ਲੰਡਨ ਦੇ ਪਾਰਲੀਮੈਂਟ 'ਚ ਨਾਵਲਕਾਰ ਜੱਗੀ ਕੁੱਸਾ ਸਮੇਤ ਨਾਮਵਾਰ ਹਸਤੀਆਂ ਦਾ ਸਨਮਾਨ.......... ਸਨਮਾਨ ਸਮਾਰੋਹ / ਮਨਦੀਪ ਖੁਰਮੀ ਹਿੰਮਤਪੁਰਾ

'ਪੰਜਾਬੀਜ਼ ਇਨ ਬ੍ਰਿਟੇਨ- ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ' ਵੱਲੋਂ ਇੰਗਲੈਂਡ ਵਿੱਚ ਰਹਿੰਦਿਆਂ ਵੀ ਪੰਜਾਬੀ ਸਾਹਿਤ ਤੇ ਸੱਭਿਆਚਾਰ ਨੂੰ ਬੁਲੰਦੀਆਂ ਵੱਲ ਲਿਜਾਣ ਲਈ ਯਤਨਸ਼ੀਲ ਉੱਦਮੀਆਂ ਨੂੰ ਸਨਮਾਨਿਤ ਕਰਨ ਹਿਤ ਪਾਰਲੀਮੈਂਟ ਦੇ ਜੁਬਲੀ ਹਾਲ ਵਿਖੇ ਵਿਸ਼ਾਲ ਸਨਮਾਨ ਸਮਾਰੋਹ ਦਾ ਆਯੋਜਨ ਕਤਾ ਗਿਆ। ਜਿਸ ਦੀ ਪ੍ਰਧਾਨਗੀ ਹੇਜ਼ ਐਂਡ ਹਾਰਲਿੰਗਟਨ ਦੇ ਮੈਂਬਰ ਪਾਰਲੀਮੈਂਟ ਅਤੇ 'ਪੰਜਾਬੀਜ਼ ਇਨ ਬ੍ਰਿਟੇਨ- ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ' ਦੇ ਚੇਅਰਪਰਸਨ ਜੌਹਨ ਮੈਕਡੌਨਲ ਵੱਲੋਂ ਕੀਤੀ ਗਈ। ਇਸ ਸਮਾਰੋਹ ਦੌਰਾਨ ਸ੍ਰੀ ਜੌਹਨ ਵੱਲੋਂ 'ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫਤਹਿ' ਨਾਲ ਹਾਜ਼ਰੀਨ ਨੂੰ ਮੁਖਾਤਿਬ ਹੋਣਾ ਹੀ ਸਮੁੱਚੇ ਪੰਜਾਬੀਆਂ ਦਾ ਸਨਮਾਨ ਕਹਿ ਲਿਆ ਜਾਵੇ ਤਾਂ ਅਤਿਕਥਨੀ ਨਹੀਂ ਹੋਵੇਗਾ। ਸਮਾਗਮ ਦੇ ਸ਼ੁਰੂਆਤੀ ਪਲਾਂ ਦੌਰਾਨ ਮੈਂਬਰ ਪਾਰਲੀਮੈਂਟ ਸ੍ਰੀ ਵਰਿੰਦਰ ਸ਼ਰਮਾ ਨੇ ਕਿਹਾ ਕਿ ਆਪਣੀ ਮਾਂ ਭੂਮੀ ਤੋਂ ਲੱਖਾਂ ਕੋਹਾਂ ਦੂਰ ਬੈਠਿਆਂ ਵੀ ਜੋ ਪੰਜਾਬੀ ਆਪਣੀ ਮਾਂ-ਬੋਲੀ, ਸਾਹਿਤ ਤੇ ਸੱਭਿਆਚਾਰ ਦੀਆਂ ਤੰਦਾਂ ਪੀਢੀਆਂ ਕਰ ਰਹੇ ਹਨ, ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ ਉਹਨਾਂ ਪੰਜਾਬੀਆਂ ਨੂੰ ਬਣਦਾ ਸਨਮਾਨ ਦੇਣ ਲਈ ਵਚਨਬੱਧ ਹੈ। ਸਨਮਾਨ ਸਮਾਰੋਹ ਦੌਰਾਨ ਪੰਜਾਬੀ ਮਾਂ ਬੋਲੀ ਦੀ ਝੋਲੀ 18 ਨਾਵਲ, 4 ਕਹਾਣੀ ਸੰਗ੍ਰਹਿ ਅਤੇ ਇੱਕ ਵਿਅੰਗ ਸੰਗ੍ਰਹਿ ਪਾਉਣ ਬਦਲੇ ਨਾਵਲਕਾਰ ਸ਼ਿਵਚਰਨ ਜੱਗੀ ਕੁੱਸਾ, ਨਾਵਲਕਾਰ ਹਰਜੀਤ ਅਟਵਾਲ, ਲੋਕ ਗਾਇਕ ਦੀਦਾਰ ਸਿੰਘ ਪ੍ਰਦੇਸੀ, ਲੋਕ ਗਾਇਕ ਏ. ਐੱਸ਼ ਕੰਗ, ਗਾਇਕਾ ਸੋਨਾ ਵਾਲੀਆ, ਬਲਦੇਵ ਮਸਤਾਨਾ, ਹਰਮੰਦਰ ਸਿੰਘ, ਗੁਰਦੀਪ ਸਿੰਘ ਹੁੰਦਲ, ਕੁਲਵਿੰਦਰ ਸਿੰਘ, ਪਿਆਰਾ ਸਿੰਘ ਔਲਖ, ਸੁੱਖੀ ਬਾਰਤ (ਟੀ. ਵੀ. ਬਰਿਟ ਏਸ਼ੀਆ), ਸਵਰਨ ਸਿੰਘ ਕੰਗ, ਹੈੱਡਮਾਸਟਰ ਜਸਵਿੰਦਰ ਸਿੰਘ ਨੌਟਿੰਘਮ, ਕੁਲਵਿੰਦਰ ਕੌਰ, ਜਸਵੰਤ ਕੌਰ, ਜਨਾਬ ਐੱਸ਼ ਕੁਰੈਸ਼ੀ, ਕੁਲਦੀਪ ਸਿੰਘ ਕੰਗ, ਹੂੰਝਣ ਪਰਿਵਾਰ, ਸ਼ਿਨ ਡੀ. ਸੀ. ਐੱਸ ਆਦਿ ਨੂੰ ਸਨਮਾਨ ਪੱਤਰਾਂ ਨਾਲ ਨਿਵਾਜਿਆ ਗਿਆ। ਸਮਾਗਮ ਦੌਰਾਨ ਸਾਹਿਤਕਾਰ ਸਾਥੀ ਲੁਧਿਆਣਵੀ, ਸੰਤੋਖ ਸਿੰਘ ਸੰਤੋਖ, ਸਵਰਨਜੀਤ ਕੁੱਸਾ, ਮਹਿੰਦਰ ਸਿੰਘ ਮੱਲ੍ਹੀ, ਅਜੀਤ ਸਿੰਘ ਖਹਿਰਾ (ਦੇਸੀ ਰੇਡੀਓ), ਸ਼ਾਇਰਾ ਤੇ ਰੇਡੀਓ ਪੇਸ਼ਕਾਰਾ ਭਿੰਦਰ ਜਲਾਲਾਬਾਦੀ, ਕਸ਼ਮੀਰ ਕੌਰ, ਕੌਂਸਲਰ ਅਵਤਾਰ ਸਿੰਘ ਸੰਧੂ ਤੋਂ ਇਲਾਵਾ ਗਰੁੱਪ ਵੱਲੋਂ ਮੈਂਬਰ ਪਾਰਲੀਮੈਂਟ ਜੌਹਨ ਰੈਂਡਨ, ਸਾਈਮਨ ਹਗਸ, ਜੌਹਨ ਸਪੈਲਰ, ਫਿਓਨਾ ਮੈਕਟਾਗਾਰਟ, ਲਾਰਡ ਬਿਲਸਟਨ, ਰੌਬ ਮੈਰਿਸ ਆਦਿ ਵਿਸ਼ੇਸ਼ ਤੌਰ ਤੇ ਹਾਜਰ ਸਨ। ਇਸ ਸਮੇਂ 'ਪੰਜਾਬ ਡਾਂਸਰਜ ਗਰੁੱਪ' ਵੱਲੋਂ ਭੰਗੜੇ ਦੀ ਪੇਸ਼ਕਾਰੀ ਰਾਹੀਂ ਸਮਾਗਮ ਨੂੰ ਰੌਚਕਤਾ ਪ੍ਰਦਾਨ ਕੀਤੀ। ਅੰਤਲੇ ਪਲਾਂ ਦੌਰਾਨ ਸ੍ਰੀ ਇਕਬਾਲ ਸਿੰਘ ਵੱਲੋਂ ਸਮਾਗਮ ਵਿੱਚ ਸ਼ਿਰਕਤ ਕਰਨ ਵਾਲੇ ਸਮੂਹ ਪੰਜਾਬੀਆਂ ਦਾ ਹਾਰਦਿਕ ਧੰਨਵਾਦ ਕੀਤਾ।

ਅਜ਼ੀਮ ਸ਼ਾਇਰ ਸੁਰਜੀਤ ਪਾਤਰ ਹੋਏ ਸਿਖਿਆਰਥੀਆਂ ਦੇ ਰੂ-ਬ-ਰੂ.......... ਰੂਬਰੂ / ਪਰਮਿੰਦਰ ਸਿੰਘ ਤੱਗੜ (ਡਾ. )

ਆਧੁਨਿਕ ਪੰਜਾਬੀ ਅਦਬ ਦੇ ਅਜ਼ੀਮ ਸ਼ਾਇਰ ਡਾ. ਸੁਰਜੀਤ ਪਾਤਰ ਹੰਸ ਰਾਜ ਕਾਲਜ ਆਫ਼ ਐਜੂਕੇਸ਼ਨ ਬਾਜਾਖਾਨਾ ਦੇ ਬੀ ਐਡ ਸਿਖਿਆਰਥੀਆਂ ਦੇ ਰੂ-ਬ-ਰੂ ਹੋਏ। ਕਾਲਜ ਦੇ ਸੈਮੀਨਾਰ ਹਾਲ ਵਿਚ ਰਚਾਏ ਇਸ ਸਾਹਿਤਕ ਸਮਾਗਮ ਵਿਚ ਮੁੱਖ ਮਹਿਮਾਨ ਤੋਂ ਇਲਾਵਾ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਪੱਤਰਕਾਰ ਗੁਰਮੀਤ ਸਿੰਘ ਕੋਟਕਪੂਰਾ, ਸ਼ਾਇਰ ਹਰੀ ਸਿੰਘ ਮੋਹੀ, ਅਮਰਜੀਤ ਸਿੰਘ ਉਪ ਜ਼ਿਲਾ ਸਿਖਿਆ ਅਫ਼ਸਰ ਫ਼ਰੀਦਕੋਟ, ਜਗਜੀਤ ਸਿੰਘ ਚਾਹਲ ਸਹਾਇਕ ਨਿਰਦੇਸ਼ਕ ਯੁਵਕ ਸੇਵਾਵਾਂ ਫ਼ਰੀਦਕੋਟ ਸ਼ਾਮਲ ਸਨ। ਇਸ ਸਮਾਗਮ ਦੇ ਪਹਿਲੇ ਸੈਸ਼ਨ ਦਾ ਆਗ਼ਾਜ਼ ਲਖਵੀਰ ਸਿੰਘ ਦੁਆਰਾ ਸ਼ਾਇਰ ਪਾਤਰ ਦੀ ਖ਼ੂਬਸੂਰਤ ਗ਼ਜ਼ਲ ‘ਕੁਛ ਕਿਹਾ ਤਾਂ ਹਨੇਰਾ ਜਰੇਗਾ ਕਿਵੇਂ ਚੁੱਪ ਰਿਹਾ ਤਾਂ ਸ਼ਮਾਦਾਨ ਕੀ ਕਹਿਣਗੇ’ ਦੇ ਗਾਇਨ ਨਾਲ਼ ਹੋਇਆ। ਸੁਪ੍ਰਸਿਧ ਪੱਤਰਕਾਰ ਗੁਰਮੀਤ ਸਿੰਘ ਨੇ ਮੁੱਖ ਮਹਿਮਾਨ ਅਤੇ ਆਏ ਪਤਵੰਤਿਆਂ ਦਾ ਹਾਰਦਿਕ ਅਭਿਨੰਦਨ ਕੀਤਾ। ੳਹਨਾਂ ਕਿਹਾ ਕਿ ਕਾਲਜ ਦੇ ਸਿਖਿਆਰਥੀਆਂ ਨਾਲ਼ ਸ਼ਾਇਰ ਸੁਰਜੀਤ ਪਾਤਰ ਦਾ ਇਹ ਸਾਖਿਆਤਕਾਰ ਸਿਖਿਆਰਥੀਆਂ ਦੀ ਸ਼ਖ਼ਸੀਅਤ ਉਸਾਰੀ ਅਤੇ ਸਾਹਿਤ ਪ੍ਰਤੀ ਲਗਾਅ ਵਿਚ ਹੋਰ ਵਾਧਾ ਕਰੇਗਾ ਇਸ ਸੁਭਾਗੇ ਸਮਾਗਮ ਦੌਰਾਨ ਸ਼ਾਇਰ ਸੁਰਜੀਤ ਪਾਤਰ ਨੇ ਸਿਖਿਆਰਥੀਆਂ ਦੇ ਰੂ-ਬ’-ਰੂ ਹੁੰਦਿਆਂ ਆਪਣੀ ਸ਼ਾਇਰੀ ਦੀ ਸਿਰਜਣਾ ਨਾਲ਼ ਜੁੜੇ ਅਹਿਮ ਪਹਿਲੂ ਸਾਂਝੇ ਕੀਤੇ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਵਿਰਸੇ ਵਿਚ ਸੰਗੀਤਕ ਮਾਹੌਲ ਮਿਲਿਆ ਕਿਉਂਕਿ ਪਿਤਾ ਜੀ ਗੁਰਬਾਣੀ ਕੀਰਤਨ ਵਿਚ ਰੁਚੀ ਰੱਖਦੇ ਸਨ ਅਤੇ ਵਧੀਆ ਕੀਰਤਨੀਏ ਸਨ ਇਸ ਕਰਕੇ ਉਹ ਜ਼ਿੰਦਗੀ ਦੇ ਮੁਢਲੇ ਪੜਾਅ ਵਿਚ ਸੰਗੀਤਕਾਰ ਬਨਣ ਦੇ ਇਛੁਕ ਸਨ ਅਤੇ ਜਾਂ ਫ਼ਿਰ ਸ਼ਾਇਰ। ਇਕ ਪੁਖ਼ਤਾ ਸੰਗੀਤਕਾਰ ਭਾਵੇਂ ਉਹ ਨਹੀਂ ਬਣ ਸਕੇ ਪਰ ਸ਼ਾਇਰ ਜ਼ਰੂਰ ਬਣ ਗਏ। ਸਿਖਿਆਰਥੀਆਂ ਨਾਲ਼ ਸਾਹਿਤਕ ਗੱਲਾਂ ਸਾਂਝੀਆਂ ਕਰਨ ਸਮੇਂ ਨਾਲ਼ੋ ਨਾਲ਼ ਆਪਣੀਆਂ ਚੋਣਵੀਆਂ ਰਚਨਾਵਾਂ ਬਾ-ਤਰੱਨੁਮ ਸਾਂਝੀਆਂ ਕਰਦੇ ਗਏ ਅਤੇ ਉਹਨਾਂ ਰਚਨਾਵਾਂ ਦੀ ਸਿਰਜਣਾ ਨਾਲ਼ ਜੁੜੀਆਂ ਯਾਦਾਂ ਦਾ ਸਿਮਰਨ ਵੀ ਕਰਦੇ ਗਏ। ਉਹਨਾਂ ਸੰਸਥਾ ਦੁਆਰਾ ਰਚਾਏ ਸਾਹਿਤਕ ਸਮਾਗਮ ’ਤੇ ਸੰਤੁਸ਼ਟੀ ਅਤੇ ਖ਼ੁਸ਼ੀ ਦਾ ਇਜ਼ਹਾਰ ਕੀਤਾ। ਉਹਨਾਂ ਕਿਹਾ ਕਿ ਅਜਿਹੇ ਸਮਾਗਮ ਜਿੱਥੇ ਵਿਦਿਆਰਥੀਆਂ ਨੂੰ ਸਾਹਿਤ ਨਾਲ਼ ਜੋੜਨ ਦਾ ਜ਼ਰੀਆ ਬਣਦੇ ਹਨ ਉਥੇ ਸਾਹਿਤਕਾਰਾਂ ਲਈ ਵੀ ਮਾਣ ਦਾ ਸਬੱਬ ਬਣਦੇ ਨੇ।

ਸਮਾਗਮ ਦੇ ਦੂਜੇ ਦੌਰ ਦੀ ਸ਼ੁਰੂਆਤ ਕਰਮਜੀਤ ਕੌਰ ਲੈਕਚਰਰ ਅਤੇ ਜਗਜੀਤ ਸਿੰਘ ਦੁਆਰਾ ਪੇਸ਼ ਗਾਇਨ ਵੰਨਗੀਆਂ ਨਾਲ਼ ਹੋਈ। ਉਪਰੰਤ ਸ਼ਾਇਰ ਪਾਤਰ ਫ਼ਿਰ ਤੋਂ ਸਿਖਿਆਰਥੀਆਂ ਦੇ ਰੂ-ਬ-ਰੂ ਹੋਏ। ਸਿਖਿਆਰਥੀਆਂ ਦੁਆਰਾ ਤੋਰੀ ਜਾਣ ਵਾਲੀ ਸਾਹਿਤਕ ਗੱਲਬਾਤ ਤੋਂ ਪਹਿਲਾਂ ਸਰੋਤਿਆਂ ਦੀ ਫ਼ਰਮਾਇਸ਼ ’ਤੇ ‘ਖ਼ੂਬ ਨੇ ਇਹ ਝਾਂਜਰਾਂ ਛਣਕਣ ਲਈ’ ਬਾਤਰੱਨੁਮ ਪੇਸ਼ ਕੀਤੀ। ਪਾਤਰ ਦੁਆਰਾ ਹਿੰਦ ਪਾਕ ਰਿਸ਼ਤਿਆਂ ਦੀ ਤਰਜ਼ਮਾਨੀ ਤਹਿਤ ਭਾਰਤ-ਪਾਕ ਖੇਡਾਂ ਸਮੇਂ ਸਭਿਆਚਾਰ ਸਮਾਗਮ ’ਚ ਪੇਸ਼ ਕੀਤੇ ਗੀਤ ਨੂੰ ਸੁਣਕੇ ਸਰੋਤੇ ਮੰਤਰ ਮੁਗ਼ਧ ਹੋ ਗਏ। ਜਿਸ ਦੇ ਬੋਲ ਸਨ-

ਕਹੇ ਸਤਲੁਜ ਦਾ ਪਾਣੀ ਆਖ਼ੇ ਬਿਆਸ ਦੀ ਰਵਾਨੀ

ਸਾਡਾ ਜਿਹਲਮ ਚਨਾਬ ਨੂੰ ਸਲਾਮ ਆਖਣਾ

ਅਸੀਂ ਮੰਗਦੇ ਹਾਂ ਖ਼ੈਰਾਂ ਸੁਬਾਹ ਸ਼ਾਮ ਆਖਣਾ

ਜੀ ਸਲਾਮ ਆਖਣਾ-ਜੀ ਸਲਾਮ ਆਖਣਾ

ਸਿਖਿਆਰਥੀਆਂ ਨੇ ਆਪਣੇ ਪਿਆਰੇ ਸ਼ਾਇਰ ਨੂੰ ਧੁਰ ਅੰਦਰੋਂ ਜਾਨਣ ਦੀ ਇੱਛਾ ਨਾਲ਼ ਸੁਆਲ-ਜੁਆਬ ਸ਼ੈਲੀ ਵਿਚ ਗੱਲਬਾਤ ਨੂੰ ਅੱਗੇ ਤੋਰਿਆ। ਜਿਸ ਤਹਿਤ ਅਨੇਕਾਂ ਸੁਆਲ ਪਾਤਰ ਸਾਹਬ ਨੂੰ ਕੀਤੇ ਗਏ ਅਤੇ ਜਿਹਨਾਂ ਦੇ ਬੜੇ ਸਹਿਜ ਤਰੀਕੇ ਨਾਲ਼ ਉਹਨਾਂ ਵੱਲੋਂ ਦਿੱਤੇ ਜਵਾਬ ਜਿੱਥੇ ਮਾਹੌਲ ਨੂੰ ਸਾਹਿਤਕਤਾ ਬਖ਼ਸ਼ਦੇ ਰਹੇ ਉਥੇ ਸ਼ਾਇਰ ਦੀ ਅੰਤਰੀਵ ਆਤਮਾ ਦੀ ਨਿਸ਼ਾਨਦੇਹੀ ਵੀ ਕਰਦੇ ਰਹੇ। ਨਾਲ਼ੋ ਨਾਲ਼ ‘ਆਇਆ ਨੰਦ ਕਿਸ਼ੋਰ’ ਵਰਗੀਆਂ ਕਈ ਹੋਰ ਚਰਚਿਤ ਰਚਨਾਵਾਂ ਵੀ ਸਾਂਝੀਆਂ ਹੁੰਦੀਆਂ ਗਈਆਂ। ‘ਜਗਾ ਦੇ ਮੋਮਬੱਤੀਆਂ’ ਦੀ ਪੇਸ਼ਕਾਰੀ ਨਾਲ਼ ਪਾਤਰ ਸਾਹਬ ਨੇ ਸਿਖਿਆਰਥੀਆਂ ਨਾਲ਼ ਆਪਣੀ ਗੱਲਬਾਤ ਨੂੰ ਆਸ਼ਾਵਾਦੀ ਵਿਰਾਮ ਦਿੱਤਾ। ਸੰਸਥਾ ਦੇ ਚੇਅਰਮੈਨ ਦਰਸ਼ਨਪਾਲ ਸ਼ਰਮਾ ਅਤੇ ਵਿਸ਼ੇਸ਼ ਮਹਿਮਾਨਾਂ ਨੇ ਸੰਸਥਾ ਵੱਲੋਂ ਸੁਰਜੀਤ ਪਾਤਰ ਨੂੰ ਸ਼ਾਲ ਅਤੇ ਯਾਦ ਨਿਸ਼ਾਨੀ ਰਾਹੀਂ ਸਨਮਾਨ ਦਿੱਤਾ। ਧੰਨਵਾਦ ਦੀ ਰਸਮ ਪ੍ਰਿੰ. ਮੱਖਣ ਲਾਲ ਗੋਇਲ ਨੇ ਨਿਭਾਈ।

ਇਸ ਖ਼ੂਬਸੂਰਤ ਰ’ੂ-ਬ’-ਰੂ ਸਮਾਗਮ ਵਿਚ ਸਿਖਿਆਰਥੀਆਂ ਸਣੇ ਹੰਸ ਰਾਜ ਵਿਦਿਅਕ ਸੰਸਥਾਵਾਂ ਦਾ ਸਮੁੱਚੇ ਸਟਾਫ਼ ਤੋਂ ਇਲਾਵਾ ਪ੍ਰੋ. ਰਾਜਪਾਲ ਸਿੰਘ ਸੋਹੀ, ਪ੍ਰੋ.ਰੋਸ਼ਨ ਲਾਲ,ਪੰਜਾਬੀ ਯੂਨੀਵਰਸਿਟੀ ਤੋਂ ਪ੍ਰੋ.(ਡਾ.) ਅਮਨਦੀਪ ਸਿੰਘ, ਪਵਨ ਗੁਲਾਟੀ, ਅਮਰਜੀਤ ਢਿੱਲੋਂ, ਜਸਬੀਰ ਜੱਸੀ ਜ਼ਿਲਾ ਗਾਈਡੈਂਸ ਕਾਊਂਸਲਰ, ਅੰਗਰੇਜ ਸਿੰਘ, ਰਾਜਿੰਦਰ ਸਿੰਘ, ਲਖਵਿੰਦਰ ਸਿੰਘ, ਦਵਿੰਦਰ ਸ਼ਰਮਾ ਅਰਸ਼ੀ, ਚਰਨਜੀਵ ਸ਼ਰਮਾ, ਗੁਰਨਾਮ ਸਿੰਘ, ਚਿੱਤਰਕਾਰ ਪ੍ਰੀਤ ਭਗਵਾਨ, ਖੁਸ਼ਵੰਤ ਬਰਗਾੜੀ, ਬਲਦੇਵ ਬੰਬੀਹਾ ਅਤੇ ਜੀਵਨ ਗਰਗ ਵੀ ਸ਼ਾਮਲ ਸਨ। ਚੇਤਨਾ ਪ੍ਰਕਾਸ਼ਨ ਲੁਧਿਆਣਾ ਵੱਲੋਂ ਪੁਸਤਕ ਪ੍ਰਦਰਸ਼ਨੀ ਵੀ ਲਗਾਈ ਗਈ।

‘ਜਨਮ ਦਿਨ’ ਮੌਕੇ ਸਾਹਿਤਕ ਸਮਾਗਮ ’ਚ ਡਾ. ਜੇ. ਐਸ. ਆਨੰਦ ਨੂੰ ਸਨਮਾਨ-ਪੱਤਰ ਭੇਂਟ.......... ਸਨਮਾਨ ਸਮਾਰੋਹ / ਪਰਮਿੰਦਰ ਸਿੰਘ ਤੱਗੜ (ਡਾ. )

ਪ੍ਰਸਿੱਧ ਅੰਗਰੇਜ਼ੀ ਅਤੇ ਪੰਜਾਬੀ ਸਾਹਿਤਕਾਰ ਡਾ. ਜੇ. ਐਸ. ਆਨੰਦ (ਪ੍ਰਿੰਸੀਪਲ ਡੀ.ਏ.ਵੀ. ਕਾਲਜ ਬਠਿੰਡਾ) ਦੇ ਜਨਮ ਦਿਨ ਮੌਕੇ ਸਨਮਾਨ ਵਜੋਂ ਸਥਾਨਕ ਸਿਵਲ ਲਾਈਨਜ਼ ਕਲੱਬ ਵਿਖੇ ਸੂਫ਼ੀ ਆਰਟਸ ਫ਼ਾਊਂਡੇਸ਼ਨ ਬਠਿੰਡਾ ਅਤੇ ਅੰਤਰ ਰਾਸ਼ਟਰੀ ਪੰਜਾਬੀ ਇੰਟਰਨੈਟ ਮੀਡੀਆ ‘ਪੰਜਾਬੀ ਨਿਊਜ਼ ਆਨਲਾਈਨ’ ਦੇ ਉੱਦਮ ਸਦਕਾ ਰਚਾਏ ਇੱਕ ਸਾਹਿਤਕ ਅਤੇ ਸਭਿਆਚਾਰਕ ਸਮਾਗਮ ਦੌਰਾਨ ਪੰਜਾਬੀ ਨਿਊਜ਼ ਆਨਲਾਈਨ ਵੱਲੋਂ ਮੁੱਖ ਮਹਿਮਾਨ ਡਾ. ਜਤਿੰਦਰ ਜੈਨ (ਆਈ. ਪੀ. ਐਸ.) ਡੀ ਆਈ ਜੀ ਫ਼ਰੀਦਕੋਟ ਰੇਂਜ ਦੀ ਅਗਵਾਈ ਵਿਚ ਸਾਈਟ ਦੇ ਮੁੱਖ ਸੰਪਾਦਕ ਸੁਖਨੈਬ ਸਿੰਘ ਸਿੱਧੂ, ਆਨਰੇਰੀ ਸਾਹਿਤ ਸੰਪਾਦਕ ਡਾ. ਪਰਮਿੰਦਰ ਸਿੰਘ ਤੱਗੜ, ਸੰਪਾਦਕ ਆਸਟ੍ਰੇਲੀਆ ਐਡੀਸ਼ਨ ਮਿੰਟੂ ਬਰਾੜ, ਸੰਪਾਦਕ ਰਾਜਨੀਤਕ ਮਾਮਲੇ ਗੁਰਭੇਜ ਸਿੰਘ ਚੌਹਾਨ, ਇੰਜੀ: ਸਤਿੰਦਰਜੀਤ ਸਿੰਘ ਸੀ. ਓ. ਓ. ਨੇ ਡਾ. ਆਨੰਦ ਦੀਆਂ ਸਾਹਿਤ, ਕਲਾ, ਸਮਾਜ ਅਤੇ ਪ੍ਰਾਧਿਆਪਨ ਦੇ ਖੇਤਰ ਵਿਚ ਪਾਏ ਵਿਸ਼ੇਸ਼ ਯੋਗਦਾਨ ਦੇ ਮੱਦੇਨਜ਼ਰ ਇਕ ਸਨਮਾਨ ਪੱਤਰ ਭੇਂਟ ਕੀਤਾ। ਇਸ ਸੁਭਾਗ ਮੌਕੇ ਡਾ. ਜੈਨ ਨੇ ਕਿਹਾ ਕਿ ਡਾ. ਆਨੰਦ ਇਕ ਬਹੁਪੱਖੀ ਸ਼ਖ਼ਸੀਅਤ ਹਨ ਜੋ ਸਫ਼ਲ ਪ੍ਰਬੰਧਕ ਦੇ ਨਾਲ਼-ਨਾਲ਼ ਇਕ ਪ੍ਰਬੁੱਧ ਸਾਹਿਤਕਾਰ, ਸਮਾਜ ਚਿੰਤਕ, ਵਾਤਾਵਰਨ ਪ੍ਰੇਮੀ ਅਤੇ ਅਧਿਆਤਮਕ ਵਿਚਾਰਧਾਰਾ ਨਾਲ਼ ਲਬਰੇਜ਼ ਵਿਅਕਤੀਤਵ ਰੱਖਦੇ ਹਨ। ਸੁਖਨੈਬ ਸਿੱਧੂ ਨੇ ਸਰੋਤਿਆਂ ਨੂੰ ਸੰਬੋਧਿਤ ਹੁੰਦਿਆਂ ਦੱਸਿਆ ਕਿ ਡਾ. ਆਨੰਦ ਮਾਲਵੇ ਦੇ ਅਜਿਹੇ ਸਾਹਿਤਕਾਰ ਹਨ ਜਿਹਨਾਂ ਨੇ ਸਾਹਿਤ ਸਿਰਜਣਾ ਅਤੇ ਹੋਰ ਅਗਾਂਹ ਵਧੂ ਕਾਰਜਾਂ ਨੂੰ ਪੁਸਤਕਾਂ ਤੱਕ ਹੀ ਸੀਮਤ ਨਹੀਂ ਰੱਖਿਆ ਸਗੋਂ ਅਤਿ ਆਧੁਨਿਕ ਤਕਨੀਕਾਂ ਦੇ ਜ਼ਰੀਏ ਆਪਣੇ ਕੰਮ ਦੀ ਪਛਾਣ ਕਰਵਾਈ ਹੈ। ਇਸੇ ਸਿਲਸਿਲੇ ਵਿਚ ਉਹਨਾਂ ਦੀ ਵੈਬਸਾਇਟ ਡਬਲਿਊ ਡਬਲਿਊ ਡਬਲਿਊ ਡਾਟ ਡਾ. ਆਨੰਦ ਡਾਟ ਕਾਮ ’ਤੇ ਕਲਿੱਕ ਕਰਕੇ ਇਸ ਸ਼ਖ਼ਸੀਅਤ ਦੀਆਂ ਗਤੀਵਿਧੀਆਂ ਅਤੇ ਪ੍ਰਾਪਤੀਆਂ ਦੀ ਝਲਕ ਦੇਖੀ ਜਾ ਸਕਦੀ ਹੈ। ਇਸ ਮੌਕੇ ਡਾ. ਆਨੰਦ ਨੂੰ ਵਧਾਈ ਦੇਣ ਵਾਲੀਆਂ ਸ਼ਖ਼ਸੀਅਤਾਂ ਵਿਚ ਹੋਰਨਾਂ ਤੋਂ ਇਲਾਵਾ ਸਵਾਮੀ ਸੂਰਯਾ ਦੇਵ ਜੀ, ਸੁਪ੍ਰਸਿਧ ਆਲੋਚਕ ਪ੍ਰੋ. ਬ੍ਰਹਮ ਜਗਦੀਸ਼ ਸਿੰਘ, ਸ੍ਰੀ ਪੀ. ਡੀ. ਗੋਇਲ ਉਪ-ਚੇਅਰਮੈਨ ਸਥਾਨਕ ਪ੍ਰਬੰਧਕੀ ਕਮੇਟੀ ਡੀ ਏ ਵੀ ਕਾਲਜ ਬਠਿੰਡਾ, ਹਰਪਾਲ ਸਿੰਘ ਪੀ. ਸੀ. ਐਸ., ਪ੍ਰਸਿਧ ਮੀਡੀਆ ਹਸਤੀ ਮਿੰਟੂ ਬਰਾੜ ਆਸਟ੍ਰੇਲੀਆ, ਡਾ. ਪਰਮਜੀਤ ਰੋਮਾਣਾ, ਪ੍ਰੋ. ਬੇਅੰਤ ਕੌਰ, ਡਾ. ਸੁਖਦੀਪ ਕੌਰ, ਡਾ.ਵਿਮਲਾਂਸ਼ੂ ਮਲਿਕ ਪ੍ਰਿੰਸੀਪਲ ਮਾਤਾ ਜਸਵੰਤ ਕੌਰ ਪਬਲਿਕ ਸਕੂਲ ਬਾਦਲ, ਪ੍ਰਿੰ. ਨਸੀਬ ਕੌਰ, ਪ੍ਰੋ. ਰਜਨੀਸ਼ ਕੁਮਾਰ, ਪ੍ਰਿੰ. ਅਸ਼ੋਕ ਸ਼ਾਸਤਰੀ, ਡਾ. ਰਣਜੀਤ ਕੌਰ (ਪ੍ਰਿੰ.) ਆਕਲੀਆ ਕਾਲਜ ਆਫ਼ ਐਜੂਕੇਸ਼ਨ, ਚਰਨਜੀਤ ਭੁੱਲਰ, ਸਤਵੰਤ ਭੁੱਲਰ, ਗੁਰਭੇਜ ਚੌਹਾਨ, ਅਮਰਜੀਤ ਢਿੱਲੋਂ, ਇੰਜੀ. ਸਤਿੰਦਰਜੀਤ ਸਿੰਘ, ਗੁਰਚਰਨ ਸਿੰਘ, ਆਰਟਿਸਟ ਅਮਰਜੀਤ ਸਿੰਘ, ਗੁਰਨਾਮ ਸਿੰਘ ਦਰਸ਼ੀ, ਕਹਾਣੀਕਾਰ ਗੁਰਦੇਵ ਖੋਖਰ, ਪ੍ਰੋ. ਭੁਪਿੰਦਰ ਜੱਸਲ, ਭੁਪਿੰਦਰ ਪੰਨੀਵਾਲੀਆ, ਸੰਗੀਤ ਨਿਰਦੇਸ਼ਕ ਰਾਜਿੰਦਰ ਰਿੰਕੂ ਸਮੇਤ ਅਨੇਕਾਂ ਸਾਹਿਤ ਅਤੇ ਸਭਿਆਚਾਰ ਨਾਲ਼ ਜੁੜੀਆਂ ਹਸਤੀਆਂ ਮੌਜੂਦ ਸਨ। ਗਾਇਕਾ ਵਰਿੰਦਰ ਵਿੰਮੀ, ਗਾਇਕ ਗੁਰਸੇਵਕ ਚੰਨ ਅਤੇ ਬਾਲ ਗਾਇਕ ਕਰਨ ਸ਼ਰਮਾਂ ਨੇ ਡਾ. ਆਨੰਦ ਦੀਆਂ ਰਚਨਾਵਾਂ ਨੂੰ ਸੰਗੀਤਕ ਸੁਰਾਂ ਸੰਗ ਪੇਸ਼ ਕਰਕੇ ਵਾਹ-ਵਾਹ ਖੱਟੀ। ਖ਼ਿਆਲ ਰਹੇ ਕਿ ਡਾ. ਆਨੰਦ ਦੀ ਇੱਛਾ ਅਨੁਸਾਰ ਸਮਾਗਮ ’ਚ ਬੁਲਾਏ ਮਹਿਮਾਨਾਂ ਨੂੰ ਜਨਮ ਦਿਨ ਸਬੰਧੀ ਖ਼ਬਰ ਤੋਂ ਮਹਿਰੂਮ ਰੱਖਿਆ ਗਿਆ ਸੀ ਤਾਂ ਕਿ ਮਹਿਮਾਨਾਂ ਦੀ ਇਸ ਮੌਕੇ ਹਾਜ਼ਰੀ ਨੂੰ ਹੀ ਜਨਮ ਦਿਨ ਦਾ ਸਭ ਤੋਂ ਵੱਡਾ ਤੋਹਫ਼ਾ ਮੰਨਿਆ ਜਾ ਸਕੇ। ਸੂਫ਼ੀ ਆਰਟ ਫ਼ਾਊਂਡੇਸ਼ਨ ਵੱਲੋਂ ਪ੍ਰੋ. ਰਜਨੀਸ਼ ਨੇ ਸਾਰੇ ਮਹਿਮਾਨਾਂ ਦਾ ਹਾਰਦਿਕ ਧਨਵਾਦ ਕੀਤਾ।

ਸੂਲ ਸੁਰਾਹੀ ਦਾ ਨਾਰੀ ਲੇਖਕ ਵਿਸ਼ੇਸ਼ ਅੰਕ ਰਿਲੀਜ਼.......... ਪੁਸਤਕ ਰਿਲੀਜ਼ / ਰਾਕੇਸ਼ ਵਰਮਾ

ਨੰਗਲ ਵਿਖੇ ਸੋਮਵਾਰ ਸ਼ਾਮ ਨੂੰ ਪ੍ਰਵਾਸੀ ਪੰਜਾਬੀ ਫਰੈਂਡਜ਼ ਕਲੱਬ ਵਲੋਂ ਡਾ. ਸੰਜੀਵ ਗੌਤਮ ਦੇ ਨਿਵਾਸ ਸਥਾਨ ਤੇ ਇੱਕ ਸਾਹਿੱਤਕ ਇੱਕਤਰਤਾ ਕੀਤੀ ਗਈ ਇਸ ਸਮਾਰੋਹ ਦੇ ਮੁੱਖ ਆਕਰਸ਼ਣ ਪੰਜਾਬੀ ਤ੍ਰੈਮਾਸਕ ਸੂਲ-ਸੁਰਾਹੀ ਦੇ ਨਾਰੀ-ਲੇਖਕ ਵਿਸ਼ੇਸ਼ ਅੰਕ ਦੀ ਘੁੰਡ ਚੁਕਾਈ ਸੀ । ਸਮਾਗਮ ਦੇ ਮੁੱਖ ਮਹਿਮਾਨ ਲੰਦਨ ਤੋਂ ਛਪਣ ਵਾਲੇ ਪੰਜਾਬੀ ਮੈਗਜੀਨ ਪੰਜਾਬ ਮੇਲ ਇੰਟਰਨੈਸ਼ਨਲ ਦੇ ਸੰਪਾਦਕ ਤੇ ਸੰਚਾਲਕ ਸ੍ਰ. ਗੁਰਦੀਪ ਸਿੰਘ ਸੰਧੂ ਸਨ । ਇਲਾਕੇ ਦੇ ਬੁੱਧੀਜੀਵੀਆਂ ਤੇ ਸਾਹਿਤ ਪ੍ਰੇਮੀ ਸੱਜਣਾਂ ਦੀ ਭਰਵੀਂ ਹਾਜਰੀ ਵਿੱਚ ਡਾਕਟਰ ਗੁਲਜਾਰ ਸਿੰਘ ਕੰਗ ਨੇ ਸੂਲ-ਸੁਰਾਹੀ ਵਿੱਚ ਛਪੀਆਂ ਰਚਨਾਵਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਵਿੱਚ ਲਗਭਗ 36 ਨਾਰੀ ਲੇਖਕਾਵਾਂ ਦੀਆਂ 64 ਰਚਨਾਵਾਂ ਛਾਪੀਆਂ ਗਈਆਂ ਹਨ । ਕੁੱਲ 56 ਸਫਿਆਂ ਦੇ ਇਸ ਪਰਚੇ ਵਿੱਚ ਪੰਜਾਬ ਤੋਂ ਇਲਾਵਾ ਹਿਮਾਚਲ, ਹਰਿਆਣਾ ਤੇ ਦਿੱਲੀ ਆਦਿ ਤੋਂ ਵੀ ਪੰਜਾਬੀ ਲਿਖਾਰਨਾ ਦੀਆਂ ਮਿਆਰੀ ਰਚਨਾਵਾਂ ਨੂੰ ਸ੍ਰ. ਬਲਬੀਰ ਸਿੰਘ ਸੈਣੀ ਤੇ ਬੀਬੀ ਗੁਰਚਰਨ ਕੌਰ ਕੋਚਰ ਨੇ ਸਾਂਝੇ ਤੌਰ ਤੇ ਸੰਪਾਦਿਤ ਕੀਤਾ ਹੈ । ਇਸ ਤੋਂ ਇਲਾਵਾ ਸਾਹਿਤਕ ਸਰਗਰਮੀਆਂ ਤੇ ਨਵੀਆਂ ਪੁਸਤਕਾਂ ਬਾਰੇ ਵੀ ਜਾਣਕਾਰੀ ਮੁਹਈਆ ਕਰਵਾਈ ਗਈ ਹੈ । ਪਰਚੇ ਦੇ ਸੰਪਾਦਕ ਬਲਬੀਰ ਸੈਣੀ, ਅੱਖਰ ਚੇਤਨਾ ਮੰਚ ਦੇ ਸਰਪਰਸਤ ਸ੍ਰੀ ਰਾਕੇਸ਼ ਨਈਅਰ ਤੇ ਡਾ. ਸੰਜੀਵ ਗੌਤਮ ਨੇ ਸ. ਗੁਰਦੀਪ ਸਿੰਘ ਸੰਧੂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤਾ । ਇਸ ਤੋਂ ਇਲਾਵਾ ਪ੍ਰਵਾਸੀ ਪੰਜਾਬੀ ਫਰੈਂਡਜ਼ ਕਲੱਬ ਵੱਲੋਂ ਉੱਘੀ ਲੇਖਕਾ ਸ੍ਰੀਮਤੀ ਨਿਰਮਲਾ ਕਪਿਲਾ ਤੇ ਵਾਤਾਵਰਣ ਪ੍ਰੇਮੀ ਸੰਸਥਾ ਜਾਗਰਿਤੀ ਕਲੱਬ ਦੇ ਨਿਰਦੇਸ਼ਕ ਪ੍ਰਭਾਤ ਭੱਟੀ ਨੂੰ ਵੀ ਸਨਮਾਨਤ ਕੀਤਾ ਗਿਆ ।

ਇਸ ਦੌਰਾਨ ਇੱਕ ਕਵੀ ਦਰਬਾਰ ਦਾ ਆਯੋਜਨ ਵੀ ਕੀਤਾ ਗਿਆ ਜਿਸ ਵਿੱਚ ਅੱਖਰ ਚੇਤਨਾ ਮੰਚ ਦੇ ਪ੍ਰਧਾਨ ਦਵਿੰਦਰ ਸ਼ਰਮਾ, ਸਕੱਤਰ ਰਾਕੇਸ਼ ਵਰਮਾ, ਹਰੀ ਚੰਦ ਸ਼ਰਮਾ, ਨਿਰਮਲਾ ਕਪਿਲਾ, ਡਾ. ਸੰਜੀਵ ਗੌਤਮ, ਅਮਰਜੀਤ ਬੇਦਾਗ ਤੇ ਅਸ਼ੋਕ ਰਾਹੀ ਨੇ ਆਪਣੀਆਂ ਕਵਿਤਾਵਾਂ ਸੁਣਾਈਆਂ ਤੇ ਸੁਨੀਲ ਡੋਗਰਾ ਨੇ ਸ਼ਿਵ ਬਟਾਲਵੀ ਦੀ ਗਜ਼ਲ ਗਾਈ । ਸ੍ਰ. ਗੁਰਦੀਪ ਸਿੰਘ ਸੰਧੂ ਨੇ ਲੰਡਨ ਵੱਸਦੇ ਪੰਜਾਬੀਆਂ ਤੇ ਜਾਣ ਦੇ ਇੱਛੁਕ ਲੋਕਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ੳੱਥੇ ਮੰਦੀ ਦਾ ਦੌਰ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋਇਆ ਪਰ ਪੰਜਾਬੀ ਲੋਕ ਆਪਣੀ ਮਿਹਨਤ ਸਦਕਾ ਉੱਥੇ ਕਈ ਉੱਚ ਮੁਕਾਮ ਹਾਸਲ ਕਰਨ ਵਿੱਚ ਕਾਮਯਾਬ ਰਹੇ ਹਨ ।

ਇਸ ਸਮਾਗਮ ਵਿੱਚ ਹੋਰਨਾਂ ਤੋਂ ਇਲਾਵਾ ਪੱਤਰਕਾਰ ਗੁਰਪ੍ਰੀਤ ਗਰੇਵਾਲ, ਰਾਕੇਸ਼ ਸੈਣੀ, ਪ੍ਰੀਤਮ ਬਰਾਰੀ, ਸੁਰਜੀਤ ਢੇਰ, ਇੰਜੀ. ਕੇ.ਕੇ. ਸੂਦ, ਰੰਗਕਰਮੀ ਫੁਲਵੰਤ ਮਨੋਚਾ, ਟੋਨੀ ਸਹਿਗਲ, ਅਨੁਜ ਠਾਕੁਰ, ਪ੍ਰੋ. ਜੀ.ਐਸ. ਚੱਠਾ, ਚਿੱਤਰਕਾਰ ਦੇਸ਼ ਰੰਜਨ ਸ਼ਰਮਾਂ, ਰਘੁਵੰਸ਼ ਮਲਹੋਤਰਾ, ਕੇ.ਕੇ.ਖੋਸਲਾ ਆਦਿ ਹਾਜ਼ਰ ਸਨ । ਮੰਚ ਸੰਚਾਲਕ ਗੁਰਪ੍ਰੀਤ ਗਰੇਵਾਲ ਸਨ । ਸ੍ਰ. ਬਲਬੀਰ ਸੈਣੀ ਨੇ ਧੰਨਵਾਦ ਪ੍ਰਸਤਾਵ ਪੇਸ਼ ਕੀਤਾ ।

ਪੁਸਤਕ ਮੇਲੇ ਨੂੰ ਪਾਠਕਾਂ ਦਾ ਭਰਪੂਰ ਹੁੰਗਾਰਾ...........ਪੁਸਤਕ ਮੇਲਾ / ਡਾ। ਪਰਮਿੰਦਰ ਸਿੰਘ ਤੱਗੜ

ਇੰਦਰਾ ਪ੍ਰਿਯਾ ਦਰਸ਼ਨੀ ਕਮਿਊਨਿਟੀ ਹਾਲ, ਕੋਟਕਪੂਰਾ ਵਿਖੇ ਪੀਪਲਜ਼ ਫ਼ੋਰਮ ਵੱਲੋਂ ਲਾਏ ਪਹਿਲੇ ਪੁਸਤਕ ਮੇਲੇ ਦੇ ਪਹਿਲੇ ਦਿਨ ਹੀ ਮਲਵਈ ਪਾਠਕਾਂ ਵੱਲੋਂ ਕੀਤੀ ਗਈ ਵੱਡੀ ਗਿਣਤੀ ਵਿੱਚ ਪੁਸਤਕਾਂ ਦੀ ਖਰੀਦ ਨੇ ਇੱਕ ਵਾਰ ਫੇਰ ਇਸ ਗੱਲ ਨੂੰ ਸਾਬਤ ਕਰ ਦਿੱਤਾ ਹੈ ਕਿ ਮਾਲਵਾ ਇਲਾਕਾ ਹਾਲੇ ਵੀ ਪੰਜਾਬੀ ਪੁਸਤਕਾਂ ਦੀ ਪਸੰਦ ਵਿੱਚ ਮੋਹਰੀ ਸਥਾਨ ਰੱਖਦਾ ਹੈ। ਫ਼ਰੀਦਕੋਟ, ਬਠਿੰਡਾ, ਮੁਕਤਸਰ, ਮੋਗਾ ਅਤੇ ਫ਼ਿਰੋਜਪੁਰ ਜ਼ਿਲਿਆਂ ਦੇ ਵੱਖ ਵੱਖ ਸਕੂਲਾਂ ਦੇ ਅਧਿਆਪਕਾਂ ਅਤੇ ਪੰਜਾਬੀ ਪਾਠਕਾਂ ਵੱਲੋਂ ਡੇਢ ਲੱਖ ਰੁਪਏ ਤੋਂ ਵਧੇਰੇ ਮੁੱਲ ਦੀਆਂ ਪੰਜਾਬੀ ਪੁਸਤਕਾਂ ਦੀ ਖ਼ਰੀਦ ਕੀਤੀ ਗਈ। ਸੰਸਥਾ ਦੇ ਪ੍ਰਧਾਨ ਖੁਸ਼ਵੰਤ ਬਰਗਾੜੀ ਅਤੇ ਜਨਰਲ ਸਕੱਤਰ ਰਾਜਪਾਲ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ‘ਪੁਸਤਕ- ਪਾਠਕ ਦੇ ਘਰ ਤੱਕ’ ਮੁਹਿੰਮ ਤਹਿਤ ਲਾਏ ਇਸ ਪੁਸਤਕ ਮੇਲੇ ਦੇ ਪਹਿਲੇ ਦਿਨ ਪੰਜਾਬੀ ਪਾਠਕਾਂ ਨੇ ਵੱਖ ਵੱਖ ਵਿਸ਼ਿਆਂ ਨਾਲ ਸੰਬਧਿਤ ਪੁਸਤਕਾਂ ਵਿੱਚ ਗਹਿਰੀ ਦਿਲਚਸਪੀ ਦਿਖਾਈ ਜੋ ਕਿ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਸਬੰਧੀ ਸਰੋਕਾਰਾਂ ਪ੍ਰਤੀ ਸ਼ੁਭ-ਸ਼ਗਨ ਹੈ।

ਤਿੰਨ ਦਿਨਾਂ ਪੁਸਤਕ ਮੇਲੇ ਦਾ ਉਦਘਾਟਨ ਪੁਸਤਕ ਪ੍ਰੇਮੀ ਅੱਖਾਂ ਦੇ ਪ੍ਰਸਿਧ ਸਰਜਨ ਡਾ। ਪ੍ਰਭਦੇਵ ਸਿੰਘ ਬਰਾੜ ਨੇ ਆਪਣੇ ਕਰ-ਕਮਲਾਂ ਨਾਲ ਕੀਤਾ। ਉਹਨਾਂ ਮੇਲੇ ਵਿੱਚ ਸ਼ਾਮਲ ਵੱਖ ਵੱਖ ਸਟਾਲਾਂ ’ਤੇ ਪੁਸਤਕਾਂ ਦਾ ਜਾਇਜ਼ਾ ਲੈਂਦਿਆਂ ਮੌਜੂਦਾ ਦੌਰ ਵਿੱਚ ਅਜਿਹੇ ਪੁਸਤਕ ਮੇਲਿਆਂ ਦੇ ਸਾਰਥਿਕ ਰੋਲ ਦੀ ਸ਼ਲਾਘਾ ਕੀਤੀ। ਇਸ ਪੁਸਤਕ ਮੇਲੇ ਵਿੱਚ ਨੈਸ਼ਨਲ ਬੁੱਕ ਟਰੱਸਟ ਨਵੀਂ ਦਿੱਲੀ, ਯੂਨੀਸਟਾਰ ਚੰਡੀਗੜ, ਚੇਤਨਾ ਪ੍ਰਕਾਸ਼ਨ ਲੁਧਿਆਣਾ, ਸੰਗਮ ਪਬਲੀਕੇਸ਼ਨਜ਼ ਸਮਾਣਾ, ਲੋਕਗੀਤ ਪ੍ਰਕਾਸ਼ਨ ਚੰਡੀਗੜ, ਤਰਕਭਾਰਤੀ ਬਰਨਾਲਾ, ਮਹਿਰਮ ਗਰੁੱਪ ਨਾਭਾ ਅਤੇ ਹੋਰ ਸਾਹਿਤਕ ਸੰਸਥਾਵਾਂ ਸ਼ਾਮਲ ਹਨ।

ਨੈਸ਼ਨਲ ਬੁੱਕ ਟਰੱਸਟ ਨਵੀਂ ਦਿੱਲੀ ਦੇ ਵਿਕਰੀ ਅਧਿਕਾਰੀ ਸ਼੍ਰੀ ਰਾਜ ਕੁਮਾਰ ਗਰਗ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਹਿਲੇ ਦਿਨ ਉਹਨਾਂ ਦੇ ਸਟਾਲ ਤੋਂ ਲੱਗਭੱਗ 25 ਹਜ਼ਾਰ ਦੀਆਂ ਬਾਲ ਪੁਸਤਕਾਂ ਦੀ ਵਿਕਰੀ ਹੋਈ ਹੈ। ਸਾਹਿਤ ਅਕਾਦਮੀ ਇਨਾਮ ਜੇਤੂ ਅਨੁਵਾਦਕ ਸ਼੍ਰੀ ਸ਼ਾਹ ਚਮਨ ਨੇ ਮੇਲੇ ਵਿੱਚ ਪਾਠਕਾਂ ਦੀ ਭਰਪੂਰ ਗਿਣਤੀ ’ਤੇ ਤਸੱਲੀ ਪ੍ਰਗਟ ਕੀਤੀ। ਸਾਹਿਤ ਸਭਾ ਦੇ ਪ੍ਰਧਾਨ ਸ੍ਰ। ਜ਼ੋਰਾ ਸਿੰਘ ਸੰਧੂ ਨੇ ਪਾਠਕਾਂ ਦੇ ਪੁਸਤਕ-ਪਿਆਰ ’ਤੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਜ਼ਿਲਾ ਮਾਨਸਾ ਦੇ ਪਿੰਡ ਗੰਢੂ ਕਲਾਂ ਦੇ ਸਰਕਾਰੀ ਸਕੂਲ ਤੋਂ ਪਹੁੰਚੇ ਇੱਕ ਅਧਿਆਪਕ ਨੇ ਪੀਪਲਜ਼ ਫ਼ੋਰਮ ਦੇ ਇਸ ਉਪਰਾਲੇ ਨੂੰ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਲਈ ਇੱਕ ਵੱਡਮੁੱਲਾ ਤੋਹਫ਼ਾ ਦੱਸਿਆ। ਮੁਕਤਸਰ ਤੋਂ ਆਏ ਸਾਹਿਤਕਾਰ ਹਰਜਿੰਦਰ ਸੂਰੇਵਾਲੀਆ ਨੇ ਆਪਣੇ ਸਕੂਲ ਦੇ ਵਿਦਿਆਰਥੀਆਂ ਲਈ ਦਸ ਹਜ਼ਾਰ ਰੁਪਏ ਦੀਆਂ ਪੁਸਤਕਾਂ ਖਰੀਦੀਆਂ।

