ ਗੁਰਦੁਆਰਾ ਸਾਹਿਬ ਵਿਚ ਹੁੰਦੇ ਝਗੜੇ ਅਤੇ ਤਨਾਅ ਨੂੰ ਖਤਮ ਕਰੀਏ ਤਾਂ ਹੀ ਦੂਸਰਿਆਂ ਨੂੰ ਸੇਧ ਦੇ ਸਕਦੇ ਹਾਂ । ਇਸ ਲਈ ਅਸੀਂ ਆਪਣੇ ਪ੍ਰਬੰਧ ਹੇਠ ਚਲਦੀ ਕਮੇਟੀ ਤੋਂ ਸੁਰੂਆਤ ਲਈ ਪਹਿਲ ਕਦਮੀ ਸੂਰੂ ਕਰਨ ਜਾ ਰਹੇ ਹਾਂ ਅਤੇ ਸੰਗਤਾਂ ਨੂੰ ਇਸ ਖੁਸੀ ਦੇ ਮੌਕੇ ਤੇ ਬੇਨਤੀ ਕਰਦੇ ਹਾਂ ਕਿ ਜਿਵੇਂ ਪਿਛਲੇ ਸਮੇਂ ਵਿਚ ਗੁਰਦੁਆਰਾ ਸਾਹਿਬ ਦੇ ਕੁੱਝ ਮੈਂਬਰਾਂ ਅਤੇ ਪ੍ਰਬੰਧਕ ਕਮੇਟੀ ਦੇ ਗਿੱਲੇ ਸਿਕਵੇ ਖਤਮ ਕਰਵਾ ਕੇ ਇਕ ਪਲੇਟਫਾਰਮ ਤੇ ਇਕੱਠੇ ਕਰਨ ਦਾ ਐਲਾਨ ਕੀਤਾ ਸੀ । ਉਸ ਵਕਤ ਸਾਰੀਆਂ ਸਿੱਖ ਸੰਗਤਾਂ ਨੂੰ ਗੁਰਦੁਆਰਾ ਸਾਹਿਬ ਦੀ ਕਮੇਟੀ ਵਲੋਂ ਬੇਨਤੀ ਕੀਤੀ ਸੀ ਕਿ ਗੁਰਦੁਆਰਾ ਸਾਹਿਬ ਦੇ ਮਂੈਬਰ ਬਣੋ। ਉਸ ਸਮੇਂ ਸਾਰਿਆਂ ਨੇ ਮੈਂਬਰ ਬਣਕੇ ਪ੍ਰਬੰਧਕ ਕਮੇਟੀ ਦਾ ਸਾਥ ਦਿਤਾ ਸੀ, ਇਸ ਲਈ ਪ੍ਰਬੰਧਕ ਕਮੇਟੀ ਸਾਰੀ ਸੰਗਤ ਦਾ ਧੰਨਵਾਦ ਕਰਦੀ ਹੈ। ਇਸ ਸਮੇਂ ਹੋਈ ਮੈਂਬਰਸਿਪ ਤੋਂ ਬਾਦ ਸੰਵਿਧਾਨ ਵਿਚ ਕੁੱਝ ਸੋਧਾਂ ਕਰਕੇ ਫੈਸਲੇ ਕੀਤੇ ਸੀ ਪਰ ਇੰਨਾਂ ਫੈਸਲਿਆਂ ਨੂੰ ਲੈ ਕੇ ਸੰਗਤਾਂ ਵਿਚੋ ਕੁਝ ਮੈਂਬਰ ਨਰਾਜ ਚਲਦੇ ਆ ਰਹੇ ਸਨ। ਜਿਸ ਕਰਕੇ ਸੰਗਤਾਂ ਵਿਚ ਬੇਚੈਨੀ ਅਤੇ ਉਦਾਸੀ ਨਜਰ ਆ ਰਹੀ ਸੀ। ਇਸ ਮੁੱਦੇ ਨੂੰ ਲੈਕੇ ਗੁਰਦੁਆਰਾ ਸਾਹਿਬ ਦੇ ਕਾਰਜਾਂ ਵਿਚ ਬਹੁਤ ਹੀ ਢਿਲਮੱਠ ਚਲ ਰਹੀ ਸੀ। ਇਸ ਨੂੰ ਦੇਖਦਿਆਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਪ੍ਰਧਾਨ ਭਾਈ ਰੁਲਦਾ ਸਿੰਘ ਨੇ ਫੈਸਲਾ ਕੀਤਾ ਕਿ ਮਿਤੀ 7 ਨਵੰਬਰ 2010 ਤੋਂ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਦੀ ਸਾਰੀ ਸਿੱਖ ਸੰਗਤ ਵਿਚ ਜਿੰਨੇ ਵੀ ਵਾਦ ਵਿਵਾਦ ਵਾਲੇ ਮੁੱਦੇ ਸਨ ਨੂੰ ਖਤਮ ਕੀਤਾ ਜਾਂਦਾ ਹੈ ਅਤੇ ਸੰਗਤਾਂ ਸਰਬਸਮਤੀ ਨਾਲ ਗੁਰਦੁਆਰਾ ਸਾਹਿਬ ਜੀ ਦੀ ਚੜਦੀ ਕਲਾ ਲਈ ਫੈਸਲੇ ਕਰੇਗੀ। ਪ੍ਰਧਾਨ ਭਾਈ ਰੁਲਦਾ ਸਿੰਘ ਨੇ ਸਾਰੀਆਂ ਸੰਗਤਾਂ ਬੰਦੀਛੋੜ ਦਿਵਸ ਮੌਕੇ ਵਧਾਈਆਂ ਦਿਤੀਆਂ। ਇਸ ਵਕਤ ਸੰਗਤਾਂ ਨੇ ਜੈਕਾਰਿਆਂ ਦੀ ਗੁੰਜ ਵਿਚ ਸਵਾਗਤ ਕੀਤਾ। ਇਸ ਮੌਕੇ ਭਾਈ ਰੁੱਲਦਾ ਸਿੰਘ ਗਿਲਜੀਆਂ ਨੇ ਸੰਗਤਾਂ ਨੂੰ ਦਸਿਆ ਕੇ ਅਸੀਂ ਸਾਰੀ ਸਾਧ ਸੰਗਤ ਅਤੇ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਇਕਮੁੱਠ ਹੋਕੇ ਗੁਰਦੁਆਰਾ ਸਾਹਿਬ ਜੀ ਅਤੇ ਸਿੱਖੀ ਦੀ ਚੜਦੀ ਕਲਾ ਲਈ ਸੇਵਾ ਕਰਾਂਗੇ। ਇਸ ਮੌਕੇ ਪ੍ਰਧਾਨ ਸ: ਰੁੱਲਦਾ ਸਿੰਘ ਗਿਲਜੀਆਂ, ਸ: ਅਮਰਜੀਤ ਸਿੰਘ ਪੇਲੀਆ, ਸ:ਲਖਵਿੰਦਰ ਸਿੰਘ ਲੱਖੀ, ਸ:ਇੰਦਰਜੀਤ ਸਿੰਘ; ਸ:ਗੁਲਬਦਨ ਸਿੰਘ ਸੰਨੀ, ਸ: ਸੁੱਚਾ ਸਿੰਘ ਗਾੜਾ, ਭਾਈ ਫੁੱਮਣ ਸਿੰਘ ਨੇ ਸੰਬੋਧਨ ਕਰਦਿਆਂ ਪ੍ਰਬੰਧਕ ਕਮੇਟੀ ਦੇ ਕੀਤੇ ਫੈਸਲਿਆਂ ਦਾ ਸਵਾਗਤ ਕੀਤਾ ਅਤੇ ਵਧਾਈਆਂ ਦਿਤੀਆਂ । ਇਸ ਖੁਸੀ ਦੇ ਮੌਕੇ ਤੇ ਕੀਤੇ ਗਏ ਫੈਸਲਿਆਂ ਲਈ ਸਾਰੀ ਸਾਧ ਸੰਗਤ ਅਤੇ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦੁਰ ਸਾਹਿਬ ਕਲੋਨ ਦੀ ਪ੍ਰਬੰਧਕ ਕਮੇਟੀ ਵਧਾਈ ਦੀ ਪਾਤਰ ਹੈ ਜਿੰਨਾਂ ਨੇ ਅਜ ਇਕ ਨਵਾਂ ਇਤਿਹਾਸ ਰਚਕੇ ਦੁਨੀਆਂ ਭਰ ਦੀਆਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਨੂੰ ਇਕ ਨਵੀਂ ਸੇਧ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ । ਯਾਦ ਰਹੇ ਕਿ ਇਸ ਹੋਈ ਏਕਤਾ ਲਈ ਪ੍ਰਬੰਧਕ ਕਮੇਟੀ ਅਤੇ ਸਿੱਖ ਸੰਗਤਾਂ ਨੂੰ ਇਕਮੁੱਠ ਕਰਨ ਵਿਚ ਜਿਸ ਤਰੀਕੇ ਨਾਲ ਸ:ਲਖਵਿੰਦਰ ਸਿੰਘ ਲੱਖੀ ਨੇ ਯਤਨ ਕੀਤੇ ਹਨ ਉਹ ਬਹੁਤ ਹੀ ਸਲਾਘਾਯੋਗ ਹਨ। ਸੁਰੂ ਤੋਂ ਹੀ ਸ:ਲਖਵਿੰਦਰ ਸਿੰਘ ਲੱਖੀ ਨੇ ਗੁਰੂ ਜੀ ਦੀ ਹਜੂਰੀ ਵਿਚ ਇਹ ਪ੍ਰਣ ਕੀਤਾ ਸੀ ਕਿ ਜਿੰਨਾਂ ਚਿਰ ਤਕ ਸਾਰੀ ਸਿੱਖ ਸੰਗਤ ਅਤੇ ਪ੍ਰਬੰਧਕ ਕਮੇਟੀ ਦੀ ਇਕ ਸੋਚ ਨਹੀ ਹੁੰਦੀ ਉਦੋਂ ਤਕ ਯਤਨ ਜਾਰੀ ਰਹਿਣਗੇ। ਇਸ ਹੋਈ ਏਕਤਾ ਪਿਛੇ ਜਿਥੇ ਸ: ਲਖੀ ਦਾ ਸਹਿਯੋਗ ਹੈ ਉਥੇ ਬਾਕੀ ਦੇ ਮੈਂਬਰਾਂ ਨੇ ਵੀ ਬਹੁਤ ਕੋਸ਼ਿਸ਼ਾਂ ਕੀਤੀਆਂ ਜਿਸ ਸਦਕਾ ਅਜ ਇਸ ਖੁਸੀ ਨੂੰ ਦੇਖਣ ਦਾ ਸੁਭਾਗਾ ਸਮਾਂ ਆਇਆ ਹੈ।

****