ਲਿਟਰੇਰੀ ਫੋਰਮ ਵਲੋਂ ਅਦਬੀ ਮਹਿਫਿ਼ਲ ਦਾ ਆਯੋਜਨ

ਸਾਹਿਤਕ ਸੰਸਥਾ ਲਿਟਰੇਰੀ ਫ਼ੋਰਮ ਫ਼ਰੀਦਕੋਟ ਵਲੋਂ ਇੱਕ ਸਾਹਿਤਕ ਇਕੱਤਰਤਾ ‘ਅਦਬੀ ਮਹਿਫਿ਼ਲ’ ਦਾ ਆਯੋਜਨ ਕੀਤਾ ਗਿਆ। ਇਸ ਗ਼ੈਰ ਰਸਮੀ ਮਹਿਫਿ਼ਲ ਵਿਚ ਵੱਖ ਸਾਹਿਤਕ ਸੱਭਿਆਚਾਰਕ ਖੇਤਰਾਂ ਵਿਚ ਸਰਗਰਮ ਸ਼ਖ਼ਸੀਅਤਾਂ ਨੇ ਸ਼ਮੂਲੀਅਤ ਕੀਤੀ। ਸਾਹਿਤ ਦੇ ਵੱਖ-ਵੱਖ ਮਸਲਿਆਂ ਤੇ ਵਿਚਾਰਾਂ ਦੇ ਨਾਲ਼-ਨਾਲ਼ ਕਵਿਤਾ ਅਤੇ ਗਾਇਨ ਦੀ ਪੇਸ਼ਕਾਰੀ ਵੀ ਬੜੀ ਖ਼ੂਬਸੂਰਤੀ ਨਾਲ਼ ਹੋਈ। ਲਿਟਰੇਰੀ ਫੋ਼ਰਮ ਦੇ ਪ੍ਰਧਾਨ ਸੁਨੀਲ ਚੰਦਿਆਣਵੀ ਨੇ ਸੱਭ ਨੂੰ ਜੀ ਆਇਆਂ ਆਖਿਆ। ਸਮਾਗਮ ਦਾ ਸੰਚਾਲਨ ਕਰਦਿਆਂ ਮਨਜੀਤ ਪੁਰੀ ਨੇ ਸ਼ਾਇਰ ਹਰਪ੍ਰੀਤ ਹਰਫ਼ ਦੀ ਭਾਵਪੂਰਤ ਕਵਿਤਾ ਨਾਲ਼ ਮਹਿਫਿ਼ਲ ਦਾ ਆਗਾਜ਼ ਕੀਤਾ।