ਅੱਜ ਪੁਸਤਕ ਮੇਲੇ ਦੇ ਪਹਿਲੇ ਦਿਨ ਨਾਮਵਰ ਲੇਖਕਾਂ ਅਤੇ ਕਵੀਆਂ ਨੇ ਵੀ ਆਪਣੀ ਹਾਜ਼ਰੀ ਲਵਾਈ ਜਿਹਨਾਂ ਵਿੱਚ ਸ਼੍ਰੀ ਹਰਮਿੰਦਰ ਕੋਹਾਰਵਾਲਾ, ਵਿਸ਼ਵਜਯੋਤੀ ਧੀਰ, ਪ੍ਰਿੰਸੀਪਲ ਗੁਰਦੀਪ ਸਿੰਘ ਢੁੱਡੀ, ਪ੍ਰਸਿਧ ਅਨੁਵਾਦਕ ਪਵਨ ਗੁਲਾਟੀ, ਜਰਨੈਲ ਸਿੰਘ ਚਾਹਲ, ਜੰਗਪਾਲ ਸਿੰਘ ਬਰਾੜ, ਸੁਭਾਸ਼ ਪਰਿਹਾਰ, ਹਰਜਿੰਦਰ ਢਿੱਲੋਂ, ਕੁਲਵੰਤ ਗਿੱਲ, ਭੁਪਿੰਦਰ ਬਰਗਾੜੀ, ਅਮਰਜੀਤ ਸਿੰਘ ਢਿੱਲੋਂ, ਜਸਵਿੰਦਰ ਗਿੱਲ, ਅੰਮ੍ਰਿਤਪਾਲ ਵਿਰਕ, ਪਰਮਪਾਲ ਸਿੰਘ, ਮਹਿੰਦਰ ਪਾਲ ਸਿੰਘ, ਗੁਰਦਰਸ਼ਨ ਸਿੰਘ ਬਰਾੜ ਤੋਂ ਇਲਾਵਾ ਅਨੇਕਾਂ ਨਾਮਵਰ ਸ਼ਖ਼ਸੀਅਤਾਂ ਹਾਜ਼ਰ ਸਨ।

ਪ੍ਰਸਿੱਧ ਨਾਵਲਕਾਰ ਸ੍ਰੀ ਸ਼ਾਹ ਚਮਨ ਭਾਰਤੀ ਸਾਹਿਤ ਅਕੈਡਮੀ ਦੇ ਅਨੁਵਾਦਕ ਪੁਰਸਕਾਰ ਨਾਲ ਸਨਮਾਨਿਤ.......... ਸਨਮਾਨ ਸਮਾਰੋਹ

ਭਾਰਤੀ ਸਾਹਿਤ ਅਕੈਡਮੀ ਵੱਲੋਂ ਦਿੱਤੇ ਜਾਂਦੇ ਹਰ ਸਾਲ ਦੇ ਅਨੁਵਾਦਿਕ ਪੁਰਸਕਾਰ ਲਈ, ਇਸ ਸਾਲ ਪ੍ਰਸਿੱਧ ਨਾਵਲਕਾਰ ਅਤੇ ਅਨੁਵਾਦਕ ਸ਼ਾਹ ਚਮਨ ਭਾਰਤੀ ਸਾਹਿਤ ਅਕੈਡਮੀ ਵੱਲੋਂ ਪ੍ਰੇਮ ਚੰਦ ਦੇ ਚਰਚਿਤ ਨਾਵਲ ‘ਕਰਬਲਾ’ ਦਾ ਅਨੁਵਾਦ ਕਰਨ ਤੇ ਸਲਾਨਾ ਅਨੁਵਾਦ ਪੁਰਸਕਾਰ ਪ੍ਰਦਾਨ ਕਰਨ ਦਾ ਐਲਾਨ ਹੋਇਆ ਹੈ । ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਪੰਜ ਮੂਲ ਨਾਵਲ ਹਨ੍ਹੇਰੇ ਵਿੱਚ ਘਿਰਿਆ ਮਨੁੱਖ, ਜ਼ਖ਼ਮੀ ਗੁਲਾਬ, ਮਾਤਮਖਾਨਾ, ਜੁਆਲਾਮੁਖੀ ਅਤੇ ਰਾਗ ਇਸ਼ਕ ਤੋਂ ਇਲਾਵਾ ਤਿੰਨ ਕਾਵਿ ਸੰਗ੍ਰਹਿ ਸੂਰਜ ਚੜ੍ਹਨ ਤੋਂ ਪਹਿਲਾਂ, ਬੇਦਾਵਾ ਅਤੇ ਕਿਰਚਾਂ ਦਾ ਆਲ੍ਹਣਾ ਪ੍ਰਕਾਸਿ਼ਤ ਹੋ ਚੁੱਕੇ ਹਨ । ਅਨੁਵਾਦਿਕ ਦੇ ਖੇਤਰ ਵਿੱਚ ਕਰਬਲਾ ਤੋਂ ਇਲਾਵਾ ਉਨ੍ਹਾਂ ਅੰਤਰ ਚੈਖ਼ਵ ਦੇ ਨਾਵਲ ਤਿੰਨ ਵਰ੍ਹੇ, ਬੰਕਮ ਚੰਦਰ ਚਟੋਪਾਧਿਆ ਦੇ ਨਾਵਲ ਅਨੰਦ ਮੱਠ, ਮਿਖਾਇਲ ਬਲਗਾਕੋਵ ਦੇ ਨਾਵਲ ਕੁੱਤਾ ਆਦਮੀ ਅਤੇ ਹਾਰਡੀ ਦੇ ਨਾਵਲ ਸਪਾਰਟੈਕਸ ਦਾ ਪੰਜਾਬੀ ਅਨੁਵਾਦ ਕੀਤਾ ਹੈ । ਇਸ ਤਰ੍ਹਾਂ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਸਾਹਿਤ ਨੂੰ ਪੰਜਾਬੀ ਦੇ ਪਾਠਕਾਂ ਤੱਕ ਪਹੁੰਚਾਉਣ ਦਾ ਭਰਪੂਰ ਯੋਗਦਾਨ ਪਾਇਆ ਹੈ । ਪਾਕਿਸਤਾਨੀ ਪੰਜਾਬ ਦੇ ਪੰਜਾਬੀ ਸਾਹਿਤ ਦਾ ਲਿਪੀਅੰਤਰ ਕਰਨ ਵਿਚ ਵੀ ਉਨ੍ਹਾਂ ਦਾ ਸ਼ਲਾਘਾਯੋਗ ਯੋਗਦਾਨ ਹੈ । ਫ਼ਖ਼ਰ ਜ਼ਮਾਨ ਦੇ ਨਾਵਲ ਤੂੰ ਕਿ ਮੈਂ, ਸ਼ੌਕਤ ਅਲੀ ਦੇ ਗੀਤ ਸੰਗ੍ਰਹਿ ਹੰਝੂਆਂ ਦੇ ਆਲਣੇ ਤੋਂ ਇਲਾਵਾ ਪ੍ਰਸਿੱਧ ਸ਼ਾਇਰ ਤੇ ਫਿ਼ਲਮਸਾਜ਼ ਗੁਲਜ਼ਾਰ ਦੀ ਉਰਦੂ ਸ਼ਾਇਰੀ ਰਾਤ ਪਸ਼ਮੀਨੇ ਕੀ ਦਾ ਸ਼ਾਹਮੁਖੀ ਤੋਂ ਗੁਰਮੁਖੀ ਲਿਪੀ ਵਿੱਚ ਲਿਪੀਅੰਤਰ ਕੀਤਾ ਹੈ । ਉਨ੍ਹਾਂ ਨੇ ਪੰਜਾਬ ਦੇ ਬੋਲ ਕਾਵਿ ਸੰਗ੍ਰਹਿ, ਕਲਾਮ ਬੁੱਲ੍ਹੇ ਸ਼ਾਹ ਜੀਵਨ ਤੇ ਰਚਨਾ, ਜੰਗਨਾਮਾ ਹਿੰਦ ਪੰਜਾਬ, ਕਲਾਮ ਸ਼ਾਹ ਹੁਸੈਨ, ਹੀਰ ਵਾਰਿਸ ਜੀਵਨ ਤੇ ਰਚਨਾ ਅਤੇ ਕਲਾਮ ਸੁਲਤਾਨ ਬਾਹੂ, ਪੁਸਤਕਾਂ ਦਾ ਸੰਪਾਦਨ ਕੀਤਾ ਹੈ । ਸ਼ਾਹ ਚਮਨ ਜੀ ਤ੍ਰਿਸ਼ੰਕੂ ਤ੍ਰੈ-ਮਾਸਿਕ ਦੇ ਸਰਪ੍ਰਸਤ ਹਨ ਅਤੇ ਅੱਜਕੱਲ ਕੋਟਕਪੂਰਾ ਵਿਖੇ ਚੇਤਨਾ ਪ੍ਰਕਾਸ਼ਨ ਦੇ ਖੇਤਰੀ ਦਫ਼ਤਰ ਦਾ ਸੰਚਾਲਨ ਬਾਖੂਬੀ ਕਰ ਰਹੇ ਹਨ । ਉਹ ਪਿਛਲੇ 45 ਸਾਲ ਤੋਂ ਪੰਜਾਬੀ ਸਾਹਿਤ ਨਾਲ਼ ਜੁੜੇ ਹੋਏ ਹਨ ਅਤੇ ਲਗਾਤਾਰ ਸੰਸਾਰ ਦੀਆਂ ਸਰਵਸ੍ਰੇਸ਼ਟ ਪੁਸਤਕਾਂ ਦਾ ਅਨੁਵਾਦ ਕਰਨ ਵਿਚ ਰੁਝੇ ਹੋਏ ਹਨ । ਉਨ੍ਹਾਂ ਨੂੰ ਇਹ ਪੁਰਸਕਾਰ ਮਿਲਣ ਤੇ ਬਹੁਤ ਸਾਰੇ ਅਦਾਰਿਆਂ ਤੇ ਸਾਹਿਤਕਾਰਾਂ ਵੱਲੋਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ । ਦੇਸ਼ ਵਿਦੇਸ਼ ਅਤੇ ਸਥਾਨਕ ਲੇਖਕਾਂ ਜਿਨ੍ਹਾਂ ਵਿਚ ਸਰਵ ਸ੍ਰੀ ਸੁਰਜੀਤ ਪਾਤਰ, ਅਮਰਜੀਤ ਗਰੇਵਾਲ, ਦੀਪਕ ਮਨਮੋਹਨ, ਡਾ. ਸੁਤਿੰਦਰ ਸਿੰਘ ਨੂਰ, ਸਵਰਨਜੀਤ ਸਵੀ, ਡਾ. ਗੁਰਇਕਬਾਲ ਸਿੰਘ, ਪ੍ਰੋ. ਗੁਰਭਜਨ ਗਿੱਲ, ਡਾ. ਰਵਿੰਦਰ ਭੱਠਲ, ਜਸਵੰਤ ਜ਼ਫ਼ਰ, ਡਾ. ਰਜਨੀਸ਼ ਬਹਾਦਰ ਸਿੰਘ, ਗੁਰਬਚਨ ਸਿੰਘ ਭੁੱਲਰ, ਅਮਰਦੀਪ ਗਿੱਲ, ਸ਼ਾਇਰ ਰਾਮ ਸਿੰਘ, ਮਨੋਜ ਸਿੰਘ, ਸਵਰਨ ਚੰਦਨ, ਹਰਬੰਸ ਮਾਛੀਵਾੜਾ, ਲੋਕ ਨਾਥ, ਡਾ. ਦਰਸ਼ਨ ਗਿੱਲ, ਜਰਨੈਲ ਸੇਖਾ, ਨਦੀਮ ਪਰਮਾਰ, ਡਾ. ਇੰਦਰਜੀਤ ਭਿੰਡਰ, ਬਲਬੀਰ ਪਰਵਾਨਾ ਆਦਿ ਨੇ ਉਨ੍ਹਾਂ ਨੂੰ ਹਾਰਦਿਕ ਮੁਬਾਰਕਬਾਦ ਦਿੱਤੀ ।

ਪੰਜਾਬੀ ਨਾਟਕ ‘ਵਾਪਸੀ‘ ਵਿਚ ਮਾਸਟਰ ਮੋਹਨ ਲਾਲ ਅਤੇ ਹਰੀਸ਼ ਰਾਏ ਢਾਂਡਾ ਨੇ ਕੀਤੀ ਦਮਦਾਰ ਅਦਾਕਾਰੀ ..........ਰੰਗਮੰਚ / ਅਜਾਇਬ ਔਜਲਾ

ਇੰਟਰਨੈਸ਼ਨਲ ਪੰਜਾਬੀ ਕਲਚਰਲ ਐਸੋਸੀਏਸ਼ਨ ਵਲਂੋ ਚੰਡੀਗੜ ਦੇ ਕਲਾ ਭਵਨ ਵਿਚ ਉ¤ਘੇ ਰੰਗ ਕਰਮੀ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਲੂਲੂਲੂਅਧਿਆਪਕ ਡਾ. ਨਿਰਮਲ ਜੌੜਾ ਰਚਿਤ ਪੰਜਾਬੀ ਨਾਟਕ ‘ਵਾਪਸੀ‘ ਦਾ ਸਫਲਤਾ ਨਾਲ ਮੰਚਨ ਕੀਤਾ ਗਿਆ ਜਿਸ ਵਿਚ ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਮਾਸਟਰ ਮੋਹਨ ਲਾਲ ਅਤੇ ਮੁਖ ਪਾਰਲੀਮਾਨੀ ਸਕ¤ਤਰ ਹਰੀਸ਼ ਰਾਏ ਢਾਂਡਾ ਵਲੋਂ ਆਪਣੀ ਦਮਦਾਰ ਅਦਾਕਾਰੀ ਨਾਲ ਦਰਸ਼ਕਾਂ ਦੇ ਮਨਾ ਤੇ ਡੂੰਘਾ ਪ੍ਰਭਾਵ ਪਾਇਆ। ਇਹ ਪਹਿਲੀ ਵਾਰੀ ਹੋਇਆ ਹੈ ਕਿ ਕਿਸੇ ਪੰਜਾਬੀ ਨਾਟਕ ਵਿਚ ਦੋ ਮੰਤਰੀਆਂ ਨੇ ਅਦਾਕਾਰੀ ਕੀਤੀ ਹੋਵੇ। ਜਰਨੈਲ ਹੁਸ਼ਿਆਰਪੁਰੀ ਦੀ ਨਿਰਦੇਸ਼ਨਾਂ ਹੇਠ ਪੇਸ਼ ਕੀਤੇ ਇਸ ਨਾਟਕ ਰਾਂਹੀ ਵਿਦੇਸ਼ਾਂ ਦੀ ਚਮਕ ਦਮਕ ਦੇ ਪ੍ਰਭਾਵ ਹੇਠ ਪੰਜਾਬ ਦੀ ਰੁਲ ਰਹੀ ਜਵਾਨੀ ਦਾ ਦ੍ਰਿਸ਼ ਪੇਸ਼ ਕੀਤਾ ਗਿਆ। ਭੋਲੇ-ਭਾਲੇ ਲੋਕਾਂ ਨੂੰ ਡਾਲਰਾਂ ਅਤੇ ਪੌਡਾਂ ਦੇ ਸੁਪਨੇ ਦਿਖਾਕੇ ਆਪਣੀਆਂ ਰੋਟੀਆਂ ਸੇਕਦੇ ਟਰੈਵਲ ਏਜੰਟਾਂ ਦਾ ਭਾਡਾਂ ਭੰਨਦਾ ਇਹ ਨਾਟਕ ਨੌਜਵਾਨ ਪੀੜੀ ਨੂੰ ਆਪਣੀ ਧਰਤੀ ਅਤੇ ਆਪਣੇ ਪੁਰਖਿਆਂ ਦੇ ਕਿ¤ਤੇ ਨਾਲ ਜੁੜਨ ਲਈ ਪ੍ਰੇਰਤ ਕਰਦਾ ਹੈ। ਨਾਟਕ ਵਿਚ ਮਾਸਟਰ ਮੋਹਨ ਲਾਲ ਨੇ ਪਿੰਡ ਦੇ ਸਰਪੰਚ ਦੀ ਭੂਮਿਕਾ ਨਿਭਾਈ ਜੋ ਲੋਕਾਂ ਨੂੰ ਆਪਣੀ ਚਾਦਰ ਵਿਚ ਪੈਰ ਪਸਾਰਨ ਲਈ ਪ੍ਰੇਰਦਾ ਹੈ ਜਦੋਂ ਕਿ ਹਰੀਸ਼ ਰਾਏ ਢਾਡਾਂ ਨੇ ਇਕ ਨੇਕ ਪੁਲਿਸ ਅਫਸਰ ਦਾ ਕਿਰਦਾਰ ਕੀਤਾ ਜੋ ਲੋਕਾਂ ਨੂੰ ਅਮਨ ਕਨੂੰਨ ਦੇ ਦਾਇਰੇ ਵਿਚ ਰਹਿ ਕੇ ਜਿੰਦਗੀ ਜਿਉਣ ਦਾ ਸੁਨੇਹਾ ਦਿੰਦਾ ਹੈ।ਲੋਕ ਗਾਇਕ ਮੁਖਤਿਆਰ ਦਿਲ ਵਲੋਂ ਗਾਏ ਪਿਠਵਰਤੀ ਗੀਤਾਂ ਨੇ ਨਾਟਕ ਪੇਸ਼ਕਾਰੀ ਨੂੰ ਚਾਰ ਚੰਨ ਲਾਏ।

ਇਸ ਮੌਕੇ ਮੁਖ ਮਹਿਮਾਨ ਵਜੋਂ ਸ਼ਾਮਲ ਪੰਜਾਬ ਦੇ ਸੈਰ ਸਪਾਟਾ ਅਤੇ ਸਭਿਆਚਾਰ ਬਾਰੇ ਮੰਤਰੀ ਸ. ਹੀਰਾ ਸਿੰਘ ਗਾਬੜੀਆ ਨੇ ਕਿਹਾ ਕਿ ਪੰਜਾਬੀ ਭਾਸ਼ਾ ਅਤੇ ਸਭਿਆਚਾਰ ਦੀ ਉਤਪਤੀ ਦੇ ਨਾਲ ਨਾਲ ਆਪਣੇ ਵਿਰਸੇ ਨਾਲ ਜੁੜਨ ਦਾ ਸੁਨੇਹਾ ਦਿੰਦੀਆਂ ਕਲਾ ਕ੍ਰਿਤਾਂ ਹਮੇਸ਼ਾ ਜਿਊਂਦੀਆਂ ਰਹਿਣੀਆਂ ਚਾਹੀਦੀਆਂ ਹਨ ਤਾਂ ਕਿ ਅਸੀਂ ਆਉਣ ਵਾਲੀ ਪੀੜੀ ਨੂੰ ਆਪਣੀ ਅਮੀਰ ਵਿਰਾਸਤ ਤੋਹਫੇ ਵਜੋਂ ਦੇ ਸਕੀਏ। ਉਹਨਾਂ ਕਿਹਾ ਕਿ ‘ਵਾਪਸੀ‘ ਵਰਗੇ ਲੋਕ ਚੇਤਨਾ ਪੈਦਾ ਕਰਦੇ ਨਾਟਕ ਸਕੂਲਾਂ, ਕਾਲਜਾਂ ਦੇ ਨਾਲ ਨਾਲ ਪਿੰਡਾ ਦੀਆਂ ਸ¤ਥਾਂ ਵਿਚ ਹੋਣੇ ਚਾਹੀਦੇ ਹਨ ਤਾਂ ਕਿ ਲੋਕਾਂ ਨੂੰ ਵਿਦੇਸ਼ੀ ਚਮਕ ਦਮਕ ਦੀ ਅਸਲੀਅਤ ਪਤਾ ਲ¤ਗੇ। ਨਾਟਕ ਵਿਚ ਮਨਦੀਪ, ਗੌਰਵ ਸ਼ਰਮਾ, ਆਸ਼ਾ ਸਕਲਾਨੀ, ਕੁਲਵਿੰਦਰ ਰਾਣੋ, ਹਰਭਜਨ ਸਿੰਘ ਅਤੇ ਸੁਰਿੰਦਰ ਕੋਹਲੀ ਨੇ ਵ¤ਖ-ਵ¤ਖ ਭੂਮਿਕਾਵਾਂ ਨਿਭਾਈਆਂ। ਨਾਟਕ ਦੇ ਲੇਖਕ ਨਿਰਮਲ ਜੌੜਾ ਅਤੇ ਫਿਲਮ ਕਲਾਕਾਰ ਬਾਲ ਮੁਕੰਦ ਸ਼ਰਮਾ ਨੂੰ ਰੰਗ ਮੰਚ ਪੁਰਸਕਾਰ ਦਿਤਾ ਗਿਆ। ਇਸ ਮੌਕੇ ਸ੍ਰੀ. ਐਨ. ਕੇ. ਸ਼ਰਮਾ, ਸ੍ਰੀ. ਐਨ. ਐਸ.ਰਤਨ, ਬੀਬੀ ਹਰਜਿੰਦਰ ਕੌਰ ਅਤੇ ਸ. ਨਿਰੰਜਨ ਸਿੰਘ ਨੇ ਨਾਟਕ ‘ਵਾਪਸੀ‘ ਪੇਸ਼ਕਾਰੀ ਦੀ ਸ਼ਲਾਘਾ ਕੀਤੀ।ਸਮਾਗਮ ਦੇ ਮੁ¤ਖ ਪ੍ਰਬੰਧਕ ਉ¤ਘੇ ਅਦਾਕਾਰ ਮੁਖਤਿਆਰ ਦਿਲ ਨੇ ਧੰਨਵਾਦੀ ਸ਼ਬਦਾਂ ਦੌਰਾਨ ਦ¤ਸਿਆ ਕਿ ਇਹ ਨਾਟਕ ਦਾ ਵਿਸ਼ਾ ਸਮੇੰ ਦੀ ਮੰਗ ਹੈ ਇਸ ਲਈ ਇਸ ਨਾਟਕ ਦੇ ਹੋਰ ਸ਼ੋਅ ਵੀ ਕੀਤੇ ਜਾਣਗੇ।

ਸੂਲ ਸੁਰਾਹੀ ਦਾ ਨਾਰੀ ਲੇਖਕ ਵਿਸ਼ੇਸ਼ ਅੰਕ ਰਿਲੀਜ਼.......... ਪੁਸਤਕ ਰਿਲੀਜ਼

ਨੰਗਲ ਵਿਖੇ ਸੋਮਵਾਰ ਸ਼ਾਮ ਨੂੰ ਪ੍ਰਵਾਸੀ ਪੰਜਾਬੀ ਫਰੈਂਡਜ਼ ਕਲੱਬ ਵਲੋਂ ਡਾ. ਸੰਜੀਵ ਗੌਤਮ ਦੇ ਨਿਵਾਸ ਸਥਾਨ ਤੇ ਇੱਕ ਸਾਹਿੱਤਕ ਇੱਕਤਰਤਾ ਕੀਤੀ ਗਈ ਇਸ ਸਮਾਰੋਹ ਦੇ ਮੁੱਖ ਆਕਰਸ਼ਣ ਪੰਜਾਬੀ ਤ੍ਰੈਮਾਸਕ ਸੂਲ-ਸੁਰਾਹੀ ਦੇ ਨਾਰੀ-ਲੇਖਕ ਵਿਸ਼ੇਸ਼ ਅੰਕ ਦੀ ਘੁੰਡ ਚੁਕਾਈ ਸੀ । ਸਮਾਗਮ ਦੇ ਮੁੱਖ ਮਹਿਮਾਨ ਲੰਦਨ ਤੋਂ ਛਪਣ ਵਾਲੇ ਪੰਜਾਬੀ ਮੈਗਜੀਨ ਪੰਜਾਬ ਮੇਲ ਇੰਟਰਨੈਸ਼ਨਲ ਦੇ ਸੰਪਾਦਕ ਤੇ ਸੰਚਾਲਕ ਸ੍ਰ. ਗੁਰਦੀਪ ਸਿੰਘ ਸੰਧੂ ਸਨ । ਇਲਾਕੇ ਦੇ ਬੁੱਧੀਜੀਵੀਆਂ ਤੇ ਸਾਹਿਤ ਪ੍ਰੇਮੀ ਸੱਜਣਾਂ ਦੀ ਭਰਵੀਂ ਹਾਜਰੀ ਵਿੱਚ ਡਾਕਟਰ ਗੁਲਜਾਰ ਸਿੰਘ ਕੰਗ ਨੇ ਸੂਲ-ਸੁਰਾਹੀ ਵਿੱਚ ਛਪੀਆਂ ਰਚਨਾਵਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਵਿੱਚ ਲਗਭਗ 36 ਨਾਰੀ ਲੇਖਕਾਵਾਂ ਦੀਆਂ 64 ਰਚਨਾਵਾਂ ਛਾਪੀਆਂ ਗਈਆਂ ਹਨ । ਕੁੱਲ 56 ਸਫਿਆਂ ਦੇ ਇਸ ਪਰਚੇ ਵਿੱਚ ਪੰਜਾਬ ਤੋਂ ਇਲਾਵਾ ਹਿਮਾਚਲ, ਹਰਿਆਣਾ ਤੇ ਦਿੱਲੀ ਆਦਿ ਤੋਂ ਵੀ ਪੰਜਾਬੀ ਲਿਖਾਰਨਾ ਦੀਆਂ ਮਿਆਰੀ ਰਚਨਾਵਾਂ ਨੂੰ ਸ੍ਰ. ਬਲਬੀਰ ਸਿੰਘ ਸੈਣੀ ਤੇ ਬੀਬੀ ਗੁਰਚਰਨ ਕੌਰ ਕੋਚਰ ਨੇ ਸਾਂਝੇ ਤੌਰ ਤੇ ਸੰਪਾਦਿਤ ਕੀਤਾ ਹੈ । ਇਸ ਤੋਂ ਇਲਾਵਾ ਸਾਹਿਤਕ ਸਰਗਰਮੀਆਂ ਤੇ ਨਵੀਆਂ ਪੁਸਤਕਾਂ ਬਾਰੇ ਵੀ ਜਾਣਕਾਰੀ ਮੁਹਈਆ ਕਰਵਾਈ ਗਈ ਹੈ । ਪਰਚੇ ਦੇ ਸੰਪਾਦਕ ਬਲਬੀਰ ਸੈਣੀ, ਅੱਖਰ ਚੇਤਨਾ ਮੰਚ ਦੇ ਸਰਪਰਸਤ ਸ੍ਰੀ ਰਾਕੇਸ਼ ਨਈਅਰ ਤੇ ਡਾ. ਸੰਜੀਵ ਗੌਤਮ ਨੇ ਸ. ਗੁਰਦੀਪ ਸਿੰਘ ਸੰਧੂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤਾ । ਇਸ ਤੋਂ ਇਲਾਵਾ ਪ੍ਰਵਾਸੀ ਪੰਜਾਬੀ ਫਰੈਂਡਜ਼ ਕਲੱਬ ਵੱਲੋਂ ਉੱਘੀ ਲੇਖਕਾ ਸ੍ਰੀਮਤੀ ਨਿਰਮਲਾ ਕਪਿਲਾ ਤੇ ਵਾਤਾਵਰਣ ਪ੍ਰੇਮੀ ਸੰਸਥਾ ਜਾਗਰਿਤੀ ਕਲੱਬ ਦੇ ਨਿਰਦੇਸ਼ਕ ਪ੍ਰਭਾਤ ਭੱਟੀ ਨੂੰ ਵੀ ਸਨਮਾਨਤ ਕੀਤਾ ਗਿਆ ।

ਇਸ ਦੌਰਾਨ ਇੱਕ ਕਵੀ ਦਰਬਾਰ ਦਾ ਆਯੋਜਨ ਵੀ ਕੀਤਾ ਗਿਆ ਜਿਸ ਵਿੱਚ ਅੱਖਰ ਚੇਤਨਾ ਮੰਚ ਦੇ ਪ੍ਰਧਾਨ ਦਵਿੰਦਰ ਸ਼ਰਮਾ, ਸਕੱਤਰ ਰਾਕੇਸ਼ ਵਰਮਾ, ਹਰੀ ਚੰਦ ਸ਼ਰਮਾ, ਨਿਰਮਲਾ ਕਪਿਲਾ, ਡਾ. ਸੰਜੀਵ ਗੌਤਮ, ਅਮਰਜੀਤ ਬੇਦਾਗ ਤੇ ਅਸ਼ੋਕ ਰਾਹੀ ਨੇ ਆਪਣੀਆਂ ਕਵਿਤਾਵਾਂ ਸੁਣਾਈਆਂ ਤੇ ਸੁਨੀਲ ਡੋਗਰਾ ਨੇ ਸ਼ਿਵ ਬਟਾਲਵੀ ਦੀ ਗਜ਼ਲ ਗਾਈ । ਸ੍ਰ. ਗੁਰਦੀਪ ਸਿੰਘ ਸੰਧੂ ਨੇ ਲੰਡਨ ਵੱਸਦੇ ਪੰਜਾਬੀਆਂ ਤੇ ਜਾਣ ਦੇ ਇੱਛੁਕ ਲੋਕਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ੳੱਥੇ ਮੰਦੀ ਦਾ ਦੌਰ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋਇਆ ਪਰ ਪੰਜਾਬੀ ਲੋਕ ਆਪਣੀ ਮਿਹਨਤ ਸਦਕਾ ਉੱਥੇ ਕਈ ਉੱਚ ਮੁਕਾਮ ਹਾਸਲ ਕਰਨ ਵਿੱਚ ਕਾਮਯਾਬ ਰਹੇ ਹਨ ।

ਇਸ ਸਮਾਗਮ ਵਿੱਚ ਹੋਰਨਾਂ ਤੋਂ ਇਲਾਵਾ ਪੱਤਰਕਾਰ ਗੁਰਪ੍ਰੀਤ ਗਰੇਵਾਲ, ਰਾਕੇਸ਼ ਸੈਣੀ, ਪ੍ਰੀਤਮ ਬਰਾਰੀ, ਸੁਰਜੀਤ ਢੇਰ, ਇੰਜੀ. ਕੇ.ਕੇ. ਸੂਦ, ਰੰਗਕਰਮੀ ਫੁਲਵੰਤ ਮਨੋਚਾ, ਟੋਨੀ ਸਹਿਗਲ, ਅਨੁਜ ਠਾਕੁਰ, ਪ੍ਰੋ. ਜੀ.ਐਸ. ਚੱਠਾ, ਚਿੱਤਰਕਾਰ ਦੇਸ਼ ਰੰਜਨ ਸ਼ਰਮਾਂ, ਰਘੁਵੰਸ਼ ਮਲਹੋਤਰਾ, ਕੇ.ਕੇ.ਖੋਸਲਾ ਆਦਿ ਹਾਜ਼ਰ ਸਨ । ਮੰਚ ਸੰਚਾਲਕ ਗੁਰਪ੍ਰੀਤ ਗਰੇਵਾਲ ਸਨ । ਸ੍ਰ. ਬਲਬੀਰ ਸੈਣੀ ਨੇ ਧੰਨਵਾਦ ਪ੍ਰਸਤਾਵ ਪੇਸ਼ ਕੀਤਾ ।

ਨਿਰਮਲਾ ਕਪਿਲਾ ਨਾਲ ਰੂ-ਬ-ਰੂ........... ਰੂਬਰੂ / ਰਾਕੇਸ਼ ਵਰਮਾ

ਨੰਗਲ ਦੀ ਸਿਰਮੌਰ ਸਾਹਿਤਕ ਸੰਸਥਾ ਅੱਖਰ ਚੇਤਨਾ ਮੰਚ ਨੰਗਲ ਵੱਲੋਂ ਇੱਕ ਸਾਹਿਤਕ ਸਮਾਗਮ 20 ਫਰਵਰੀ ਸ਼ਾਮ ਨੂੰ ਨਯਾ ਨੰਗਲ ਦੇ ਅਨੰਦ ਭਵਨ ਕਲੱਬ ਆਡੀਟੋਰੀਅਮ ਵਿੱਚ ਕਰਵਾਇਆ ਗਿਆ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਪਰਚਾ ਪ੍ਰੀਤ ਲੜੀ ਦੀ ਸੰਪਾਦਕਾ ਪੂਨਮ ਸਿੰਘ ਤੇ ਸੰਚਾਲਕ ਰੱਤੀਕੰਤ ਸਿੰਘ ਸਨ. ਸ਼੍ਰੀ ਰਾਕੇਸ਼ ਨਈਅਰ ਜੀ ਦੀ ਸਰਪਰਸਤੀ ਹੇਠ ਹੋਏ ਇਸ ਸਮਾਗਮ ਦਾ ਮੁੱਖ ਮੰਤਵ ਇਲਾਕੇ ਦੀ ਨਾਮਵਰ ਲੇਖਿਕਾ ਸ਼੍ਰੀਮਤੀ ਨਿਰਮਲਾ ਕਪਿਲਾ ਨੂੰ ਸਾਹਿਤ ਪ੍ਰੇਮੀਆਂ ਤੇ ਬੁੱਧੀਜੀਵੀਆਂ ਦੇ ਰੂ-ਬ-ਰੂ ਕਰਵਾਉਣਾ ਸੀ। ਸ਼੍ਰੀਮਤੀ ਨਿਰਮਲਾ ਕਪਿਲਾ ਨੇ ਆਪਣੇ ਸਾਹਿਤਕ ਜੀਵਨ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਦੇ ਸਫਰ ਬਾਰੇ ਸਰੋਤਿਆਂ ਨੂੰ ਜਾਣਕਾਰੀ ਦਿੱਤੀ। ਵਰਨਣਯੋਗ ਹੈ ਕਿ ਨਿਰਮਲਾ ਕਪਿਲਾ ਜਿਲ੍ਹੇ ਦੀ ਪਹਿਲੀ ਅਜਿਹੀ ਲੇਖਿਕਾ ਹੈ ਜੋ ਆਪਣਾ ਬਲੌਗ ਵੀ ਇੰਟਰਨੈਟ ਤੇ ਲਿਖਦੀ ਹੈ ਤੇ ਇਸਤਰੀ ਬਲੌਗ ਲੇਖਕਾਵਾਂ ਦੀਆਂ ਕਈ ਸੰਸਥਾਵਾਂ ਦੇ ਸਰਵੇਖਣ ਵਿੱਚ ਪਹਿਲੇ ਸਥਾਨ ਤੇ ਰਹੀ ਹੈ। ਉਹਨਾਂ ਦੀਆਂ ਰਚਨਾਵਾਂ ਵੀਰ ਬਹੁਟੀ ਡਾਟ ਬਲੌਗਸਪੋਟ ਡਾਟ ਕਾਮ ਤੇ ਪੜ੍ਹੀਆਂ ਜਾ ਸਕਦੀਆਂ ਨੇ। ਅੱਖਰ ਚੇਤਨਾ ਮੰਚ ਦੇ ਪ੍ਰਧਾਨ ਦਵਿੰਦਰ ਸ਼ਰਮਾ, ਉਪ ਪ੍ਰਧਾਨ ਸੰਜੀਵ ਕੁਰਾਲੀਆ ਤੇ ਸਕੱਤਰ ਰਾਕੇਸ਼ ਵਰਮਾ ਨੇ ਨਿਰਮਲਾ ਕਪਿਲਾ ਨੂੰ ਅੱਖਰ ਚੇਤਨਾ ਮੰਚ ਵਲੋਂ ਸਨਮਾਨ ਚਿੰਨ੍ਹ ਤੇ ਦੋਸ਼ਾਲਾ ਭੇਂਟ ਕੀਤਾ। ਮੁੱਖ ਮਹਿਮਾਨ ਪੂਨਮ ਸਿੰਘ ਨੇ ਸਰੋਤਿਆਂ ਨਾਲ ਵਿਚਾਰ ਸਾਂਝੇ ਕਰਦਿਆਂ ਪ੍ਰਤੀਲੜੀ ਦੇ ਸਫਰ ਤੇ ਤਹਿ ਕੀਤੇ ਦਿਸਹੱਦਿਆਂ ਦੀ ਜਾਣਕਾਰੀ ਦਿੱਤੀ। ਸਮਾਗਮ ਦੌਰਾਨ ਜਿੱਥੇ ਇਲਾਕੇ ਦੇ ਨਾਮਵਰ ਗਾਇਕ ਸੁਨੀਲ ਡੈਗਰਾ ਨੇ ਨਿਰਮਲਾ ਕਪਿਲਾ ਦੀਆਂ ਲਿਖੀਆਂ ਗਜ਼ਲਾ ਗਾ ਕੇ ਸਰੋਤੇ ਕੀਲੇ ਉਥੇ ਇੱਕ ਕਵੀ ਦਰਬਾਰ ਵੀ ਆਯੋਜਿਤ ਕੀਤਾ ਗਿਆ ਜਿਸ ਵਿੱਚ ਨਾਮਵਰ ਗਜ਼ਲਗੋ ਅਨੂਬਾਲਾ (ਕਿਰਨਾ ਦਾ ਝੁਰਮੁਟ), ਅਮਰਜੀਤ ਬੇਦਾਗ, ਅਸ਼ੋਕ ਰਾਹੀਂ, ਸੰਜੀਵ ਕੁਰਾਲੀਆ, ਅੰਬਿਕਾ ਦੱਤ, ਪ੍ਰੋ. ਸੂਦ, ਬਲਬੀਰ ਸੈਣੀ (ਸੰਪਾਦਕ ਸੂਲ ਸੁਰਾਹੀ) ਨੇ ਆਪਣੀ ਨਜ਼ਮਾਂ/ਕਵਿਤਾਵਾਂ ਸਰੋਤਿਆਂ ਨੂੰ ਸੁਣਾਈਆਂ। ਮੰਚ ਸੰਚਾਲਨ ਰਾਕੇਸ਼ ਵਰਮਾਂ ਦੁਆਰਾ ਬਾਖੂਬੀ ਕੀਤਾ ਗਿਆ। 150 ਬੁੱਧੀ ਜੀਵੀਆਂ ਵਿੱਚ ਹੋਰਨਾਂ ਤੋਂ ਇਲਾਵਾ, ਫੁਲਵੰਤ ਮਨੋਚਾ, ਸੰਜੇ ਸੰਨਨ, ਗੁਲਜ਼ਾਰ ਸਿੰਘ ਕੰਗ, ਡਾਕ. ਸੰਜੀਵ ਗੌਤਮ, ਗੁਰਪ੍ਰੀਤ ਗਰੇਵਾਲ, ਦੇਵਰਾਮ ਧਾਮੀ, ਬ੍ਰਿਜ ਮੋਹਨ, ਆਰ। ਕੇ। ਕਸ਼ਯਪ, ਭੋਲਾ ਨਾਥ ਆਦਿ ਹਾਜਿ਼ਰ ਸਨ। ਪ੍ਰਧਾਨ ਦਵਿੰਦਰ ਸ਼ਰਮਾ ਨੇ ਆਏ ਹੋਏ ਮਹਿਮਾਨਾ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਅੱਖਰ ਚੇਤਨਾ ਮੰਚ ਇਸ ਤਰ੍ਹਾਂ ਦੇ ਸਮਾਗਮ ਭਵਿੱਖ ਵਿੱਚ ਵੀ ਕਰਦਾ ਰਹੇਗਾ।

ਜ਼ਿਲ੍ਹਾ ਲਿਖਾਰੀ ਸਭਾ ਰੂਪਨਗਰ ਵਲੋਂ ਸ਼ਾਇਰ ਹਰਮੀਤ ਵਿਦਿਆਰਥੀ ਨਾਲ਼ ਰੂਬਰੂ

ਸਾਹਿਤਕ ਸਰਗਰਮੀਆਂ ਨਾਲ਼ ਸ਼ਿੱਦਤ ਨਾਲ਼ ਜੁੜੀ ਸੰਸਥਾ ਜ਼ਿਲ੍ਹਾ ਲਿਖਾਰੀ ਸਭਾ ਰੂਪਨਗਰ ਵਲੋਂ ਇਸ ਵਾਰ ਪ੍ਰਸਿੱਧ ਸ਼ਾਇਰ ਹਰਮੀਤ ਵਿਦਿਆਰਥੀ ਨਾਲ਼ ਰੂਬਰੂ ਕਰਵਾਇਆ ਗਿਆ, ਜਿਸ ਵਿਚ ਐਡਵੋਕੇਟ ਸੋਹਨ ਸਿੰਘ ਜੌਹਲ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ। ਉਹਨਾਂ ਤੋਂ ਇਲਾਵਾ ਜ਼ਿਲ੍ਹਾ ਲਿਖਾਰੀ ਸਭਾ ਦੇ ਪ੍ਰਧਾਨ ਸ. ਬਲਦੇਵ ਸਿੰਘ ਕੋਰੇ, ਆਲ ਇੰਡੀਆ ਯੂਥ ਅਕਾਲੀ ਦਲ ਬਾਦਲ ਦੇ ਕੌਮੀ ਜੁਆੰਿੲੰਟ ਸਕੱਤਰ ਸੁਖਿੰਦਰ ਸਿੰਘ ਬੌਬੀ ਬੋਲ਼ਾ, ਜ਼ਿਲ੍ਹਾ ਬਾਰ ਐਸ਼ੋਸ਼ੀਏਸ਼ਨ ਰੂਪਨਗਰ ਦੇ ਜਨਰਲ ਸਕੱਤਰ ਐਡਵੋਕੇਟ ਵਰਿੰਦਰ ਸਿੰਘ ਅਤੇ ਮੈਂਬਰ ਪੰਚਾਇਤ ਸੰਮਤੀ ਕੁਲਵੰਤ ਸਿੰਘ ਵੀ ਪ੍ਰਧਾਨਗੀ ਮੰਡਲ ਵਿਚ ਸੁਸ਼ੋਭਿਤ ਹੋਏ।

ਸਭ ਤੋਂ ਪਹਿਲਾਂ ਸਿਰਮੌਰ ਪੰਜਾਬੀ ਲੇਖਕਾਂ ਡਾ. ਜੋਗਿੰਦਰ ਸਿੰਘ ਰਾਹੀ ਅਤੇ ਡਾ. ਟੀ ਆਰ. ਵਿਨੋਦ ਦੇ ਅਕਾਲ ਚਲਾਣੇ ’ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ।ੳਪਰੰਤ ਸਭਾ ਦੇ ਸੀਨੀਅਰ ਮੀਤ ਪ੍ਰਧਾਨ ਡਾ. ਸ਼ਮਸ਼ੇਰ ਮੋਹੀ ਨੇ ਫ਼ਿਰੋਜ਼ਪੁਰ ਤੋਂ ਆਏ ਚਰਚਿਤ ਪੰਜਾਬੀ ਸ਼ਾਇਰ ਤੇ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਸਾਬਕਾ ਜਨਰਲ ਸਕੱਤਰ ਹਰਮੀਤ ਵਿਦਆਰਥੀ ਦਾ ਸੰਖੇਪ ਪਰ ਭਾਵਪੂਰਤ ਲਫ਼ਜ਼ਾਂ ਨਾਲ਼ ਤੁਆਰਫ਼ ਕਰਵਾਇਆ।ਸ਼ਾਇਰ ਹਰਮੀਤ ਵਿਦਿਆਰਥੀ ਨੇ ਲਿਖਾਰੀ ਸਭਾ ਦੇ ਰੋਪੜ ਸਥਿਤ ਦਫ਼ਤਰ ਵਿਚਲੇ ਖਚਾਖਚ ਭਰੇ ਹਾਲ ਵਿਚ ਹਾਜ਼ਰ ਲੇਖਕਾਂ ਤੇ ਪੰਜਾਬੀ ਪ੍ਰੇਮੀਆਂ ਦੇ ਰੂਬਰੂ ਹੁੰਦਿਆਂ ਆਪਣੀਆਂ ਕੁਝ ਚੋਣਵੀਆਂ ਕਵਿਤਾਵਾਂ ਪੇਸ਼ ਕਰਨ ਤੋਂ ਬਾਦ ਕਿਹਾ ਕਿ ਅੱਜ ਕਵਿਤਾ ਮਨੋਰੰਜਨ ਦਾ ਸਾਧਨ ਨਾ ਹੋ ਕੇ ਇਕ ਜ਼ਿੰਮੇਵਾਰੀ ਵਾਲ਼ਾ ਕਾਰਜ ਬਣ ਗਿਆ ਹੈ।ਵਿਦਿਆਰਥੀ ਨੇ ਸਮਕਾਲੀ ਕਵਿਤਾ ਦੀ ਦਿਸ਼ਾ ਤੇ ਦਸ਼ਾ ’ਤੇ ਤਸੱਲੀ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਪੰਜਾਬੀ ਕਵਿਤਾ ਪੰਜਾਬੀਆਂ ਦੇ ਸੁਭਾਅ ਵਾਗ ਅਮਾਨਵੀ ਸੱਤਾ ਨਾਲ਼ ਦਸਤਪੰਜਾ ਲੈਂਦੀ ਹੋਈ ਸਮਕਾਲੀ ਸਮੱਸਿਆਵਾਂ ਨੂੰ ਆਪਣੀ ਚਿੰਤਾ ਤੇ ਚਿੰਤਨ ਬਣਾਉਂਦਿਆ ਆਪਣੀ ਹੋਂਦ ਗ੍ਰਹਿਣ ਕਰਦੀ ਹੈ।

ਸ਼ਾਇਰ ਹਰਮੀਤ ਵਿਦਿਆਰਥੀ ਨੇ ਪੰਜਾਬੀ ਮਨੁੱਖ ਦੇ ਹੋਂਦ ਦੇ ਮਸਲਿਆਂ ਨੂੰ ਸਾਹਿਤ ਦਾ ਅੰਗ ਬਣਾਉਣ ਦੇ ਨਾਲ਼ ਨਾਲ਼ ਜਨ-ਮਾਨਸ ਦੀ ਸੋਚ ਦਾ ਅੰਗ ਬਣਾਉਣ ਦੀ ਲੋੜ ’ਤੇ ਵੀ ਜ਼ੋਰ ਦਿੰਦਿਆਂ ਕਿਹਾ ਕਿ ਲੇਖਕਾਂ-ਬੁੱਧੀਜੀਵੀਆਂ ਨੂੰ ਸਮਾਜਕ ਚੇਤਨਾ ਫੈਲਾਉਣ ਲਈ ਆਪਣੀਆਂ ‘ਰਿਆਸਤਾਂ ਦੀ ਮਲਕੀਅਤ’ ਛੱਡ ਕੇ ਆਮ ਲੋਕਾਂ ਨਾਲ਼ ਜੁੜਨਾ ਚਾਹੀਦਾ ਹੈ।ਇਸ ਮੌਕੇ ਪ੍ਰੋ. ਨਿਰਮਲ ਸਿੰਘ, ਪ੍ਰੇਮ ਪ੍ਰਕਾਸ਼ ਨਾਜ਼, ਡਾ. ਗੁਰਚਰਨ ਕੌਰ ਗੰਭੀਰ, ਗੁਰਨਾਮ ਸਿੰਘ ਬਿਜਲੀ, ਗੁਗਇੰਦਰ ਸਿੰਘ ਪ੍ਰੀਤ, ਡਾ. ਅਜਮੇਰ ਸਿੰਘ, ਪਿੰ. ਯਤਿੰਦਰ ਕੌਰ ਮਾਹਲ. ਤਜਿੰਦਰ ਸਿੰਘ ਖਿਜ਼ਰਾਬਾਦੀ, ਕੇਸਰ ਸਿੰਘ ਕੰਗ ਅਤੇ ਸੁਰਜੀਤ ਮੰਡ ਆਦਿ ਲੇਖਕਾਂ ਨੇ ਹਰਮੀਤ ਵਿਦਿਆਰਥੀ ਨੂੰ ਕੀਤੇ ਸੁਆਲਾਂ ਨਾਲ਼ ਰੂਬਰੂ ਸਮਾਗਮ ਨੂੰ ਹੋਰ ਵੀ ਗਹਿਰ-ਗੰਭੀਰ ਬਣਾਇਆ।

ਇਸ ਮੌਕੇ ’ਤੇ ਇਕ ਸੰਖੇਪ ਜਿਹਾ ਕਵੀ ਦਰਬਾਰ ਵੀ ਕਰਵਾਇਆ ਗਿਆ, ਜਿਸ ਵਿਚ ਗੁਰਚਰਨ ਕੌਰ ਗੰਭੀਰ, ਇੰਦਰਜੀਤ ਸਿੰਘ ਬਾਲਾ, ਨਿਰਮਲ ਪ੍ਰਸੰਨ, ਦੀਦਾਰ ਸਿੰਘ ਬਾਗ਼ੀ, ਪ੍ਰੇਮ ਪ੍ਰਕਾਸ਼ ਨਾਜ਼, ਮਹਿੰਦਰ ਸਿੰਘ ਭਲਿਆਣ, ਬਲਜਿੰਦਰ ਕੌਰ, ਅਮਨ ਇਸ਼ਾਕ, ਸੁਰੇਸ਼ ਕੁਮਾਰ ਐਡਵੋਕੇਟ ਅਤੇ ਸੋਹਨ ਸਿੰਘ ਜੌਹਲ ਆਦਿ ਨੇ ਚੰਗਾ ਰੰਗ ਬੰਨ੍ਹਿਆ।

ਸਮਾਗਮ ਵਿਚ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ ਐਡਵੋਕੇਟ ਸੋਹਨ ਸਿੰਘ ਜੌਹਲ ਨੇ ਸਭਾ ਦੀਆਂ ਸਰਗਰਮੀਆਂ ਦੀ ਤਾਰੀਫ਼ ਕਰਦਿਆਂ ਸਭਾ ਨੂੰ 2100 ਰੁਪਏ ਦੀ ਮਾਇਕ ਸਹਾਇਤਾ ਵੀ ਕੀਤੀ। ਸਮੁੱਚੇ ਸਮਾਗਮ ਦਾ ਮੰਚ ਸੰਚਾਲਨ ਸਭਾ ਦੀ ਜਨਰਲ ਸਕੱਤਰ ਪਿੰ੍ਰ. ਯਤਿੰਦਰ ਕੌਰ ਮਾਹਲ ਨੇ ਬਾਖ਼ੂਬੀ ਕੀਤਾ।

ਜ਼ੋਰਾ ਸਿੰਘ ਸੰਧੂ ਦੇ ਕਹਾਣੀ ਸੰਗ੍ਰਿਹ ‘ਪਾਟਦੀ ਧੁੰਦ’ ਉਤੇ ਭਰਵੀਂ ਗੋਸ਼ਟੀ ਹੋਈ .......... ਵਿਚਾਰ ਗੋਸ਼ਟੀ / ਡਾ. ਪਰਮਿੰਦਰ ਸਿੰਘ ਤੱਗੜ

ਸਾਹਿਤ ਸਭਾ ਕੋਟਕਪੂਰਾ ਵੱਲੋਂ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਸਹਿਯੋਗ ਨਾਲ ਬੀਤੇ ਦਿਨ ਸਥਾਨਕ ਸਰਕਾਰੀ ਸੈਕੰਡਰੀ ਸਕੂਲ (ਲੜਕੇ) ਵਿਖੇ ਸਭਾ ਦੇ ਪ੍ਰਧਾਨ ਜ਼ੋਰਾ ਸਿੰਘ ਸੰਧੂ ਦੇ ਨਵ-ਪ੍ਰਕਾਸ਼ਤ ਕਹਾਣੀ ਸੰਗ੍ਰਹਿ ‘ਪਾਟਦੀ ਧੁੰਦ’ ’ਤੇ ਵਿਚਾਰ ਗੋਸ਼ਟੀ ਕਰਵਾਈ ਗਈ। ਸਮਾਗਮ ਦੀ ਪ੍ਰਧਾਨਗੀ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਜਨਰਲ ਸਕੱਤਰ ਡਾ: ਸਰਬਜੀਤ ਸਿੰਘ ਨੇ ਕੀਤੀ। ਉਨ੍ਹਾਂ ਦੇ ਨਾਲ ਡਾ: ਗੁਰਇਕਬਾਲ ਸਿੰਘ, ਡਾ: ਰਜਨੀਸ਼ ਬਹਾਦਰ ਸਿੰਘ, ਡਾ: ਗੁਰਮੇਲ ਸਿੰਘ ਤੇ ਪ੍ਰੋ: ਬ੍ਰਹਮ ਜਗਦੀਸ਼ ਸਿੰਘ ਵੀ ਪ੍ਰਧਾਨਗੀ ਮੰਡਲ ਵਿਚ ਸੁਸ਼ੋਭਿਤ ਹੋਏ। ਪੁਸਤਕ ’ਤੇ ਡਾ: ਗੁਰਇਕਬਾਲ ਸਿੰਘ ਅਤੇ ਡਾ: ਗੁਰਮੇਲ ਸਿੰਘ ਨੇ ਸਮੀਖਿਆਤਮਕ ਪਰਚੇ ਪੜ੍ਹੇ । ਉਨ੍ਹਾਂ ਆਪਣੇ ਪਰਚਿਆਂ ਵਿਚ ਪੁਸਤਕ ਵਿਚ ਛਪੀਆਂ ਕਹਾਣੀਆਂ ਨੂੰ ਉੱਤਮ ਦਰਜੇ ਦੀਆਂ ਕਹਾਣੀਆਂ ਦਸਦਿਆਂ ਪ੍ਰਗਤੀਵਾਦੀ ਦੌਰ ਦੇ ਉੱਚ ਦਰਜੇ ਦੇ ਲੇਖਕਾਂ ਦੇ ਬਰਾਬਰ ਤੁਲਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਲੇਖਕ ਕਿਰਤੀ ਅਤੇ ਨਿਮਨ ਕਿਸਾਨੀ ਦੀਆਂ ਸਮੱਸਿਆਵਾਂ ਅਤੇ ਮਾਨਸਿਕ ਉਲਝਣਾਂ ਨੂੰ ਉਭਾਰਣ ਵਿਚ ਸਫ਼ਲ ਰਿਹਾ ਹੈ। ਪਰਚਿਆਂ ’ਤੇ ਹੋਈ ਬਹਿਸ ਵਿਚ ਪ੍ਰਸਿੱਧ ਮਾਰਕਸਵਾਦੀ ਆਲੋਚਕ ਕਾਮਰੇਡ ਸੁਰਜੀਤ ਗਿੱਲ, ਡਾ: ਰਜਨੀਸ਼ ਬਹਾਦਰ ਸਿੰਘ, ਡਾ: ਗੁਰਚਰਨ ਸਿੰਘ ਔਲਖ, ਪ੍ਰੋ: ਬ੍ਰਹਮ ਜਗਦੀਸ਼ ਸਿੰਘ, ਨਾਵਲਕਾਰ ਜਰਨੈਲ ਸਿੰਘ ਸੇਖਾ, ਡਾ: ਸਰਬਜੀਤ ਸਿੰਘ, ਡਾ: ਸੁਰਜੀਤ ਬਰਾੜ, ਕਾਮਰੇਡ ਚਰਨ ਗਿੱਲ, ਡਾ: ਹਰਜਿੰਦਰ ਸਿੰਘ ਸੂਰੇਵਾਲੀਆ ਅਤੇ ਪ੍ਰੋ: ਨੱਛਤਰ ਸਿੰਘ ਖੀਵਾ ਨੇ ਹਿੱਸਾ ਲੈਂਦਿਆਂ ਕਹਾਣੀਆਂ ਦੀ ਪਰਖ-ਪੜਚੋਲ ਕੀਤੀ। ਸਮੂਹ ਬੁਲਾਰਿਆਂ ਨੇ ਪੁਸਤਕ ’ਚ ਸ਼ਾਮਲ ਕਹਾਣੀਆਂ ਵਿਚੋਂ ‘ਕਣਕ ਦੇ ਦਾਣੇ, ਖੂਨ ਦੇ ਟੇਪੇ, ਅੰਮਾਂ, ਆਲਣ ਤੇ ਪਾਟਦੀ ਧੁੰਦ ਨੂੰ ਉਚਤਮ ਦਰਜੇ ਦੀਆਂ ਕਹਾਣੀਆਂ ਗਰਦਾਨਿਆਂ ਤੇ ਸੰਧੂ ਨੂੰ ਪਹਿਲੀ ਕਤਾਰ ਦੇ ਕਹਾਣੀਕਾਰਾਂ ਵਿਚ ਸ਼ਾਮਲ ਕੀਤਾ। ਸਮਾਗਮ ਦੇ ਆਰੰਭ ਵਿਚ ਸਭਾ ਦੇ ਸਰਪ੍ਰਸਤ ਹਰਮਿੰਦਰ ਸਿੰਘ ਕੋਹਾਰਵਾਲਾ ਨੇ ਸਭ ਨੂੰ ਜੀ ਆਇਆਂ ਨੂੰ ਕਿਹਾ। ਸਤੀਸ਼ ਗੁਲਾਟੀ ਨੇ ਗਜ਼ਲਾਂ ਅਤੇ ਜਸਕਰਨ ਮੱਤ ਨੇ ਗੀਤ ਸੁਣਾ ਕੇ ਮਹੌਲ ਨੂੰ ਖੁਸ਼ਗਵਾਰ ਕੀਤਾ। ਸਭਾ ਦੇ ਜਨਰਲ ਸਕੱਤਰ ਰਾਜਪਾਲ ਸਿੰਘ ਨੇ ਮੰਚ ਸੰਚਾਲਣ ਕੀਤਾ। ਜ਼ੋਰਾ ਸਿੰਘ ਸੰਧੂ ਨੇ ਅੰਤ ਵਿਚ ਸਭਾ ਵੱਲੋਂ ਸਭ ਦਾ ਧੰਨਵਾਦ ਕੀਤਾ। ਇਸ ਸੰਜੀਦਾ ਸਮਾਗਮ ਵਿਚ ਫ਼ਰੀਦਕੋਟ, ਮੁਕਤਸਰ, ਜੈਤੋ, ਬਾਘਾ ਪੁਰਾਣਾ, ਬਠਿੰਡਾ, ਸਾਦਿਕ, ਭਲੂਰ, ਪੰਜਗਰਾਈਂ ਕਲਾਂ ਦੀਆਂ ਸਾਹਿਤ ਸਭਾਵਾਂ ਤੋਂ ਇਲਾਵਾ ਕਈ ਪ੍ਰਵਾਸੀ ਪੰਜਾਬੀ ਲੇਖਕ ਵੀ ਸ਼ਾਮਲ ਹੋਏ। ਸਮਾਗਮ ਵਿਚ ਪੱਤਰਕਾਰ ਗੁਰਮੀਤ ਸਿੰਘ, ਨਵਰਾਹੀ ਘੁਗਿਆਣਵੀ, ਮੇਘ ਰਾਜ, ਪ੍ਰਿੰਸ ਕੰਵਲਜੀਤ ਸਿੰਘ, ਪ੍ਰੋ: ਸਾਧੂ ਸਿੰਘ, ਹਰਨੇਕ ਸਿੰਘ ਗਿੱਲ, ਹੁਸ਼ਿਆਰ ਸਿੰਘ ਬਰਾੜ, ਸੌਦਾਗਰ ਸਿੰਘ ਲੰਡੇ (ਟਰਾਂਟੋ), ਬਚਿੱਤਰ ਸਿੰਘ ਗਿੱਲ, ਮੁਖਤਿਆਰ ਸਿੰਘ ਬਰਾੜ, ਜੀਤ ਸਿੰਘ ਸੰਧੂ, ਗੁਰਸੇਵਕ ਸਿੰਘ ਪ੍ਰੀਤ, ਬਲਦੇਵ ਸਿੰਘ ਬੰਬੀਹਾ, ਕੁਲਵਿੰਦਰ ਮੌੜ, ਜੰਗਪਾਲ ਸਿੰਘ, ਖੁਸ਼ਵੰਤ ਬਰਗਾੜੀ, ਚਰਨਜੀਤ ਸਿੰਘ ਬਰਾੜ ਮੈਨੇਜਰ ਰੋਡਵੇਜ਼ ਮੁਕਤਸਰ, ਬਿੱਕਰ ਸਿੰਘ ਆਜ਼ਾਦ, ਨਿਰਮੋਹੀ ਫ਼ਰੀਦਕੋਟੀ, ਦਰਸ਼ਨ ਸਿੰਘ ਗਿੱਲ, ਸ਼ਾਹ ਚਮਨ, ਵਿਸ਼ਵ ਜੋਤੀ ਧੀਰ, ਪ੍ਰੋ: ਪ੍ਰੀਤਮ ਸਿੰਘ ਭੰਗੂ, ਬੂਟਾ ਪੈਰਿਸ, ਆਨੰਤ ਗਿੱਲ, ਅਨੁਰਾਗ ਬਰਾੜ, ਡਾ: ਸਾਧੂ ਰਾਮ ਲੰਗੇਆਣਾ, ਭੁਪਿੰਦਰ ਸਿੰਘ ਜੈਤੋ, ਗੁਰਮੇਲ ਕੌਰ ਸੰਧੂ, ਜਲੌਰ ਸਿੰਘ ਬਰਾੜ, ਜਗਰੂਪ ਸਿੰਘ, ਬਲਬੀਰ ਸਿੰਘ, ਗੁਰਨਾਮ ਸਿੰਘ ਦਰਸ਼ੀ, ਬੇਅੰਤ ਗਿੱਲ, ਸ: ਬਰਜਿੰਦਰ, ਰਾਜਿੰਦਰ ਜੱਸਲ, ਪ੍ਰੀਤਮ ਗਿੱਲ ਚਾਹਲ, ਸ਼ਾਮ ਸੁੰਦਰ ਅਗਰਵਾਲ, ਰਣਜੀਤ ਸਿੰਘ ਕੰਵਲ, ਮਨਦੀਪ ਕੈਂਥ, ਕੰਵਲਜੀਤ ਭੋਲਾ ਸਮੇਤ ਵੱਡੀ ਗਿਣਤੀ ਵਿਚ ਸਾਹਿਤ ਪ੍ਰੇਮੀ ਹਾਜ਼ਰ ਸਨ। ਚੇਤਨਾ ਪ੍ਰਕਾਸ਼ਨ ਅਤੇ ਪੀਪਲਜ਼ ਫੋਰਮ ਬਰਗਾੜੀ ਵੱਲੋਂ ਪੁਸਤਕ ਪ੍ਰਦਸ਼ਨੀ ਲਾਈ ਗਈ।

‘ਸ਼ਾਇਰੀ ਦੇ ਰੰਗ’ ਸਮਗਾਮ ’ਚ ਰਜਿੰਦਰਜੀਤ ਦੀ ਸ਼ਾਇਰੀ ’ਤੇ ਹੋਈ ਵਿਚਾਰ ਗੋਸ਼ਟੀ.......... ਵਿਚਾਰ ਗੋਸ਼ਟੀ / ਸਪਨ ਮਨਚੰਦਾ

ਮਾਲਵੇ ਦੀ ਨਾਮਵਾਰ ਸਾਹਿਤਕ ਸੰਸਥਾ ਲਿਟਰੇਰੀ ਫੋਰਮ ਵੱਲੋਂ ਅੱਜ ਇਥੇ ਇਕ ਸਾਹਿਤਕ ਸਮਾਗਮ ‘ਸ਼ਾਇਰੀ ਦੇ ਰੰਗ ’ ਅਦਬ ਤੇ ਸੰਜੀਦਾ ਤਰੀਕੇ ਨਾਲ ਰਚਾਇਆ ਗਿਆ। ਜਿਸ ਵਿੱਚ ਜਿੱਥੇ ਪ੍ਰਵਾਸੀ ਸ਼ਾਇਰ ਰਜਿੰਦਰਜੀਤ ਦੀ ਪਲੇਠੀ ਪੁਸਤਕ ‘ਸਾਵੇ ਅਕਸ’ ਉਪਰ ਨਾਮਵਾਰ ਚਿੰਤਕਾਂ ਵੱਲੋਂ ਵਿਚਾਰ-ਚਰਚਾ ਕੀਤੀ ਗਈ ਉਥੇ ਪੰਜਾਬ ਦੇ ਨਾਮਵਾਰ ਸ਼ਾਇਰਾਂ ਵੱਲੋਂ ਆਪਣੀਆਂ ਰਚਨਾਵਾਂ ਪੇਸ਼ ਕਰਨ ਦੇ ਨਾਲ- ਨਾਲ ਰਜਿੰਦਰਜੀਤ ਦੀ ਸ਼ਾਇਰੀ ਦਾ ਗਜ਼ਲ ਗਾਇਨ ਦਾ ਵੀ ਸੈਕੜੇ ਸਾਹਿਤਕ ਪ੍ਰੇਮੀਆਂ ਵੱਲੋਂ ਖੂਬ ਆਨੰਦ ਮ੍ਯਾਣਿਆ ਗਿਆ।

ਬੇਹੱਦ ਸਧਾਰਨ ਤੇ ਪ੍ਰਭਾਵਸ਼ਾਲੀ ਇਸ ਸਮਾਗਮ ’ਚ ਮੁੱਖ ਮਹਿਮਾਨ ਵੱਜੋਂ ਬਾਬਾ ਫ਼ਰੀਦ ਵਿੱਦਿਅਕ ਸੰਸਥਾਵਾਂ ਦੇ ਚੇਅਰਮੈਨ ਇੰਦਰਜੀਤ ਸਿੰਘ ਖਾਲਸਾ ਨੇ ਸ਼ਿਰਕਤ ਕੀਤੀ। ਪ੍ਰਧਾਨਗੀ ਮੰਡਲ ’ਚ ਪ੍ਰੋ. ਅਵਤਾਰ ਜੋੜਾ, ਪ੍ਰੋ. ਸੁਰਜੀਤ ਜੱਜ, ਸ਼ਾਇਰ ਜਸਵਿੰਦਰ, ਸ਼ਾਇਰ ਗੁਰਤੇਜ ਕੁਹਾਰਵਾਲਾ, ਸ਼ਾਇਰ ਸੁਰਿੰਦਰਪ੍ਰੀਤ ਘਣੀਆ, ਸ਼ਾਇਰ ਵਿਜੇ ਵਿਵੇਕ ਤੇ ਯੁਵਕ ਸੇਵਾਵਾਂ ਵਿਭਾਗ ਦੇ ਸਹਾਇਕ ਡਾਇਰੈਕਟਰ ਜਗਜੀਤ ਚਾਹਲ ਬਿਰਾਜਮਾਨ ਹੋਏ।

ਸਮਾਗਮ ਦੀ ਸ਼ੁਰੂਆਤ ਕਰਦਿਆਂ ਗਾਇਕ ਵਿਕਟਰ ਨੇ ਜਦੋਂ ਆਪਣੀ ਸੋਹਜਮਈ ਅਵਾਜ਼ ’ਚ ਸ਼ਾਇਰ ਰਜਿੰਦਰਜੀਤ ਦੀਆਂ ਗ਼ਜ਼ਲਾਂ ਇਨ੍ਹਾਂ ਪੈੜਾਂ ਦਾ ਰੇਤਾ ਚੁੱਕ ਕੇ ਝੋਲੀ ’ਚ ਭਰ ਲਈਏ, ਚਲੋ ਇਸੇ ਬਹਾਨੇ ਵਿਸਰਿਆ ਨੂੰ ਯਾਦ ਕਰ ਲਈਏ’ ਤੇ ‘ ਇਹ ਲੋਕ ਵਕਤ ਦਾ ਚਿਹਰਾ ਜੇ ਪੜ• ਗਏ ਹੁੰਦੇ ਉਤਰ ਕੇ ਅਰਸ਼ ਤੋਂ ਸੂਲੀ ’ਤੇ ਇਹ ਚੜ• ਗਏ ਹੁੰਦੇ ’ ਪੇਸ਼ ਕੀਤੀਆਂ ਤਾਂ ਸੈਕੜੇ ਸਾਹਿਤਕ ਪ੍ਰੇਮੀਆਂ ਨੇ ਅੰਤਾਂ ਦੀ ਠੰਡ ’ਚ ਵੀ ਗਰਮਾਹਟ ਮਹਿਸੂਸ ਕੀਤੀ। ਬਾਲ ਗਾਇਕ ਯਸ਼ਦੀਪ ਤੇ ਸਿਮਰਤਾ ਸ਼ਰਮਾਂ ਨੇ ਜਦੋਂ ਸਾਹਿਤਕ ਗੀਤਾਂ ਨਾਲ ਭਰਵੀ ਹਾਜ਼ਰੀ ਲਗਵਾਈ ਤਾਂ ਹਾਲ ਤਾੜੀਆਂ ਨਾਲ ਗੂੰਜ ਉੱਠਿਆ। ਸਮਾਗਮ ਦੇ ਅਸਲ ਮੰਤਵ ਵੱਲ ਵਧਦਿਆਂ ਪ੍ਰੋ.ਸੁਰਜੀਤ ਜੱਜ ਨੇ ਰਜਿੰਦਰਜੀਤ ਦੀ ਸ਼ਾਇਰੀ ਤੇ ਮੂਲ ਤੱਤਾਂ ਦੀ ਪਛਾਣ ਕਰਦਿਆਂ ਕਿਹਾ ਕਿ ਰਾਜਿੰਦਰਜੀਤ ਦੀ ਸ਼ਾਇਰੀ ਅਜੋਕੀ ਅਣਮਨੁੱਖੀ ਪ੍ਰਸਿਥਤੀਆਂ ’ਚ ਖੰਡਿਤ ਹੋ ਰਹੇ ਆਮ ਆਦਮੀ ਨੂੰ ਇਸਦੇ ਕਾਰਨਾਂ ਦਾ ਬੋਧ ਹੀ ਨਹੀਂ ਕਰਾਉਂਦੀ ਸਗੋਂ ਇਸ ’ਚੋਂ ਆਪਾ ਬਚਾਉਣ ਲਈ ਉਸਨੂੰ ਤਰਕੀਬ ਵੀ ਦੱਸਦੀ ਹੈ। ਮੁੰਡੀ ਸੱਭਿਆਚਾਰ ਮਨੁੱਖ ਨੂੰ ਸਮੂਹਿਕ ਤੌਰ ’ਤੇ ਤੋੜਕੇ ਨਿੱਜ ਵੱਲ ਧੱਕ ਰਿਹਾ ਹੈ। ਜਿਸ ਕਰਕੇ ਅੱਜ ਦਾ ਮਨੁੱਖ ਇੱਕਲਤਾ ਪੂਰਵਕ ਜਵੀਨ ਜਿਉਂਣ ਲਈ ਮਜਬੂਰ ਹੈ ਇਸ ਦਾ ਬੋਧ ਰਜਿੰਦਰਜੀਤ ਦੀ ਸ਼ਾਇਰੀ ਤੋਂ ਵੀ ਹੁੰਦਾ ਹੈ। ਤਕਰੀਬ ਇਸ ਮਗਰੋਂ ਕ੍ਰਮਵਾਰ ਪ੍ਰੋ ਜਲੌਰ ਸਿੰਘ ਖੀਵਾ, ਵਿਜੇ ਵਿਵੇਕ ਡਾ. ਜਗਵਿੰਦਰ ਯੋਧਾ, ਅਵਤਾਰ ਜੌੜਾ, ਗੁਰਤੇਜ ਕੋਹਾਰਵਾਲਾ ਨੇ ਰਜਿੰਦਰਜੀਤ ਦੀਆਂ ਗਜ਼ਲਾਂ ਤੇ ਉਸਦੀ ਸ਼ੈਲੀ ’ਤੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਰਜਿੰਦਰਜੀਤ ਨੂੰ ਅੱਜ ਦਾ ਸ਼ਾਇਰ ਐਲਾਨਿਆ। ਵਿਚਾਰ ਗੋਸ਼ਟੀ ਤੋਂ ਬਾਅਦ ਚੱਲੇ ਰਚਨਾਵਾਂ ਦੇ ਦੌਰ ’ਚ ਜਸਵਿੰਦਰ, ਸੁਰਜੀਤ ਜੱਜ, ਵਿਜੇ ਵਿਵੇਕ, ਗੁਰਤੇਜ ਕੋਹਾਰਵਾਲਾ, ਸਤੀਸ਼ ਬੇਦਾਗ, ਜਗਵਿੰਦਰ ਯੋਧਾ, ਹਰਦਮ ਸਿੰਘ ਮਾਨ, ਸੁਰਿੰਦਰਪ੍ਰੀਤ ਘਣੀਆ, ਨਵਦੀਪ ਜ਼ੀਰਾ ਨੇ ਆਪਣੀਆਂ ਰਚਨਾਵਾਂ ਨਾਲ ਦਰਸ਼ਕਾਂ ਨੂੰ ਮੰਤਰ ਮੁੰਗਧ ਕੀਤਾ। ਰਜਿੰਦਰਜੀਤ ਨੇ ਵੀ ਆਪਣੀਆਂ ਰਚਨਾਵਾਂ ਨਾਲ ਦਰਸ਼ਕਾਂ ਦੇ ਮਨਾਂ ਨੂੰ ਖੂਬ ਟੁੰਭਿਆ। ਇਸ ਮੌਕੇ ਮੁੱਖ ਮਹਿਮਾਨ ਇੰਦਰਜੀਤ ਸਿੰਘ ਖਾਲਸਾ ਵੱਲੋਂ ਫੋਰਮ ਦੇ ਸਲਾਨਾ ਸਨਮਾਨ ਸ਼ੇਖ਼ ਫ਼ਰੀਦ ਸਾਹਿਤਕ ਪੁਰਸਕਾਰ ਨਾਲ ਜਸਵਿੰਦਰ ਤੇ ਸਵ.ਚੰਦ ਸਿੰਘ ਚਾਹਲ ਯਾਦਗਾਰੀ ਪੁਰਸਕਾਰ ਨਾਲ ਰਜਿੰਦਰਜੀਤ ਨੂੰ ਨਿਵਾਜਿਆ ਗਿਆ। ਇਸ ਮੌਕੇ ਬੋਲਦਿਆਂ ਮੁੱਖ ਮਹਿਮਾਨ ਨੇ ਫੋਰਮ ਵੱਲੋਂ ਸਮੇਂ ਸਮੇਂ ’ਤੇ ਕਰਵਾਏ ਜਾਂਦੇ ਸਾਹਿਤਕ ਸਮਾਗਮ ਨੂੰ ਇਲਾਕੇ ਲਈ ਵਰਦਾਨ ਦੱਸਦਿਆਂ ਇਕ ਚੰਗਾ ਉਪਰਾਲਾ ਦੱਸਿਆ। ਸਮਾਗਮ ’ਚ ਹਾਜਰ ਮਹਿਮਾਨਾਂ ’ਤੇ ਸਰੋਤਿਆਂ ਦਾ ਧੰਨਵਾਦ ਕਰਦਿਆਂ ਫੋਰਮ ਦੇ ਸਰਪ੍ਰਸਤ ਪ੍ਰੋ ਸਾਧੂ ਸਿੰਘ ਨੇ ਅੱਗੋਂ ਤੋਂ ਵੀ ਸਾਹਿਤਕ ਸਮਾਗਮ ’ਤੇ ਵੱਖ -ਵੱਖ ਪੁਸਤਕਾਂ ’ਤੇ ਸੰਵਾਦ ਰਚਾਉਂਦੇ ਰਹਿਣ ਦਾ ਵਾਅਦਾ ਕੀਤਾ। ਸਮੁੱਚੇ ਪ੍ਰੋਗਰਾਮ ਦਾ ਮੰਚ ਸੰਚਾਲਨ ਫੋਰਮ ਦੇ ਸਕੱਤਰ ਨਿਰਮੋਹੀ ਫ਼ਰੀਦਕੋਟੀ ਨੇ ਬੇਹੱਦ ਪ੍ਰਭਾਵਸ਼ਾਲੀ ਤੇ ਸਲੀਕਾਬੱਧ ਤਰੀਕੇ ਨਾਲ ਕੀਤਾ। ਇਸ ਮੌਕੇ 'ਤੇ ਲਿਟਰੇਰੀ ਫੋਰਮ ਦੇ ਪ੍ਰਧਾਨ ਸੁਨੀਲ ਚੰਦਿਆਣਵੀ ਨੇ ਸਰੋਤਿਆਂ ਦਾ ਧੰਨਵਾਦ ਕੀਤਾ ਤੇ ਫੋਰਮ ਦੀ ਸਲਾਨਾ ਰਿਪੋਰਟ ਪੜ੍ਹੀ । ਇਸ ਮੌਕੇ ਕਹਾਣੀਕਾਰਾਂ ਵਿਸ਼ਵਜੋਤੀ ਧੀਰ, ਡਾ.ਦਵਿੰਦਰ ਸੈਫੀ, ਗੁਰਮੀਤ ਸਿੰਘ ਕੋਟਕਪੂਰਾ, ਗੀਤਕਾਰ ਗੁਰਾਦਿੱਤਾ ਸਿੰਘ ਸੰਧੂ, ਲਖਵਿੰਦਰ ਹਾਲੀ, ਸਪਨ ਮਨਚੰਦਾ, ਗੁਰਦੀਪ ਸਿੰਘ ਢੁੱਡੀ, ਗਾਇਕ ਕੁਲਵਿੰਦਰ ਕੰਵਲ, ਰਤਨ ਸਿੰਘ ਰਾਹੀਕਾ, ਸੁਰਿੰਦਰ ਮਚਾਕੀ, ਨਵਰਾਹੀ ਘੁਗਿਆਣਵੀ, ਲਾਲ ਸਿੰਘ ਕਲਸੀ, ਕਹਾਣੀਕਾਰ ਜੋਰਾ ਸਿੰਘ ਸੰਧੂ, ਪ੍ਰੋ ਧਰਮਿੰਦਰ ਸਿੰਘ, ਪ੍ਰੋ ਜਲੋਰ ਸਿੰਘ ਖੀਵਾ, ਜਸਬੀਰ ਜੱਸੀ, ਜਸਵਿੰਦਰ ਮਿੰਟੂ, ਉਦੈ ਰਣਦੇਵ, ਹਰਪ੍ਰੀਤ ਹੈਪੀ, ਮਨਜੀਤ ਪੁਰੀ, ਗੁਰਜਿੰਦਰ ਮਾਹੀ, ਰਜਿੰਦਰ ਜੱਸਲ, ਸੁਨੀਲ ਵਾਟਸ, ਐਸ ਬਰਜਿੰਦਰ ਤੋਂ ਇਲਾਵਾ ਵੱਡੀ ਗਿਣਤੀ ’ਚ ਸਾਹਿਤਕ ਪ੍ਰੇਮੀ ਹਾਜ਼ਰ ਸਨ।

ਸੁਖ਼ਨ ਸੁਨੇਹੇ ਦੁਆਰਾ ਪਰਵਾਸੀ ਕਵੀ ਸੁਰਿੰਦਰ ਸਲੀਮ ਦੀਆਂ ਦੋ ਕਾਵਿ ਪੁਸਤਕਾਂ ਲੋਕ ਅਰਪਣ

ਨਵੇਂ ਸਿਰਜਤ ਸਾਹਿਤਕ ਮੰਚ ‘‘ ਸੁਖ਼ਨ ਸੁਨੇਹੇ ’’ ਦੇ ਪਹਿਲੇ ਸਮਾਗਮ ਵਿੱਚ ਲੰਡਨ ਰਹਿੰ

ਦੇ ਸ਼ਾਇਰ ਸੁਰਿੰਦਰ ਸਲੀਮ ਦੀਆਂ ਦੋ ਕਾਵਿ ਪੁਸਤਕਾਂ ‘ਪਹਿਲੀ ਝੜੀ ’ (ਪੰਜਾਬੀ) ਅਤੇ ‘ਪਹਿਲੀ ਉਡਾਨ (ਹਿੰਦੀ) ਦਾ ਲੋਕ ਅਰਪਣ ਕੀਤਾ ਗਿਆ। ਇਸ ਮੌਕੇ ਸਤੀਸ਼ ਬੇਦਾਗ਼ , ਪਰਵਾਸੀ ਪੰਜਾਬੀ ਸ਼ਾਇਰ ਰਾਜਿੰਦਰਜੀਤ ( ਇੰਗਲੈਂਡ) ਅਤੇ ਰਾਸ਼ਟਰਪਤੀ ਪੁਰਸਕਾਰ ਜੇਤੂ ਲੇਖਿਕਾ ਸ੍ਰੀਮਤੀ ਸਿਮਰਤ ਸੁਮੈਰਾ ਨੂੰ ਅਦਾਰਾ ਸੁਖ਼ਨ ਸੁਨੇਹੇ ਵੱਲੋਂ ਸਨਮਾਨਿਤ ਕੀਤਾ ਗਿਆ ਅਤੇ ਇੱਕ ਬਹੁ ਭਾਸ਼ਾਈ ਕਾਵਿ ਗੋਸ਼ਟੀ ਕੀਤੀ ਗਈ । ਸੁਖ਼ਨ ਸੁਨੇਹੇ ਦੇ ਕਾਮਿਆਂ ਚੋਂ ਪ੍ਰਮੁੱਖ ਸ਼ਾਇਰਾ ਹਰਪਿੰਦਰ ਰਾਨਾ ਨੇ ਦੱਸਿਆ ਕਿ ਸੁਖ਼ਨ ਸੁਨੇਹੇ ਅਦਬ ,ਸੰਗੀਤ ਤੇ ਨਾਟ ਵਿਧਾ ਨੂੰ ਸਮਰਪਿਤ ਹੈ। ਇਹ ਅਦਾਰਾ ਪੁਸਤਕ ਸੱਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਲਈ ਯਤਨਸ਼ੀਲ ਹੈ। ਇਸ ਮੌਕੇ ਸਤੀਸ਼ ਬੇਦਾਗ਼ ਨੇ ਆਪਣੇ ਸ਼ੇਅਰ, ‘‘ ਤੇਰੀ ਖ਼ਲਕਤ ਕੇ ਮੋਹਤਬਰ ਹੈਂ ਹਮ ਘਾਸ ਖਾ ਕਰ ਭੀ ਬੰਮ ਬਨਾੲਂਗੇ ’’ ਅਤੇ ‘‘ ਸੁਕਰੀਆ ਤੈਮੂਰ ਉ ਨਾਦਿਰ ਗਜ਼ਨਵੀ ਅੰਗਰੇਜ਼ ਭਾਈਉਂ ,ਲੂਟਨਾ ਅਬ ਆ ਗਿਆ ਹੈ ਖੁਦ ਹਮੇਂ ਖੁਦ ਅਪਨਾ ਹੀ ਘਰ ’’ਵਰਗੇ ਸੁਪ੍ਰਸਿੱਧ ਹੋ ਚੁੱਕੇ ਸ਼ੇਅਰ ਪੜੇ ਤੇ ਭਰਪੂਰ ਦਾਦ ਖੱਟੀ । ਇਸ ਮੌਕੇ ਤੇ ¦ਡਨ ਤੋ ਆਏ ਪੰਜਾਬੀ ਸ਼ਾਇਰ ਰਾਜਿੰਦਰਜੀਤ ਦੇ ਸ਼ੇਅਰ ਵੀ ਬਹੁਤ ਸਲਾਹੇ ਗਏ , ‘‘ ਖੁਦੀ ਨੂੰ ਆਸਰਾ ਦਿੱਤਾ ਬੇਗਾਨੀ ਆਸ ਤੋਂ ਪਹਿਲਾਂ ,ਮੈਂ ਅਥਰੂ ਪੂੰਝ ਚੂੱਕਾ ਸੀ ਤੇਰੇ ਧਰਵਾਸ ਤੋਂ ਪਹਿਲਾਂ ’’ ਅਤੇ ‘‘ ਲਿਆ ਜ਼ਰਾ ਕਾਗਜ਼ ਹੁਣੇ ਆਪਣੀ ਵਸੀਅਤ ਲਿਖ ਦਿਆਂ, ਤਪਦਿਆਂ ਲਈ ਆਪਣੇ ਹਿੱਸੇ ਦੀ ਰਾਹਤ ਲਿਖ ਦਿਆਂ ’’ ਆਦਿ ਨਾਲ ਵਾਹ ਵਾਹ ਕਰਵਾਈ। ਸ੍ਰੀਮਤੀ ਸਿਮਰਤ ਸੁਮੈਰਾ ਨੇ ਆਪਣੀਆਂ ਨਿੱਕੀਆਂ

ਕਵਿਤਾਵਾਂ ਨਾਲ ਸਰੋਤਿਆਂ ਨੂੰ ਸਰਸ਼ਾਰ ਕੀਤਾ। ਸਨਮਾਨਿਤ ਹਸਤੀਆਂ ਨੇ ਸੁਰਿੰਦਰ ਸਲੀਮ ਨੂੰ ਫੋਨ ਦੁਆਰਾ ਮੁਬਾਰਕਬਾਦ ਦਿੱਤੀ। ਸੰਦੀਪ ਸਿੰਘ ਨੇ ਸੁਰਿੰਦਰ ਸਲੀਮ ਦੀਆਂ ਰਚਨਾਵਾਂ ਪੜ• ਕੇ ਸੁਣਾਈਆਂ। ਸਮਾਗਮ ਵਿੱਚ ਬਟਾਲਾ ਤੋਂ ਪਧਾਰੇ ਸ੍ਰੀ ਅਸ਼ੋਕ ਚਰਨ ਆਲਮਗੀਰ ਦੇ ਨਾਵਲ ‘‘ ਗ੍ਰੀਸ਼ਨ ਰੋਮਨ ਦੇਵਤੇ ’’ ਨੂੰ ਵੀ ਰੀਲੀਜ਼ ਕੀਤਾ ਗਿਆ। ਕਾਵਿ ਗੋਸ਼ਟੀ ਵਿੱਚ ਹਰਪਿੰਦਰ ਰਾਨਾ, ਸੁਰਿੰਦਰਪ੍ਰੀਤ ਘਣੀਆਂ , ਨਿਰਮੋਹੀ ਫਰੀਦਕੋਟੀ ,ਸੁਨੀਲ ਚੰਦਆਨਵੀ, ੰਜੰਗੀਰ ਸੱਧਰ, ਕੰਵਰਜੀਤ,ਅਮਨਦੀਪ ਅਮਨ,ਵਕੀਲ ਸਿੱਧੂ, ਕੁਲਵਿੰਦਰ ਵਿਰਕ, ਪ੍ਰੋ ਦਾਤਾਰ ਸਿੰਘ ਨੇ ਰਚਨਾਵਾਂ ਪੜ•ੀਆਂ ਅਤੇ ਭੁਪਿੰਦਰਪ੍ਰੀਤ, ਗੁਰਸੇਵਕਪ੍ਰੀਤ ਕਹਾਣੀਕਾਰ,ਕੁਲਵੰਤ ਗਿੱਲ, ਹਰਜਿੰਦਰ ਸੂਰੇਵਾਲੀਆ,ਮਹਿੰਦਰਪਾਲ ਬੱਬੀ ,ਪ੍ਰਿੰਸ ਧੁਨਾ,ਸਪਨ ਮਨਚੰਦਾ, ਕੰਚਨ ਬੇਦਾਗ਼, ਰੋਸ਼ਨ ਲਾਲ ਮਨਚੰਦਾ, ਰਾਮ ਕੁਮਾਰ ਬੇਦਾਗ਼ ਮੁਕਤਸਰੀ, ਮੀਨਾਕਸ਼ੀ ਨਾਗਪਾਲ, ਮੀਤੂ, ਰਜਨੀ ਬੱਤਰਾ, ਅਸ਼ੋਕ ਭਟੇਜਾ , ਰਣਜੀਤ ਸਿੰਘ, ਸੰਜੀਵ ਸੁੱਖੀ, ਲਛਮਣ ਦੋਸ਼ੀ, ਸੁਸ਼ੀਲ ਰਹੇਜਾ , ਕਾਲਾ ਸਿੰਘ ਅਤੇ ਲਖਬੀਰ ਸਿੰਘ,ਪ੍ਰਗਟ ਸਿੰਘ ਜੰਬਰ , ਸੁਰਿੰਦਰ ਮਚਾਕੀ , ਸੰਤੋਖ ਸਿੰਘ ਭਾਣਾ ਆਦਿ ਨੇ ਆਪਣੀ ਉਪਸਥਿਤੀ ਦਰਜ ਕਰਵਾਈ। ਇਹ ਸਮਾਗਮ ਗੁਰੂ ਰਾਮਦਾਸ ਪੈਰਾਮੈਡੀਕਲ ਕਾਲਜ ਵਿੱਚ ਸੰਪਨ ਹੋਇਆ।

‘ਕਲਮ’ ਸਨਮਾਨ ਸਮਾਰੋਹ ਤੇ ਕਵੀ ਦਰਬਾਰ

ਕੌਮਾਂਤਰੀ ਲੇਖਕ ਮੰਚ (ਕਲਮ) ਵਲੋਂ ਪਰਵਾਸੀ ਸ਼ਾਇਰ ਸੁਖਵਿੰਦਰ ਕੰਬੋਜ ਦੀ ਪ੍ਰੇਰਨਾ ਸਦਕਾ ਸ਼ੁਰੂ ਕੀਤੇ ‘ਕਲਮ’ ਪੁਰਸਕਾਰਾਂ ਸਬੰਧੀ ਛੇਵਾਂ ਸਨਮਾਨ ਸਮਾਰੋਹ ਤੇ ਕਵੀ ਦਰਬਾਰ ਕਮਲਾ ਨਹਿਰੂ ਕਾਲਜ ਫਗਵਾੜਾ ਅਤੇ ਸਾਹਿਤਕ-ਸੱਭਿਆਚਾਰਕ ਸੰਸਥਾ ਜਲੰਧਰ ਦੇ ਸਹਿਯੋਗ ਨਾਲ਼ ਕਮਲਾ ਨਹਿਰੂ ਕਾਲਜ ਫਗਵਾੜਾ ਵਿਖੇ ਕਰਵਾਇਆ ਗਿਆ, ਜਿਸ ਦੀ ਪ੍ਰਧਾਨਗੀ ਡਾ. ਸੁਰਜੀਤ ਪਾਤਰ ਨੇ ਕੀਤੀ ਤੇ ਪ੍ਰਧਨਗੀ ਮੰਡਲ ਵਿਚ ਸਰਵਸ਼੍ਰੀ ਅਜਾਇਬ ਕਮਲ, ਸਰਦਾਰ ਪੰਛੀ, ਅਨੂਪ ਵਿਰਕ ਅਤੇ ਮਨਮੋਹਨ ਸ਼ਾਮਿਲ ਸਨ। ਸੁਰਜੀਤ ਜੱਜ ਵਲੋਂ ਇਨ੍ਹਾਂ ਸਨਮਾਨਾਂ ਤੇ ਕਲਮ ਸਬੰਧੀ ਜਾਣਕਾਰੀ ਸਾਂਝੀ ਕਰਨ ਉਪਰੰਤ ਸੱਭ ਤੋਂ ਪਹਿਲਾਂ ‘ਬਾਪੂ ਜਗੀਰ ਸਿੰਘ ਕੰਬੋਜ ਯਾਦਗਾਰੀ ਕਲਮ ਪੁਰਸਕਾਰ’ ਸਿਰਮੌਰ ਕਹਾਣੀਕਾਰਾ ਸੁਖਵੰਤ ਕੌਰ ਮਾਨ ਨੂੰ ਪ੍ਰਦਾਨ ਕੀਤਾ ਗਿਆ, ਜਿਸ ਵਿਚ ਇੱਕੀ ਹਜ਼ਾਰ ਰੁਪਏ, ਸ਼ਾਲ ਤੇ ਸਨਮਾਨ ਪੱਤਰ ਸ਼ਾਮਲ ਸੀ। ਡਾ. ਗੁਰਬਖ਼ਸ਼ ਸਿੰਘ ਫਰੈਂਕ ਹੁਰਾਂ ਨੂੰ 'ਡਾ. ਕੇਸਰ ਸਿੰਘ ਕੇਸਰ ਯਾਦਗਾਰੀ ਕਲਮ ਪੁਰਸਕਾਰ', ਜਿਸ ਵਿਚ 5100 ਰੁਪਏ, ਸ਼ਾਲ ਤੇ ਸਨਮਾਨ ਪੱਤਰ ਸਨ, ਭੇਟ ਕਰਨ ਉਪਰੰਤ 'ਨਵ ਪ੍ਰਤਿਭਾ ਕਲਮ ਪੁਰਸਕਾਰ' ਉਭਰਦੇ ਗ਼ਜ਼ਲਗੋ ਗੁਰਮੀਤ ਖੋਖਰ ਨੂੰ ਪ੍ਰਦਾਨ ਕੀਤਾ ਗਿਆ। ਡਾ. ਭੁਪਿੰਦਰ ਕੌਰ, ਪ੍ਰੋ. ਸੁਰਜੀਤ ਜੱਜ ਤੇ ਜਗਵਿੰਦਰ ਜੋਧਾ ਨੇ ਸਨਮਾਨ ਪੱਤਰ ਪੜ੍ਹੇ। ਇਸ ਸਨਮਾਨ ਸਮਾਰੋਹ ਮੌਕੇ ਤ੍ਰੈਭਾਸ਼ੀ ਕਵੀ ਦਰਬਾਰ ਵਿਚ ਸਰਵਸ਼੍ਰੀ ਸੁਰਜੀਤ ਪਾਤਰ, ਅਜਾਇਬ ਕਮਲ, ਸਰਦਾਰ ਪੰਛੀ, ਅਨੂਪ ਵਿਰਕ, ਮਨਮੋਹਨ, ਅਜੀਤਪਾਲ, ਕਵਿੰਦਰ ਚਾਂਦ, ਸੁਖਵਿੰਦਰ ਅੰਮ੍ਰਿਤ, ਸੁਰਜੀਤ ਜੱਜ, ਮੋਹਨ ਸਪਰਾ, ਜਗਵਿੰਦਰ ਜੋਧਾ, ਪ੍ਰੋ. ਕੁਲਵੰਤ ਔਜਲਾ, ਹਰਵਿੰਦਰ ਭੰਡਾਲ, ਅਨੂਬਾਲਾ, ਡਾ. ਜਸਬੀਰ ਕੇਸਰ, ਜਗਦੀਪ ਦੀਪ, ਕੁਲਵਿੰਦਰ ਕੁੱਲਾ, ਦੇਵ ਦਰਦ, ਹਰਸ਼ਰਨ ਸ਼ਰੀਫ਼, ਜਸਵਿੰਦਰ ਮਹਿਰਮ, ਹਰੀ ਸਿੰਘ ਮੋਹੀ, ਗੁਰਬਖਸ਼ ਭੰਡਾਲ, ਤ੍ਰੈਲੋਚਨ ਝਾਂਡੇ, ਰਣਬੀਰ ਰਾਣਾ, ਸੋਮਦੱਤ ਦਿਲਗੀਰ, ਆਰਿਫ਼ ਗੋਬਿੰਦਪੁਰੀ ਦੁਆਰਾ ਕਵਿਤਾਵਾਂ ਪੇਸ਼ ਕੀਤੀਆਂ। ਅਜੋਕੀ ਸ਼ਾਇਰੀ ਦੇ ਬਹੁਭਾਂਤੀ ਰੰਗਾਂ ਦੀ ਆਭਾ ਵਧਾਉਣ ਵਾਲਿ਼ਆਂ ਵਿਚ ਸਰਵਸ਼੍ਰੀ਼ ਦਰਸ਼ਨ ਗਿੱਲ, ਸਤੀਸ਼ ਗੁਲਾਟੀ, ਦੇਸ ਰਾਜ ਕਾਲੀ, ਤਸਕੀਨ, ਭਗਵੰਤ ਰਸੂਲਪੁਰੀ, ਪ੍ਰੋ. ਸਰੋਜ ਬਲਰਾਮ, ਗਾਇਕ ਮਕਬੂਲ, ਮੱਖਣ ਮਾਨ, ਹਰਬੰਸ ਹੀਓਂ, ਰਿਤੂ ਕੇਸਰ ਅਤੇ ਤਲਵਿੰਦਰ ਸਿੰਘ ਸਮੇਤ ਸ਼ਹਿਰ ਦੇ ਸੰਵੇਦਨ ਸ਼ੀਲ ਸ੍ਰੋਤੇ, ਕਾਲਜ ਅਧਿਆਪਕ ਅਤੇ ਵਿਦਿਆਰਥੀ ਉਮਾਹ ਤੇ ਉਤਸ਼ਾਹ ਨਾਲ਼ ਹਾਜ਼ਰ ਸਨ।

ਤ੍ਰੈਲੋਚਨ ਲੋਚੀ ਦਾ ਗ਼ਜ਼ਲ ਸੰਗ੍ਰਹਿ ਰਿਲੀਜ਼

ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਸੰਚਾਰ ਅਤੇ ਅੰਤਰਰਾਸ਼ਟਰੀ ਸੰਪਰਕ ਕੇਂਦਰ ਵਲੋਂ ਪੰਜਾਬੀ ਸਭਿਆਚਾਰ ਅਕਾਦਮੀ ਰਜਿ. ਅਤੇ ਪਾਮੇਟੀ ਦੇ ਸਹਿਯੋਗ ਨਾਲ਼ ਕਰਵਾਏ ਸਾਹਿਤਕ ਸਮਾਗਮ ਵਿਚ ਪ੍ਰਸਿੱਧ ਕਵੀ ਤ੍ਰੈਲੋਚਨ ਲੋਚੀ ਦੇ ਪਲੇਠੇ ਗ਼ਜ਼ਲ ਸੰਗ੍ਰਹਿ 'ਦਿਲ ਦਰਵਾਜ਼ੇ ' ਨੂੰ ਰਿਲੀਜ਼ ਕਰਦਿਆਂ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਦੇ ਸਾਬਕਾ ਪ੍ਰਧਾਨ ਡਾ. ਸੁਰਜੀਤ ਪਾਤਰ ਨੇ ਕਿਹਾ ਹੈ ਕਿ 21ਵੀਂ ਸਦੀ ਵਿਚ ਵਿਗਿਆਨ ਦੀ ਸਰਦਾਰੀ ਤਾਂ ਹੀ ਮਨੁੱਖੀ ਚਿਹਰੇ ਵਾਲ਼ੀ ਬਣ ਸਕੇਗੀ ਜੇਕਰ ਇਸ ਨੂੰ ਸਾਹਿਤ ਅਤੇ ਸੱਭਿਆਚਾਰ ਦਾ ਸਾਥ ਲਗਾਤਾਰ ਮਿਲਦਾ ਰਹੇਗਾ। ਉਨ੍ਹਾਂ ਆਖਿਆ ਕਿ ਤ੍ਰੈਲੋਚਨ ਲੋਚੀ ਸਾਡਾ ਸਿਹਤਮੰਦ ਸੋਚ ਵਾਲ਼ਾ ਸੰਤੁਲਿਤ ਸ਼ਾਇਰ ਹੈ, ਜਿਸ ਦੀ ਗ਼ਜ਼ਲ ਵਿਚ ਮਿਠਾਸ ਅਤੇ ਪ੍ਰਵਾਜ਼ ਦਿਲ ਨੂੰ ਲਗਾਤਾਰ ਪ੍ਰਭਾਵਿਤ ਕਰਦੀ ਹੈ। ਲੋਚੀ ਦੀ ਪੁਸਤਕ ਨੂੰ ਸਮਾਗਮ ਦੇ ਪ੍ਰਧਾਨ ਸ. ਅਮਰਜੀਤ ਸਿੰਘ ਸਿੱਧੂ ਆਈ.ਏ.ਐਸ., ਡਾ. ਸੁਰਜੀਤ ਪਾਤਰ, ਸ. ਪਰਮਜੀਤ ਸਿੰਘ ਸਿੱਧਵਾਂ,ਸ.ਗੁਰਤੇਜ ਸਿੰਘ ਡੀ ਈ ਟੀ ਸੀ ਬਠਿੰਡਾ, ਪ੍ਰਸਿੱਧ ਨਾਵਲਕਾਰ ਪ੍ਰੋ. ਨਰਿੰਜਨ ਤਸਨੀਮ ਨੇ ਰਿਲੀਜ਼ ਕੀਤਾ। ਪ੍ਰਧਾਨਗੀ ਭਾਸ਼ਣ ਦਿੰਦਿਆਂ ਸ. ਅਮਰਜੀਤ ਸਿੰਘ ਸਿੱਧੂ, ਆਈ ਏ ਐਸ ਰਿਟਾ. ਨੇ ਆਖਿਆ ਕਿ ਲੋਚੀ ਨੇ ਰਿਸ਼ਤਿਆਂ ਦੀ ਪਾਕੀਜ਼ਗੀ, ਮਾਨਵੀ ਰਿਸ਼ਤਿਆਂ ਵਿਚ ਆ ਰਹੀ ਤਬਦੀਲੀ ਤੇ ਉਂਗਲੀ ਰੱਖੀ ਹੈ। ਧੀਆਂ, ਭੈਣਾਂ ਦੇ ਸਨਮਾਨ ਵਿਚ ਉਸ ਦੇ ਬੋਲ ਘਰ ਘਰ ਪਹੁੰਚਾਉਣ ਦੀ ਜ਼ਰੂਰਤ ਹੈ ਤਾਂ ਜੋ ਸਿ਼ਸ਼ਟਾਚਾਰ ਦਾ ਪਾਸਾਰ ਹੋਵੇ। ਇਸ ਮੌਕੇ ਸ.ਜਗਤਾਰ ਸਿੰਘ ਧੀਮਾਨ,ਡਾ. ਸ.ਨ. ਸੇਵਕ, ਪ੍ਰਸਿੱਧ ਵਿਦਵਾਨ ਅਤੇ ਪੰਜਾਬੀ ਕਵੀ ਪ੍ਰੋ. ਰਵਿੰਦਰ ਭੱਠਲ ਅਤੇ ਸ. ਗੁਰਦਿੱਤ ਸਿੰਘ ਕੰਗ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ। ਪੰਜਾਬੀ ਸਭਿਆਚਾਰ ਅਕਾਦਮੀ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਗਿੱਲ ਨੇ ਤ੍ਰੈਲੋਚਨ ਲੋਚੀ ਦੀ ਸ਼ਖ਼ਸੀਅਤ ਅਤੇ ਕਵਿਤਾ ਬਾਰੇ ਮੰਚ ਸੰਚਾਲਨ ਕਰਦਿਆਂ ਕਰਦਿਆਂ ਭਾਵਪੂਰਤ ਟਿੱਪਣੀਆਂ ਕੀਤੀਆਂ। ਗੁਰੁ ਨਾਨਕ ਦੇਵ ਯੂਨੀਵਰਸਟੀ ਦ ਸਾਬਕਾ ਵਾਈਸ ਚਾਂਸਲਰ ਪ੍ਰਿਥੀਪਾਲ ਸਿੰਘ ਕਪੂਰ ਨੇ ਲੋਚੀ ਦੀਆਂ ਗ਼ਜ਼ਲਾਂ ਦੀ ਭਰਪੂਰ ਸਰਾਹਨਾ ਕੀਤੀ। ਡਾ. ਸਰੂਪ ਸਿੰਘ ਅਲੱਗ ਨੇ ਤ੍ਰੈਲੋਚਨ ਲੋਚੀ ਨੂੰ 3100 ਰੁਪਏ ਦੀ ਧਨ ਰਾਸ਼ੀ ਦਾ ਸ਼ਗਨ ਦੇ ਕੇ ਸਨਮਾਨਿਤ ਕਰਦਿਆਂ ਆਖਿਆ ਕਿ ਇਸ ਦੀ ਸ਼ਾਇਰੀ ਵਿਚ ਧੀਆਂ ਦੀ ਦਰਦ ਕਹਾਣੀ ਹਮੇਸ਼ਾਂ ਹੀ ਮੇਰੇ ਨੇਤਰਾਂ ਵਿਚ ਸਿੱਲ੍ਹ ਲੈ ਆਉਂਦੀ ਹੈ।
ਇਸ ਮੌਕੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਮੈਮੋਰੀਅਲ ਟ੍ਰਸਟ ਵਲੋਂ ਸ.ਅਵਤਾਰ ਸਿੰਘ ਗਰੇਵਾਲ, ਸ.ਹੁਸਿ਼ਆਰ ਸਿੰਘ ਸਰਾਭਾ, ਇੰਦਰਜੀਤ ਸਿੰਘ ਸਰਾਭਾ ਅਤੇ ਸਾਥੀਆਂ ਨੇ ਕਵੀ ਤ੍ਰੈਲੋਚਨ ਲੋਚੀ ਨੂੰ ਸਨਮਾਨਿਤ ਕੀਤਾ। ਟ੍ਰਸਟ ਵਲੋਂ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਕਵੀ ਦਰਬਾਰ ਵਿਚ ਸ਼ਾਮਿਲ ਕਵੀਆਂ ਸਰਵ ਸ਼੍ਰੀ ਸੁਰਜੀਤ ਪਾਤਰ, ਸੁਖਵਿੰਦਰ ਅੰਮ੍ਰਿਤ, ਸਰਦਾਰ ਪੰਛੀ, ਗੁਰਦਿੱਤ ਸਿੰਘ ਕੰਗ, ਅਮਰਜੀਤ ਸਿੰਘ ਸਿੱਧੂ, ਗੁਰਤੇਜ ਸਿੰਘ, ਪ੍ਰੋ. ਰਵਿੰਦਰ ਭੱਠਲ, ਮਨਜਿੰਦਰ ਧਨੋਆ, ਸ.ਨ. ਸੇਵਕ, ਤਰਸੇਮ ਨੂਰ, ਸਤੀਸ਼ ਗੁਲਾਟੀ, ਜਾਗੀਰ ਸਿੰਘ ਪ੍ਰੀਤ, ਡਾ.ਜਗਤਾਰ ਧੀਮਾਨ, ਗੁਰਚਰਨ ਕੌਰ ਕੋਚਰ, ਪ੍ਰੋ. ਜਸਵਿੰਦਰ ਧਨਾਂਸੂ, ਅਮਰਜੀਤ ਸ਼ੇਰਪੁਰੀ, ਕੇ. ਸਾਧੂ ਸਿੰਘ, ਹਰਭਜਨ ਸਿੰਘ ਧਰਨਾ, ਡਾ. ਨਰੋਤਮਾ ਮੋਦਗਿਲ, ਸੁਰਜਨ ਸਿੰਘ, ਦੇਵਿੰਦਰ ਪ੍ਰੀਤ, ਡਾ.ਪ੍ਰਿਤਪਾਲ ਕੌਰ ਚਾਹਲ, ਦਰਸ਼ਨ ਕੌਰ ਗਿੱਲ ਨੇ ਆਪਣੇ ਕਾਵਿ ਰੰਗ ਬਿਖੇਰੇ ਅਤੇ ਇਨ੍ਹਾਂ ਨੂੰ ਸਨਮਾਨ ਨਿਸ਼ਾਨੀਆਂ ਦੇ ਕੇ ਸਨਮਾਨਿਤ ਵੀ ਕੀਤਾ। ਇਸ ਮੌਕੇ ਹੋਰਾਂ ਤੋਂ ਇਲਾਵਾ ਸਰਵਸ਼੍ਰੀ ਪ੍ਰੋ.ਗੁਣਵੰਤ ਸਿੰਘ ਦੂਆ, ਕਰਮਜੀਤ ਸਿੰਘ ਔਜਲਾ,ਗੁਰਸ਼ਰਨ ਸਿੰਘ ਨਰੂਲਾ, ਡਾ. ਨਿਰਮਲ ਜੌੜਾ, ਦੇਵਿੰਦਰ ਸੇਖਾ, ਭਗਵਾਨ ਢਿੱਲੋਂ, ਤਰਲੋਚਨ ਝਾਂਡੇ, ਨਾਵਲਕਾਰ ਨਿੰਦਰ ਗਿੱਲ, ਇੰਦਰਜੀਤ ਪਾਲ ਕੌਰ ਭਿੰਡਰ, ਜਨਮੇਜਾ ਸਿੰਘ ਜੌਹਲ, ਮੁਹਿੰਦਰਦੀਪ ਗਰੇਵਾਲ, ਡਾ. ਅੰਮ੍ਰਿਤ ਰਿਸ਼ਮਾਂ, ਬਬੀਤਾ ਜੈਨ, ਪ੍ਰੋ.ਮਨਜੀਤ ਸਿੰਘ, ਪ੍ਰੋ. ਸਰਬਜੀਤ ਸਿੰਘ, ਡਾ. ਭੁਪਿੰਦਰ ਸਿੰਘ, ਮਨਜੀਤ ਸਿੰਘ ਕੋਮਲ, ਡਾ.ਗੁਰਪ੍ਰੀਤ ਸਿੰਘ, ਪ੍ਰੋ. ਸੁਸ਼ਮਿੰਦਰ ਕੌਰ, ਗੁਰਮਿੰਦਰ ਕੌਰ,ਪ੍ਰੋ. ਗੀਤਾ ਜਲਾਨ, ਪ੍ਰੋ. ਸ਼ਰਨਜੀਤ ਕੌਰ, ਜਸਵਿੰਦਰ ਕੌਰ ਮੋਹਾਲੀ, ਰੋਜ਼ੀ ਧਨੋਆ, ਵਿਸ਼ਾਲ ਖੁੱਲਰ, ਜਸਵੰਤ ਸਿੰਘ ਅਮਨ, ਡਾ. ਅਨਿਲ ਸ਼ਰਮਾਂ, ਸੁਨੀਤਾ ਪ੍ਰੀਤ ਫਿਲੌਰ ਅਤੇ ਜਸਵਿੰਦਰ ਕੌਰ ਗਿੱਲ ਵੀ ਹਾਜ਼ਰ ਸਨ।

ਪਦਮ ਸ੍ਰੀ ਗੁਰਦਿਆਲ ਸਿੰਘ ਨੇ ਹਰੀ ਸਿੰਘ ਮੋਹੀ ਦਾ ਨਵ-ਪ੍ਰਕਾਸ਼ਿਤ ‘ਰੂਹ ਦਾ ਰਕਸ’ ਕਾਵਿ-ਸੰਗ੍ਰਿਹ ਲੋਕ ਅਰਪਿਤ ਕੀਤਾ

ਕੋਟਕਪੂਰਾ (ਡਾ। ਪਰਮਿੰਦਰ ਸਿੰਘ ਤੱਗੜ) ਪੰਜਾਬੀ ਸ਼ਾਇਰੀ ਦੇ ਨਾਮਵਰ ਹਸਤਾਖ਼ਰ ਹਰੀ ਸਿੰਘ ਮੋਹੀ ਦਾ ਪੰਜਵਾਂ ਕਾਵਿ-ਸੰਗ੍ਰਿਹ ‘ਰੂਹ ਦਾ ਰਕਸ’ ਗਿਆਨਪੀਠ ਪੁਰਸਕਾਰ ਜੇਤੂ ਨਾਵਲਕਾਰ ਪਦਮ ਸ੍ਰੀ ਗੁਰਦਿਆਲ ਸਿੰਘ ਨੇ ਹਰੀ ਸਿੰਘ ਮੋਹੀ ਦੇ ਪੈਂਹਠਵੇਂ ਜਨਮ ਦਿਨ ਦੇ ਮੌਕੇ ’ਤੇ ਇਕ ਬਹੁਤ ਹੀ ਸਾਦੇ ਪਰ ਅਤਿ ਪ੍ਰਸ਼ੰਸਾਯੋਗ ਸਮਾਗਮ ਦੌਰਾਨ ਉਸ ਦੇ ਗ੍ਰਹਿ ਵਿਖੇ ਜੁੜੇ ਅਤਿ ਨਜ਼ਦੀਕੀ ਪਰਿਵਾਰਕ ਮਿੱਤਰਾਂ ਦੀ ਹਾਜ਼ਰੀ ’ਚ ਲੋਕ-ਅਰਪਿਤ ਕੀਤਾ। ਇਸ ਮੌਕੇ ਗਠਿਤ ਪ੍ਰਧਾਨਗੀ ਮੰਡਲ ਵਿਚ ਪਦਮ ਸ੍ਰੀ ਗੁਰਦਿਆਲ ਸਿੰਘ ਤੋਂ ਇਲਾਵਾ ਪ੍ਰਸਿੱਧ ਆਲੋਚਕ ਪ੍ਰੋ। ਬ੍ਰਹਮ ਜਗਦੀਸ਼ ਸਿੰਘ, ਅਜੀਤ ਦੇ ਫ਼ਰੀਦਕੋਟ ਸਥਿਤ ਉਪ-ਦਫ਼ਤਰ ਦੇ ਮੁਖ਼ੀ ਗੁਰਮੀਤ ਸਿੰਘ, ਪ੍ਰੋ। ਲੋਕ ਨਾਥ ਅਤੇ ਸ਼ਾਇਰ ਹਰੀ ਸਿੰਘ ਮੋਹੀ ਸ਼ਾਮਲ ਸਨ। ਕਾਵਿ-ਸੰਗ੍ਰਿਹ ਦੇ ਲੋਕ-ਅਰਪਣ ਦੀ ਰਸਮ ਮੌਕੇ ਮੰਚ ਉ¤ਤੇ ਪ੍ਰਧਾਨਗੀ ਮੰਡਲ ਦੇ ਨਾਲ਼ ਮੋਹੀ ਦੀ ਸੁਪਤਨੀ ਨਿਰੰਜਣ ਕੌਰ ਅਤੇ ਡਾ। ਸੁਭਾਸ਼ ਪਰਿਹਾਰ ਵੀ ਸੁਸ਼ੋਭਿਤ ਸਨ। ਆਏ ਹੋਏ ਮਹਿਮਾਨਾਂ ਨੂੰ ਰਸਮੀ ਜੀ ਆਇਆਂ ਕਹਿੰਦਿਆਂ ਪੱਤਰਕਾਰ ਗੁਰਮੀਤ ਸਿੰਘ ਨੇ ਹਰੀ ਸਿੰਘ ਮੋਹੀ ਦੀ ਕਾਵਿ ਸਿਰਜਣ ਸਮਰਥਾ ਦੀ ਤਾਰੀਫ਼ ਕੀਤੀ ਅਤੇ ਉਸ ਦੇ ਨਵੇਂ ਕਾਵਿ-ਸੰਗ੍ਰਿਹ ਵਿਚੋਂ ਅੰਤਰ ਆਤਮਾ ਨੂੰ ਟੁੰਬਦੀਆਂ ਚੋਣਵੀਆਂ ਕਵਿਤਾਵਾਂ ਵੀ ਮਹਿਮਾਨਾਂ ਨਾਲ ਸਾਂਝੀਆਂ ਕੀਤੀਆਂ। ਸਮਾਗਮ ਦੇ ਮੁੱਖ ਮਹਿਮਾਨ ਨਾਵਲਕਾਰ ਗੁਰਦਿਆਲ ਸਿੰਘ ਨੇ ਕਾਵਿ-ਸੰਗ੍ਰਿਹ ਦੇ ਨਾਂ ਦੇ ਅਰਥਾਂ ਤੋਂ ਗੱਲ ਸ਼ੁਰੂ ਕਰਦਿਆਂ ਅਰਬੀ ਭਾਸ਼ਾ ਦੇ ਸ਼ਬਦ ‘ਰਕਸ’ ਦੇ ਬਹੁਅਰਥਾਂ ਦੀ ਚਰਚਾ ਕੀਤੀ ਤੇ ਇਸ ਕਾਵਿ-ਸੰਗ੍ਰਿਹ ਵਿਚਲੇ ‘ਰਕਸ’ ਦਾ ਭਾਵ ‘ਨਾਚ’ ਸਪੱਸ਼ਟ ਕੀਤਾ ਅਤੇ ਕਿਹਾ ਕਿ ਭਾਸ਼ਾ ਨੂੰ ਅਮੀਰੀ ਬਖ਼ਸ਼ਣ, ਲੋਕ ਮਨਾਂ ਦੇ ਅੰਤਰੀਵੀ ਭਾਵਾਂ ਨੂੰ ਪੇਸ਼ ਕਰਨ ਵਾਲੇ ਇਸ ਕਾਵਿ ਸੰਗ੍ਰਿਹ ਦਾ ਸੁਆਗਤ ਕਰਨਾ ਬਣਦਾ ਹੈ। ਲੋਕ ਅਰਪਣ ਸਮਾਗਮ ਨੂੰ ਗੋਸ਼ਟੀ ਦਾ ਰੁਖ਼ ਪ੍ਰਦਾਨ ਕਰਦਿਆਂ ਪ੍ਰੋ। ਬ੍ਰਹਮ ਜਗਦੀਸ਼ ਸਿੰਘ ਨੇ ਪਿੰਗਲ ਆਰੂਜ਼ ਦੇ ਪਹਿਲੂ ਤੋਂ ਹਰੀ ਸਿੰਘ ਮੋਹੀ ਦੀਆਂ ਪਹਿਲੀਆਂ ਚਾਰ ਕਾਵਿ ਪੁਸਤਕਾਂ ਦੀ ਤੁਲਨਾ ਵਿਚ ਇਸ ਕਾਵਿ ਸੰਗ੍ਰਿਹ ਨੂੰ ਮੁਕਤ ਛੰਦ ਵਿਚ ਲਿਖੀ ਕਵਿਤਾ ਆਖਦਿਆਂ ਇਸ ਵਿਚਲੀਆਂ ਬਹੁਤ ਸਾਰੀਆਂ ਕਵਿਤਾਵਾਂ ਆਪਣਾ ਕਾਵਿ ਸ਼ਾਸਤਰ ਖ਼ੁਦ ਬਿਆਨ ਕਰਦੀਆਂ ਹੋਣ ਦੀ ਪੁਸ਼ਟੀ ਕੀਤੀ। ਵਿਚਾਰ ਚਰਚਾ ਦੇ ਪ੍ਰਵਾਹ ਨੂੰ ਅੱਗੇ ਤੋਰਦਿਆਂ ਅਨੁਵਾਦਕ ਪਵਨ ਗੁਲਾਟੀ ਨੇ ਕਿਹਾ ਕਿ ਕਾਵਿ ਦੀਆਂ ਤਿੰਨੇ ਵੰਨਗੀਆਂ ਗ਼ਜ਼ਲ, ਗੀਤ ਅਤੇ ਕਵਿਤਾ ਨੂੰ ਹਰੀ ਸਿੰਘ ਮੋਹੀ ਨੇ ਆਪਣੇ ਤਿੰਨ ਬੱਚੇ ਸਮਝਿਆ ਤੇ ਪਿਆਰਿਆ ਹੈ। ਇਹਨਾਂ ਨੂੰ ਖ਼ੂਬਸੂਰਤੀ ਪ੍ਰਦਾਨ ਕਰਨ ਲਈ ਪੁਰਜ਼ੋਰ ਯਤਨਸ਼ੀਲ ਰਿਹਾ ਹੈ ਤੇ ਇਸ ਪੱਖ ਤੋਂ ਕਾਮਯਾਬ ਵੀ ਹੋਇਆ ਹੈ। ਕਾਲਮ ਨਵੀਸ ਗੁਰਦੀਪ ਸਿੰਘ ਢੁੱਡੀ ਨੇ ਕਵਿਤਾ ਨੂੰ ਤੀਜਾ ਨੇਤਰ ਬਿਆਨ ਕਰਦਿਆਂ ਮੋਹੀ ਦੀਆਂ ਬਹੁਤ ਸਾਰੀਆਂ ਰਚਨਾਵਾਂ ਵਿਚ ਸਮਾਜਿਕ ਚੇਤਨਾ ਦੇ ਪ੍ਰਗਟਾਵੇ ਦੀ ਪਛਾਣ ਕਰਵਾਈ। ਸਾਹਿਤਕ ਹਲਕਿਆਂ ਦੀ ਜਾਣੀ-ਪਛਾਣੀ ਹਸਤੀ ਪ੍ਰੋ। Ñਲੋਕ ਨਾਥ ਨੇ ਮੋਹੀ ਨੂੰ ਇਸ ਮੌਕੇ ਵਧਾਈ ਦਿੰਦਿਆਂ ਮੋਹੀ ਨਾਲ਼ ਜੁੜੀਆਂ ਆਪਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ। ਸਮਾਗਮ ਦੌਰਾਨ ਹਰੀ ਸਿੰਘ ਮੋਹੀ ਨੇ ਆਪਣੀਆਂ ਅਸਲੋਂ ਤਾਜ਼ਾ ਅਤੇ ਅਣਛਪੀਆਂ ਰਚਨਾਵਾਂ ਸਰੋਤਿਆਂ ਨਾਲ਼ ਸਾਂਝੀਆਂ ਕੀਤੀਆਂ। ਮੋਹੀ ਦੀ ਵੱਡੀ ਬੇਟੀ ਰਵਿੰਦਰ ਰਵੀ ਨੇ ਸੁਰੀਲੇ ਅੰਦਾਜ਼ ਵਿਚ ਆਪਣੇ ਪਿਤਾ ਦੀਆਂ ਚੋਣਵੀਆਂ ਰਚਨਾਵਾਂ ਦਾ ਗਾਇਨ ਕੀਤਾ। ਇਸ ਸਮਾਗਮ ਵਿਚ ਹੋਰਨਾਂ ਤੋਂ ਇਲਾਵਾ ਡਾ। ਨਰਾਇਣ ਸਿੰਘ ਮੰਘੇੜਾ, ਪੰਜਾਬੀ ਯੂਨੀਵਰਸਿਟੀ ਤੋਂ ਪ੍ਰੋ।ਅਮਨਦੀਪ ਸਿੰਘ ਤੇ ਪ੍ਰੋ। ਸੰਦੀਪ ਰਾਣਾ , ਵਿਅੰਗਕਾਰ ਰਾਜਿੰਦਰ ਜੱਸਲ, ਨਾਟਕਕਾਰ ਪ੍ਰਿੰਸ ਕੰਵਲਜੀਤ ਸਿੰਘ, ਕੁਲਦੀਪ ਮਾਣੂੰਕੇ, ਸੁਰਜੀਤ ਸਿੰਘ ਹੰਸ, ਗੁਰਨਾਮ ਸਿੰਘ ਦਰਸ਼ੀ, ਮੇਘ ਰਾਜ ਸ਼ਰਮਾਂ, ਨੀਰਜ ਸ਼ਰਮਾਂ, ਫ਼ੋਟੋ ਆਰਟਿਸਟ ਚਿਮਨ ਲਾਲ ਗਰਗ, ਗੁਰਦੀਪ ਸਿੰਘ, ਸੁਖਦੀਪ ਸਿੰਘ, ਅਰਵਿੰਦ ਕੌਰ (ਕੈਂਡੀ), ਪਰਮਿੰਦਰ ਕੌਰ, ਨਵਜੀਤ ਕੌਰ, ਅਤੇ ਕਮਲਜੀਤ ਕੌਰ ਸ਼ਾਮਲ ਸਨ।

'ਮੇਰੀ ਵੀ ਇਕ ਮਾਂ ਹੁੰਦੀ ਸੀ ' ਪੁਸਤਕ ਰਿਲੀਜ਼

ਮੁਕਤਸਰ (ਸ਼.ਸ ਬਿਊਰੋ) ਸਾਹਿਤ ਸੱਥ ਮੁਕਤਸਰ ਵਲੋਂ ਗੀਤਕਾਰ ਦਰਸ਼ਨ ਸਿੰਘ ਸੰਧੂ ਦੇ ਗੀਤਾਂ ਦੀ ਦੂਸਰੀ ਪੁਸਤਕ 'ਮੇਰੀ ਵੀ ਇਕ ਮਾਂ ਹੁੰਦੀ ਸੀ ' ਰਿਲੀਜ਼ ਕੀਤੀ ਗਈ। ਸਮਾਗਮ ਦੀ ਪ੍ਰਧਾਨਗੀ ਸੀਨੀਅਰ ਪੁਲਿਸ ਕਪਤਾਨ ਗੁਰਪ੍ਰੀਤ ਸਿੰਘ ਗਿੱਲ ਨੇ ਕੀਤੀ, ਜਦੋਂ ਕਿ ਲੇਖਕ ਨਿੰਦਰ ਘੁਗਿਆਣਵੀ ਅਤੇ ਆਲੋਚਕ ਪ੍ਰੋ. ਬ੍ਰਹਮਜਗਦੀਸ਼ ਸਿੰਘ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਸਮਾਗਮ ਦੇ ਆਰੰਭ ਵਿਚ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਸੱਥ ਦੇ ਜਨਰਲ ਸਕੱਤਰ ਗ.ਸ.ਪ੍ਰੀਤ ਨੇ ਦੱਸਿਆ ਕਿ ਸੱਥ ਵਲੋਂ ਅੱਧੀ ਦਰਜਨ ਪੁਸਤਕਾਂ ਦੀ ਘੁੰਡ ਚੁਕਾਈ ਅਤੇ ਦਰਜਨ ਭਰ ਨਾਟਕਾਂ ਦਾ ਮੰਚਨ ਕੀਤਾ ਜਾ ਚੁੱਕਾ ਹੈ। ਸੱਥ ਦੇ ਪ੍ਰਧਾਨ ਬਲਦੇਵ ਸਿੰਘ ਵਾਰਿਸ ਸ੍ਰੀ ਸੰਧੂ ਦੇ ਗੀਤਾਂ ਨੂੰ ਲੋਕ ਗੀਤਾਂ ਦੇ ਪੱਧਰ ਦੀ ਰਚਨਾ ਦੱਸਿਆ। ਸ਼੍ਰੀ ਘੁਗਿਆਣਵੀ ਨੇ ਲੇਖਕ ਨੂੰ ਇਸ ਗੱਲੋਂ ਵੀ ਵਧਾਈ ਦਿੱਤੀ ਕਿ ਪੁਲਿਸ ਵਰਗੇ ਸਖ਼ਤ ਡਿਊਟੀ ਵਾਲ਼ੇ ਮਹੌਲ ਵਿਚ ਰਹਿ ਕੇ ਵੀ ਸੂਖਮ ਗੀਤਾਂ ਦੀ ਰਚਨਾ ਕਰਨਾ ਕੋਈ ਸੁਖਾਲ਼ਾ ਕਾਰਜ ਨਹੀਂ। ਪ੍ਰੋ. ਬ੍ਰਹਮਜਗਦੀਸ਼ ਨੇ ਸ਼੍ਰੀ ਸੰਧੂ ਵਲੋਂ ਲਗਾਤਾਰ ਕੀਤੀ ਜਾ ਰਹੀ ਰਚਨਾ ਨੂੰ ਸਹੀ ਦਿਸ਼ਾ ਵੱਲ ਵਧਦੇ ਕਦਮ ਦੱਸਿਆ ਤੇ ਲਗਾਤਾਰ ਵਧਦੇ ਰਹਿਣ ਦੀ ਪ੍ਰੇਰਣਾ ਦਿੱਤੀ।
ਇਸ ਮੌਕੇ ਪੁਲਿਸ ਕਪਤਾਨ ਆਸ਼ੂਤੋਸ਼, ਉਪ ਪੁਲਿਸ ਕਪਤਾਨ ਬਠਿੰਡਾ ਬਲਜੀਤ ਸਿੰਘ ਸਿੱਧੂ, ਜਗਜੀਤ ਸਿੰਘ ਭੁਗਤਾਣਾ ਤੇ ਮੁਖਮਿੰਦਰ ਸਿੰਘ ਭੁੱਲਰ, ਥਾਣਾ ਮੁਕਤਸਰ ਦੇ ਮੁਖੀ ਇਕਬਾਲ ਸਿੰਘ, ਥਾਣਾ ਸਿਟੀ ਦੇ ਮੁਖੀ ਦਵਿੰਦਰ ਸਿੰਘ ਤੋਂ ਇਲਾਵਾ ਮਨਵਿੰਦਰ ਸਿੰਘ, ਕੁਲਵਿੰਦਰ ਸਿੰਘ, ਹਰਿੰਦਰ ਸਿੰਘ ਆਦਿ ਥਾਣਾ ਮੁਖੀ ਅਤੇ ਬਲਦੇਵ ਸਿੰਘ ਆਜ਼ਾਦ ਉੱਘੇ ਵਿਅੰਗਕਾਰ ਸਮੇਤ ਸਾਹਿਤਕ ਰਸੀਏ ਮੌਜੂਦ ਸਨ।

ਪੁਸਤਕ ਘੁੰਡ ਚੁਕਾਈ ਅਤੇ ਕਵੀ ਦਰਬਾਰ

ਤਲਵੰਡੀ ਸਾਬੋ (ਸ.ਸ. ਬਿਊਰੋ) ਦਮਦਮਾ ਸਾਹਿਬ ਸਾਹਿਤ ਸਭਾ ਤਲਵੰਡੀ ਸਾਬੋ ਵਲੋਂ ਕਵੀ ਦਰਬਾਰ ਅਤੇ ਪੁਸਤਕ ਰਿਲੀਜ਼ ਸਮਾਰੋਹ ਖਾਲਸਾ ਸੀ. ਸੈ. ਸਕੂ਼ਲ ਵਿਖੇ ਕਰਵਾਇਆ ਗਿਆ। ਇਸ ਵਿਚ ਡਾ. ਸੁਰਜੀਤ ਪਾਤਰ ਮੁੱਖ ਮਹਿਮਾਨ ਅਤੇ ਡਾ. ਲਾਭ ਸਿੰਘ ਖੀਵਾ ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਸ਼ਾਮਿਲ ਹੋਏ। ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਮੀਤ ਪ੍ਰਧਾਨ ਸੁਲੱਖਣ ਸਰਹੱਦੀ ਨੇ ਉਚੇਚੇ ਤੌਰ 'ਤੇ ਸਿ਼ਰਕਤ ਕੀਤੀ।
ਪੁਸਤਕ ਰਿਲੀਜ਼ ਸਮਾਰੋਹ ਦੌਰਾਨ ਜਨਕ ਰਾਜ ਜਨਕ ਦੀ ਪੁਸਤਕ 'ਮਾਰੂਥਲ ਦੇ ਫੁੱਲ' ਸੁਰਜੀਤ ਪਾਤਰ ਅਤੇ ਲਾਭ ਸਿੰਘ ਖੀਵਾ ਨੇ ਰਿਲੀਜ਼ ਕੀਤੀ। ਡਾ. ਰਾਜਿੰਦਰਪਾਲ ਜਿੰਦਲ ਦੀ ਪੁਸਤਕ 'ਕੱਚ ਸੱਚ ਤੇ ਸੁਪਨੇ' ਦੀ ਘੁੰਡ ਚੁਕਾਈ ਸੁਰਜੀਤ ਪਾਤਰ ਅਤੇ ਸੁਲੱਖਣ ਸਰਹੱਦੀ ਨੇ ਕੀਤੀ ਜਿਸ 'ਤੇ ਸੁਖਮੰਦਰ ਭਾਗੀਵਾਂਦਰ ਨੇ ਪਰਚਾ ਪੜ੍ਹਿਆ। ਡਾ. ਪਾਤਰ ਨੇ ਸਮਾਜ ਵਿੱਚ ਸਾਹਿਤ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ ਅਤੇ ਆਪਣੀਆਂ ਗ਼ਜ਼ਲਾਂ ਸੁਣਾ ਕੇ ਸ੍ਰੋਤਿਆਂ ਤੋਂ ਵਾਹ ਵਾਹ ਖੱਟੀ। ਡਾ. ਖੀਵਾ ਨੇ ਨਵੇਂ ਸ਼ਾਇਰਾਂ ਨੂੰ ਪੰਜਾਬੀ ਸਾਹਿਤ ਦਾ ਘੇਰਾ ਵਧਾਉਣ ਅਤੇ ਲੱਚਰ ਸਾਹਿਤ ਲਿਖਣ ਤੇ ਪੜ੍ਹਨ ਤੋਂ ਦੂਰ ਰਹਿਣ ਲਈ ਕਿਹਾ।
ਸਮਾਗਮ ਦੌਰਾਨ ਕਵੀ ਦਰਬਾਰ ਵਿਚ ਸੁਰਿੰਦਰਪ੍ਰੀਤ ਘਣੀਆ, ਨਿਰਮੋਹੀ ਫ਼ਰੀਦਕੋਟੀ, ਸੁਲੱਖਣ ਸਰਹੱਦੀ, ਜਨਕ ਰਾਜ ਜਨਕ, ਗੋਬਿੰਦ ਰਾਮ ਲਹਿਰੀ, ਡਾ. ਗੁਰਨਾਮ ਖੋਖਰ, ਜਗਦੀਪ ਗਿੱਲ, ਅਮਰਜੀਤ ਜੀਤ, ਸੁਖਦਰਸ਼ਨ ਗਰਗ, ਮੈਂਗਲ ਸੁਰਜੀਤ, ਅਮਰੀਕ ਸਿੰਘ ਨਾਮਧਾਰੀ, ਭੁਪਿੰਦਰ ਪੰਨੀਵਾਲ਼ੀਆ, ਰੇਵਤੀ ਪ੍ਰਸ਼ਾਦ ਸ਼ਰਮਾਂ, ਰਾਮ ਸਰੂਪ ਰਿਖੀ ਆਦਿ ਕਵੀਆਂ ਨੇ ਆਪਣੀਆਂ ਰਚਨਾਵਾਂ ਰਾਹੀਂ ਖੂ਼ਬ ਰੰਗ ਬੰਨ੍ਹਿਆ। ਸਭਾ ਵਲੋਂ ਆਏ ਮਹਿਮਾਨਾਂ ਅਤੇ ਕਵੀਆਂ ਦਾ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨ ਕੀਤਾ ਗਿਆ।

‘ਚੰਦ ਜਦੋਂ ਰੋਟੀ ਲੱਗਦਾ ਹੈ’ ਉਪਰ ਭਰਵਾਂ ਵਿਚਾਰ-ਗੋਸ਼ਟੀ ਸਮਾਗਮ..........ਪਰਮਿੰਦਰ ਸਿੰਘ ਤੱਗੜ (ਡਾ.)

ਕੋਟਕਪੂਰੇ ਦੇ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਦੇ ਲੈਕਚਰ ਹਾਲ ਵਿਚ ਪ੍ਰਿੰਸ ਕੰਵਲਜੀਤ ਸਿੰਘ ਦੀ ਪਲੇਠੀ ਨਾਟ-ਪੁਸਤਕ ‘ਚੰਦ ਜਦੋਂ ਰੋਟੀ ਲੱਗਦਾ ਹੈ’ ਉਤੇ ਭਰਵਾਂ ਵਿਚਾਰ ਗੋਸ਼ਟੀ ਸਮਾਗਮ ਰਚਾਇਆ ਗਿਆ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸਨ ਪੰਜਾਬੀ ਨਾਟ-ਜਗਤ ਦੀ ਮਾਣਮੱਤੀ ਸੁਪ੍ਰਸਿਧ ਸ਼ਖ਼ਸੀਅਤ-ਪ੍ਰੋ.ਅਜਮੇਰ ਸਿੰਘ ਔਲਖ। ਇਸ ਮੁਬਾਰਕ ਮੌਕੇ ਗਠਿਤ ਪ੍ਰਧਾਨਗੀ ਮੰਡਲ ਵਿਚ ਪ੍ਰੋ. ਔਲਖ ਤੋਂ ਇਲਾਵਾ ਪੰਜਾਬੀ ਰੰਗਮੰਚ ਦੀ ਬਹੁਤ ਸੀਨੀਅਰ ਅਦਾਕਾਰਾ ਸਰਦਾਰਨੀ ਮਨਜੀਤ ਕੌਰ ਔਲਖ (ਸੁਪਤਨੀ ਪ੍ਰੋ. ਔਲਖ), ਜਗਤ ਪ੍ਰਸਿੱਧ ਪੰਜਾਬੀ ਆਲੋਚਕ ਪ੍ਰੋ. ਬ੍ਰਹਮ ਜਗਦੀਸ਼ ਸਿੰਘ, ਕਹਾਣੀਕਾਰ ਜ਼ੋਰਾ ਸਿੰਘ ਸੰਧੂ, ਪੰਜਾਬੀ ਪੱਤਰਕਾਰੀ ਦੇ ਸਨਮਾਨਯੋਗ ਹਸਤਾਖ਼ਰ ਗੁਰਮੀਤ ਸਿੰਘ ਕੋਟਕਪੂਰਾ ਅਤੇ ਨਾਟਕਕਾਰ ਪ੍ਰਿੰਸ ਕੰਵਲਜੀਤ ਸਿੰਘ ਸ਼ਾਮਲ ਸਨ। ਸਮਾਗਮ ਦੀ ਸ਼ੁਰੂਆਤ ਮੌਕੇ ਪ੍ਰਿੰਸ ਕੰਵਲਜੀਤ ਸਿੰਘ ਦੇ ਨਾਟਕ ਰੱਬਾ-ਰੱਬਾ ਮੀਂਹ ਵਰਸਾਅ ਅਧਾਰਤ ਟੈਲੀ-ਫ਼ਿਲਮ ਦਾ ਪ੍ਰਦਰਸ਼ਨ ਕੀਤਾ ਗਿਆ ਜਿਹੜੀ ਕਿ ਵਿਸ਼ੇਸ਼ ਚੋਣ ਰਾਹੀਂ ਕਨੇਡਾ ਦੇ ਟੋਰਾਂਟੋ ਸ਼ਹਿਰ ਵਿਖੇ ਹੋਏ ਸਪਿਨਿੰਗ ਵਹੀਲ ਫ਼ਿਲਮ ਫ਼ੈਸਟੀਵਲ ਲਈ ‘ ਰੇਨ-ਰੇਨ ਕਮ ਅਗੇਨ ’ ਨਾਂ ਹੇਠ ਪ੍ਰਦਰਸ਼ਤ ਹੋ ਚੁੱਕੀ ਹੈ। ਉਸ ਉਪਰੰਤ ਅਜੀਤ ਦੇ ਫ਼ਰੀਦਕੋਟ ਸਥਿਤ ਉਪ-ਦਫ਼ਤਰ ਦੇ ਮੁਖ਼ੀ ਸ੍ਰ. ਗੁਰਮੀਤ ਸਿੰਘ ਨੇ ਆਏ ਸਾਹਿਤਕਾਰਾਂ ਅਤੇ ਸਾਹਿਤ-ਰਸੀਆਂ ਦਾ ਸੁਆਗਤ ਕਰਦਿਆਂ ਪ੍ਰਿੰਸ ਦੀ ਉਕਤ ਕਿਤਾਬ ਦੇ ਛਪਣ-ਸਬੱਬ ਬਾਰੇ ਦਿਲਚਸਪ ਗੱਲਾਂ ਸਾਂਝੀਆਂ ਕੀਤੀਆਂ ਅਤੇ ਉਸ ਦੀ ਨਾਟ ਰਚਨਾ ਵਿਚਲੀਆਂ ਬਾਰੀਕੀਆਂ ਬਾਰੇ ਚਰਚਾ ਛੋਹੀ। ਪ੍ਰਿੰਸ ਦੇ ਸਾਰੇ ਨਾਟਕਾਂ ’ਚ ਪਿੱਠ-ਭੂਮੀ ਗਾਇਨ ਪੇਸ਼ ਕਰਨ ਵਾਲੇ ਸੁਰੀਲੇ ਗਾਇਕ ਦਰਸ਼ਨਜੀਤ ਨੇ ਨਾਟਕਾਂ ਦੇ ਹੀ ਪਿੱਠ-ਭੂਮੀ ’ਚ ਗਾਏ ਕਾਵਿ ਟੋਟਿਆਂ ਦਾ ਗਾਇਨ ਕਰਕੇ ਸਰੋਤਿਆਂ ਨੂੰ ਮੰਤਰ ਮੁਗ਼ਧ ਕੀਤਾ। ਪ੍ਰੋ. ਬ੍ਰਹਮ ਜਗਦੀਸ਼ ਸਿੰਘ ਨੇ ਆਪਣੇ ਦਿਲਕਸ਼ ਅੰਦਾਜ਼ ਵਿਚ ਪਰਚਾ ਪੇਸ਼ ਕਰਨ ਵੇਲ਼ੇ ਪੰਜਾਬੀ ਨਾਟ-ਪ੍ਰੰਪਰਾ ਵਿਚ ਪ੍ਰਿੰਸ ਕੰਵਲਜੀਤ ਸਿੰਘ ਦਾ ਸਥਾਨ ਨਿਸ਼ਚਿਤ ਕਰਨ ਲਈ ਪੰਜਾਬੀ ਨਾਟਕ ਦੇ ਇਤਿਹਾਸਕ ਪਰਿਪੇਖ਼ ਵਿਚ ਪ੍ਰੋ. ਅਜਮੇਰ ਔਲਖ ਤੋਂ ਲੈ ਕੇ ਹੁਣ ਤੱਕ ਦੇ ਨਾਟਕਕਾਰਾਂ ਦਾ ਸੰਖ਼ੇਪ ਵਿਚ ਜ਼ਿਕਰ ਕਰਦਿਆਂ ਪ੍ਰਿੰਸ ਨੂੰ ‘ਅਜਮੇਰ ਔਲਖ ਪੰਜਾਬੀ ਨਾਟ-ਦਰਿਆ’ ਦਾ ਹੀ ਇਕ ਖ਼ੂਬਸੂਰਤ ਅੰਗ ਬਿਆਨ ਕੀਤਾ। ਵਿਚਾਰ-ਚਰਚਾ ਨੂੰ ਅੱਗੇ ਵਧਾਉਂਦਿਆਂ ਬਰਤਾਨੀਆ ਤੋਂ ਵਿਸ਼ੇਸ਼ ਤੌਰ ’ਤੇ ਪੁੱਜੇ ਰੰਗਕਰਮੀ ਨਾਹਰ ਸਿੰਘ ਗਿੱਲ, ਨਿਰਦੇਸ਼ਕ ਕੀਰਤੀ ਕਿਰਪਾਲ, ਰੰਗਕਰਮੀ ਦੀਪਤੀ ਸ਼ਰਮਾਂ, ਹਰਵਿੰਦਰ ਤਿਵਾੜੀ ਅਤੇ ਡਾ. ਨਰਾਇਣ ਸਿੰਘ ਮੰਘੇੜਾ ਨੇ ਪ੍ਰਿੰਸ ਦੀ ਨਾਟ-ਪੁਸਤਕ ਬਾਰੇ ਆਪਣੀ ਰਾਏ ਸਾਂਝੀ ਕਰਦਿਆਂ ਉਸ ਦੀਆਂ ਨਾਟ-ਕ੍ਰਿਤਾਂ ਦੀ ਸ਼ਲਾਘਾ ਕੀਤੀ। ਪ੍ਰਿੰਸ ਕੰਵਲਜੀਤ ਸਿੰਘ ਨੇ ਆਪਣੀ ਸਿਰਜਣ-ਪ੍ਰਕਿਰਿਆ ਤੋਂ ਸਰੋਤਿਆਂ ਨੂੰ ਵਾਕਫ਼ ਕਰਵਾਉਂਦੇ ਹੋਏ ਭਾਵੁਕ ਸੁਰ ਵਿਚ ਉਸ ਦੀਆਂ ਕ੍ਰਿਤਾਂ ਨੂੰ ਸ਼ਬਦ-ਜੜਤ ਤੋਂ ਲੈ ਕੇ ਪੁਸਤਕ ਰੂਪ ਵਿਚ ਪੇਸ਼ ਕਰਵਾਉਣ ਤੱਕ ਨਿਭਾਏ ਸਮੁੱਚੇ ਯੋਗਦਾਨ ਲਈ ਸ੍ਰ. ਗੁਰਮੀਤ ਸਿੰਘ ਕੋਟਕਪੂਰਾ ਪ੍ਰਤੀ ਭਰੀ ਸਭਾ ਵਿਚ ਆਭਾਰ ਵਿਅਕਤ ਕੀਤਾ। ਸਮਾਗਮ ਦੇ ਸਿਖ਼ਰ ’ਤੇ ਪ੍ਰੋ. ਅਜਮੇਰ ਔਲਖ ਨੇ ਪੰਜਾਬੀ ਨਾਟਕ ਦੀ ਸਥਾਪਤ ਹੋਂਦ ਵਿਚ ਨਵੇਂ ਨਾਟਕਕਾਰਾਂ ਦੇ ਕਾਬਲੇ-ਤਾਰੀਫ਼ ਯਤਨਾਂ ੳਤੇ ਡੂੰਘੀ ਤਸੱਲੀ ਪ੍ਰਗਟ ਕੀਤੀ ਅਤੇ ਪ੍ਰਿੰਸ ਦੁਆਰਾ ਪ੍ਰੰਪਰਾਗਤ ਨਾਟ-ਸ਼ੈਲੀ ਦੇ ਨਾਲ਼-ਨਾਲ਼ ਆਧੁਨਿਕ ਤਕਨੀਕਾਂ ਦੀ ਮੌਲਿਕਤਾ ਭਰਪੂਰ ਸੁਯੋਗ ਵਰਤੋਂ ਲਈ ਦਾਦ ਦਿੱਤੀ। ਸਮਾਗਮ ਦੇ ਮੰਚ ਸੰਚਾਲਨ ਦੀ ਜ਼ਿੰਮੇਵਾਰੀ ਡਾ. ਪਰਮਿੰਦਰ ਸਿੰਘ ਤੱਗੜ ਨੇ ਨਿਭਾਈ। ਇਸ ਮੌਕੇ ਹਾਜ਼ਰ ਸਾਹਿਤਕਾਰਾਂ ਅਤੇ ਸਾਹਿਤ ਰਸੀਆਂ ਵਿਚ ਗੁਰਾਂਦਿੱਤਾ ਸਿੰਘ ਸੰਧੂ, ਕਾਮਰੇਡ ਦਰਸ਼ਨ ਸਿੰਘ ਢਿਲਵਾਂ, ਪ੍ਰੀਤਮ ਸਿੰਘ ਚਹਿਲ, ਖ਼ੁਸ਼ਵੰਤ ਬਰਗਾੜੀ, ਰਾਜਪਾਲ ਸਿੰਘ, ਰਾਜਿੰਦਰ ਸਿੰਘ ਜੱਸਲ, ਪਵਨ ਗੁਲਾਟੀ, ਕੁਲਦੀਪ ਮਾਣੂੰਕੇ, ਵੀਰ ਵਿਕਰਮਜੀਤ ਸਿੰਘ, ਡਾ.ਕਰਮ ਸਿੰਘ ਢਿਲਵਾਂ, ਵਿਜੈ ਸ਼ਰਮਾਂ, ਸ਼ਵਿੰਦਰ ਕੌਰ, ਐਸ.ਐਸ. ਦੁਸਾਂਝ, ਪ੍ਰਿੰ. ਹਰੀ ਸਿੰਘ ਮੋਹੀ, ਸੀਮਾ ਚਾਵਲਾ, ਐਸ. ਬਰਜਿੰਦਰ, ਰਾਜਿੰਦਰ ਸਿੰਘ ਸਰਾਂ, ਇੰਜ. ਜ਼ੀਰ ਸਿੰਘ ਬਰਾੜ, ਹਰਮੰਦਰ ਸਿੰਘ ਕੋਹਾਰਵਾਲਾ, ਬਲਦੇਵ ਬੰਬੀਹਾ, ਡਾ. ਪਰਮਜੀਤ ਸਿੰਘ ਬਰਾੜ ਸਮੇਤ ਵੱਡੀ ਗਿਣਤੀ ਵਿਚ ਸਰੋਤੇ ਸ਼ਾਮਲ ਸਨ।

ਸੂਰੇਵਾਲੀਆ ਦੀ ਪੁਸਤਕ ‘ਪਾਪਾ ਆਪਾਂ ਬਰਾੜ ਹੁੰਨੇ ਆਂ’ ਰਿਲੀਜ਼..........ਹਰਦਮ ਸਿੰਘ ਮਾਨ

ਜੈਤੋ-ਅੱਜ ਦੀ ਪੰਜਾਬੀ ਕਹਾਣੀ ਜ਼ਿੰਦਗੀ ਦੀਆਂ ਅਨੇਕਾਂ ਪਰਤਾਂ ਬਹੁਤ ਹੀ ਕਲਾਤਮਿਕ ਢੰਗ ਨਾਲ ਪੇਸ਼ ਕਰ ਰਹੀ ਹੈ ਅਤੇ ਕਿਸੇ ਵੀ ਪੱਖੋਂ ਇਹ ਦੂਜੀਆਂ ਭਾਰਤੀ ਭਾਸ਼ਾਵਾਂ ਤੋਂ ਪਿੱਛੇ ਨਹੀਂ। ਇਹ ਸ਼ਬਦ ਵਿਸ਼ਵ ਪ੍ਰਸਿੱਧ ਸਾਹਿਤਕਾਰ, ਪਦਮ ਸ੍ਰੀ ਪ੍ਰੋ. ਗੁਰਦਿਆਲ ਸਿੰਘ ਨੇ ਇਥੇ ਪੰਜਾਬੀ ਸਾਹਿਤ ਸਭਾ ਜੈਤੋ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਸੂਰੇਵਾਲੀਆ ਦਾ ਨਵਾਂ ਕਹਾਣੀ ਸੰਗ੍ਰਹਿ ‘ਪਾਪਾ ਆਪਾਂ ਬਰਾੜ ਹੁੰਨੇ ਆਂ’ ਨੂੰ ਰਿਲੀਜ਼ ਕਰਨ ਦੀ ਰਸਮ ਅਦਾ ਕਰਦਿਆਂ ਕਹੇ। ਉਨ੍ਹਾਂ ਕਿਹਾ ਕਿ ਪੰਜਾਬੀ ਵਿਚ ਕੁੱਝ ਕਹਾਣੀਕਾਰ ਬਹੁਤ ਵਧੀਆ ਕਹਾਣੀ ਲਿਖ ਰਹੇ ਹਨ ਅਤੇ ਹਰਜਿੰਦਰ ਸਿੰਘ ਸੂਰੇਵਾਲੀਆ ਉਨ੍ਹਾਂ ਕਹਾਣੀਕਾਰਾਂ ਵਿਚੋਂ ਇਕ ਹੈ। ਉਨ੍ਹਾਂ ਇਸ ਪੁਸਤਕ ਲਈ ਸ੍ਰੀ ਸੂਰੇਵਾਲੀਆ ਨੂੰ ਮੁਬਾਰਕਬਾਦ ਦਿੱਤੀ। ਇਸ ਮੌਕੇ ਬੋਲਦਿਆਂ ਅਮਰਜੀਤ ਢਿੱਲੋਂ ਨੇ ਕਿਹਾ ਕਿ ਹਰਜਿੰਦਰ ਸਿੰਘ ਸੂਰੇਵਾਲੀਆ ਦੀਆਂ ਕਹਾਣੀਆਂ ਯਥਾਰਥ ਨਾਲ ਜੁੜੀਆਂ ਹਨ। ਇਹ ਜ਼ਿੰਦਗੀ ਦੀ ਬਾਤ ਪਾਉਂਦੀਆਂ ਹਨ ਅਤੇ ਇਨ੍ਹਾਂ ਵਿਚ ਸਮਾਜ ਅਤੇ ਮਨੁੱਖੀ ਸਰੋਕਾਰਾਂ ਦੀ ਪੇਸ਼ਕਾਰੀ ਬਹੁਤ ਵਧੀਆ ਹੈ। ਸਭਾ ਦੇ ਜਨਰਲ ਸਕੱਤਰ ਹਰਦਮ ਸਿੰਘ ਮਾਨ ਨੇ ਕਿਹਾ ਕਿ ਬੇਸ਼ੱਕ ਹਰਜਿੰਦਰ ਸਿੰਘ ਸੂਰੇਵਾਲੀਆ ਬਹੁਤ ਘੱਟ ਲਿਖਦਾ ਹੈ ਪਰ ਉਸ ਨੇ ਕਹਾਣੀ ਦੇ ਮਿਆਰ ਨੂੰ ਹਮੇਸ਼ਾ ਪਹਿਲ ਦਿੱਤੀ ਹੈ। ਉਸ ਦੀਆਂ ਕਹਾਣੀਆਂ ਨੂੰ ਨੀਲਮਣੀ ਐਵਾਰਡ ਅਤੇ ਹੋਰ ਸਨਮਾਨ ਮਿਲਣੇ ਵੀ ਉਸ ਦੀ ਕਹਾਣੀ ਦੇ ਚੰਗੇ ਹੋਣ ਦੀ ਗਵਾਹੀ ਭਰਦੇ ਹਨ। ਬਲਜੀਤ ਸਿੰਘ ਭੁੱਲਰ ਅਤੇ ਯਸ਼ਪਾਲ ਸ਼ਰਮਾ ਨੇ ਵੀ ਸ੍ਰੀ ਸੂਰੇਵਾਲੀਆ ਦੀਆਂ ਕਹਾਣੀਆਂ ਦੀ ਸ਼ੈਲੀ ਅਤੇ ਦ੍ਰਿਸ਼ ਵਰਨਣ ਪਾਠਕਾਂ ਨੂੰ ਕੀਲ ਲੈਂਦਾ ਹੈ। ਹਰਜਿੰਦਰ ਸਿੰਘ ਸੂਰੇਵਾਲੀਆ ਨੇ ਇਨ੍ਹਾਂ ਟਿੱਪਣੀਆਂ ਲਈ ਧੰਨਵਾਦ ਕੀਤਾ ਅਤੇ ਇਸ ਪੁਸਤਕ ਦੇ ਸਿਰਲੇਖ ਵਾਲੀ ਕਹਾਣੀ ‘ਪਾਪਾ ਆਪਾਂ ਬਰਾੜ ਹੁੰਨੇ ਆਂ’ ਦੀ ਪਿੱਠਭੁਮੀ ਬਾਰੇ ਵਿਚਾਰ ਪ੍ਰਗਟ ਕੀਤੇ।

ਧੀ ਪੰਜਾਬ ਦੀ.......... ਸੱਭਿਆਚਾਰਕ ਮੁਕਾਬਲਾ / ਪਰਮਿੰਦਰ ਸਿੰਘ ਤੱਗੜ (ਡਾ.)

ਲੰਮੀ ਹੇਕ ਦੀ ਮਲਿਕਾ ਮਾਣਮੱਤੀ ਲੋਕ-ਗਾਇਕਾ ਮਰਹੂਮ ਨਰਿੰਦਰ ਬੀਬਾ ਜੀ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਯੁਵਕ ਸੇਵਾਵਾਂ ਵਿਭਾਗ ਪੰਜਾਬ ਨਾਲ਼ ਸਬੰਧਤ ਫ਼ਰੀਦਕੋਟ ਦੀ ਪ੍ਰਸਿੱਧ ਕਲਾ, ਸਾਹਿਤ ਅਤੇ ਸਮਾਜ ਨਾਲ਼ ਜੁੜੀ ਸੰਸਥਾ ਨੈਸ਼ਨਲ ਯੂਥ ਕਲੱਬ (ਰਜਿ:) ਵੱਲੋਂ ਮਾਣ-ਮੱਤੀਆਂ ਪੰਜਾਬਣ ਮੁਟਿਆਰਾਂ ਦੇ ਪੰਜਾਬੀ ਸਭਿਆਚਾਰ ਪ੍ਰਤੀ ਉਮਾਹ ਨੂੰ ਪੇਸ਼ ਕਰਦਾ ਸਮਾਗਮ ‘ਧੀ ਪੰਜਾਬ ਦੀ 2009’ ਐਮ. ਜੀ. ਐਮ ਸੀਨੀਅਰ ਸੈਕੰਡਰੀ ਸਕੂਲ ਫ਼ਰੀਦਕੋਟ (ਪੰਜਾਬ) ਦੇ ਵਿਸ਼ਾਲ ਵਿਹੜੇ ਵਿਚ ਬਣਾਏ ਖ਼ੂਬਸੂਰਤ ਪੰਡਾਲ ਵਿਚ ਕਰਵਾਇਆ ਗਿਆ, ਜਿਸ ਵਿਚ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਵਿਚ ਕਰਵਾਏ ਉਪ-ਚੋਣ ਮੁਕਾਬਲਿਆਂ ‘ਚੋਂ ਜੇਤੂ ਰਹੀਆਂ ਅਠਾਰਾਂ ਪੰਜਾਬਣ ਮੁਟਿਆਰਾਂ ਨੇ ‘ਧੀ ਪੰਜਾਬ ਦੀ’ ਪੁਰਸਕਾਰ ਲਈ ਭਾਗ ਲਿਆ। ਜਿਹਨਾਂ ’ਚ ਸ਼ਾਮਲ ਸਨ-ਪੰਜਾਬ ਦੇ ਲੁਧਿਆਣਾ ਜ਼ਿਲੇ ਤੋਂ ਹਿਮਾਂਸ਼ੀ, ਸ਼ਿਵਦੀਪ ਕੌਰ, ਰਮਨਦੀਪ ਕੌਰ ਗਰੇਵਾਲ, ਅੰਮ੍ਰਿਤਸਰ ਤੋਂ ਸੁਪਰੀਤ ਕੌਰ ਬਾਜਵਾ, ਗੁਰਮੀਤ ਕੌਰ ਮਾਹਲ, ਮੁਕਤਸਰ ਤੋਂ ਸੰਦੀਪ ਕੌਰ, ਜਸਕਿਰਨਦੀਪ ਕੌਰ, ਗਗਨਦੀਪ ਕੌਰ, ਗੁਰਦਾਸਪੁਰ ਤੋਂ ਨਵਨੀਤ ਕੌਰ, ਫ਼ਤਿਹਗੜ ਸਾਹਿਬ ਤੋਂ ਜਸਪ੍ਰੀਤ ਕੌਰ ਗਿੱਲ, ਫ਼ਿਰੋਜ਼ਪੁਰ ਤੋਂ ਤੋਂ ਆਂਚਲ, ਰੋਪੜ ਤੋਂ ਰਮਨਦੀਪ ਕੌਰ, ਫ਼ਰੀਦਕੋਟ ਤੋਂ ਚਰਨਦੀਪ ਕੌਰ, ਤਰਨਤਾਰਨ ਤੋਂ ਸੰਦੀਪ ਕੌਰ, ਬਠਿੰਡੇ ਤੋਂ ਮਨਪ੍ਰੀਤਪਾਲ ਕੌਰ, ਸੰਗਰੂਰ ਤੋਂ ਸੁਪਨਪ੍ਰੀਤ ਕੌਰ ਚਾਹਲ, ਹੁਸ਼ਿਆਰਪੁਰ ਤੋਂ ਸੁਪ੍ਰੀਤ ਕੌਰ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਵਜੋਂ ਫ਼ਰੀਦਕੋਟ ਦੇ ਡਿਪਟੀ ਕਮਿਸ਼ਨਰ ਡਾ. ਵਿਜੇ ਐਨ. ਜ਼ਾਦੇ ਆਈ. ਏ. ਐਸ. ਸ਼ਾਮਲ ਹੋਏ ਅਤੇ ਸਮਾਗਮ ਦੇ ਪ੍ਰਧਾਨਗੀ ਮੰਡਲ ’ਚ ਜੈਸ਼ਨਪ੍ਰੀਤ ਸਿੰਘ ਢਿੱਲੋਂ ਚੇਅਰਮੈਨ ਮਾਰਕੀਟ ਕਮੇਟੀ, ਅਮਰਦੀਪ ਸਿੰਘ ਬਾਸੀ ਪ੍ਰਧਾਨ ਨਗਰ ਕੌਂਸਲ, ਸ਼੍ਰੀਮਤੀ ਸੁਖਮੰਦਰ ਕੌਰ ਬਰਾੜ ਮੰਡਲ ਸਿੱਖਿਆ ਅਫ਼ਸਰ ਫ਼ਰੀਦਕੋਟ ਸ਼ਾਮਲ ਸਨ। ਸਤਿਕਾਰਤ ਮਹਿਮਾਨਾਂ ਵਜੋਂ ਮਾਤਾ ਮੁਖਤਿਆਰ ਕੌਰ ਸਾਬਕਾ ਬੀ.ਪੀ.ਈ.ਓ, ਗੁਰਚਰਨ ਸਿੰਘ ਸੰਧੂ ਡੀ.ਟੀ.ਓ., ਗੁਰਮੀਤ ਸਿੰਘ ਬਰਾੜ ਜੀ.ਐਮ. (ਪੀ.ਏ.ਡੀ.ਪੀ.), ਗੁਰਚੇਤ ਸਿੰਘ ਢਿੱਲੋ ਜ਼ਿਲਾ ਪ੍ਰਧਾਨ ਯੂਥ ਅਕਾਲੀ ਦਲ ਬਾਦਲ ਤੇ ਸੁਖਵਿੰਦਰ ਸਿੰਘ ਬੱਬੂ ਕੋਟਕਪੂਰਾ ਪਹੁੰਚੇ। ਉਦਘਾਟਨ ਦੀ ਰਸਮ ਅਮਰਜੀਤ ਸਿੰਘ ਦਿਉਲ ਐਨ ਆਰ ਆਈ ਨੇ ਰਿਬਨ ਕੱਟ ਕੇ ਕੀਤੀ। ਇਸ ਰਸਮ ਮੌਕੇ ਨੈਸ਼ਨਲ ਯੂਥ ਐਵਾਰਡੀ ਜਗਜੀਤ ਸਿੰਘ ਚਾਹਲ ਸਹਾਇਕ ਨਿਰਦੇਸ਼ਕ ਯੁਵਕ ਸੇਵਾਵਾਂ ਫ਼ਰੀਦਕੋਟ ਵੀ ਨਾਲ਼ ਸਨ। ਭਾਗੀਦਾਰ ਮੁਟਿਆਰਾਂ ਅੰਦਰ ਛੁਪੀ ਬਹੁਪੱਖੀ ਪ੍ਰਤਿਭਾ ਨੂੰ ਉਜਾਗਰ ਕਰਨ ਦੇ ਮਕਸਦ ਨਾਲ਼ ਮੁਕਾਬਲੇ ਨੂੰ ਪੰਜ ਗੇੜਾਂ ਵਿਚ ਵੰਡਿਆ ਹੋਇਆ ਸੀ ਜਿਸ ਵਿਚ ਪਹਿਲਾ ਗੇੜ ਸੀ-ਪਹਿਰਾਵਾ ਪ੍ਰਦਰਸ਼ਨ, ਦੂਜਾ-ਗਿੱਧਾ, ਤੀਜਾ-ਵਿਅਕਤੀਗਤ ਪੇਸ਼ਕਾਰੀ, ਚੌਥਾ-ਪ੍ਰਸ਼ਨੋਤਰੀ ਅਤੇ ਪੰਜਵੇਂ ਅਤੇ ਅੰਤਿਮ ਗੇੜ ਵਿਚ ਮੁਟਿਆਰਾਂ ਨੇ ਵਿਅਕਤੀਗਤ ਨਾਚ ਪ੍ਰਦਰਸ਼ਨ ਰਾਹੀਂ ਆਪਣੀ ਬਿਹਤਰੀਨ ਕਲਾ ਅਤੇ ਬੌਧਿਕਤਾ ਦਾ ਪ੍ਰਗਟਾਵਾ ਕੀਤਾ। ਇਸ ਫਸਵੇਂ ਮੁਕਾਬਲੇ ਦੀ ਜੱਜਮੈਂਟ ਲਈ ਪੰਜਾਬੀ ਪੱਤਰਕਾਰੀ ਦੇ ਸਿਰਮੌਰ ਹਸਤਾਖ਼ਰ ਗੁਰਮੀਤ ਸਿੰਘ ਮੁਖੀ ਉਪ-ਦਫ਼ਤਰ ‘ਅਜੀਤ’ ਫ਼ਰੀਦਕੋਟ, ਜਾਣੀ-ਪਛਾਣੀ ਕਹਾਣੀਕਾਰਾ ਵਿਸ਼ਵਜਯੋਤੀ ਧੀਰ ਅਤੇ ਡਾ. ਸਰਬਜੀਤ ਕੌਰ ਸੋਹਲ (ਮੋਹਾਲੀ) ਨੇ ਲੰਮਾ ਸਮਾਂ ਇਕਾਗਰਚਿਤ ਹੋ ਕੇ ਇਸ ਮੁਕਾਬਲੇ ਦਾ ਫ਼ੈਸਲਾ ਤਿਆਰ ਕੀਤਾ। ਜਿਸ ਅਨੁਸਾਰ ਇਸ ਮੁਕਾਬਲੇ ‘ਚ ਸੁਪਨਜੀਤ ਕੌਰ ਸੰਗਰੂਰ ਨੇ ਪਹਿਲਾ ਸਥਾਨ, ਗਗਨਦੀਪ ਕੌਰ ਮੁਕਤਸਰ ਨੇ ਦੂਜਾ ਅਤੇ ਗੁਰਮੀਤ ਕੌਰ ਮਾਹਲ ਅੰਮ੍ਰਿਤਸਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਹਨਾਂ ਮੁਟਿਆਰਾਂ ਨੂੰ ਕਰਮਵਾਰ ਸੋਨੇ ਦੀ ਸੱਗੀ, ਸੋਨੇ ਦੀ ਜੁਗਨੀ, ਸੋਨੇ ਦੇ ਟਿੱਕੇ ਦੇ ਨਾਲ਼-ਨਾਲ਼, ਇੱਕ-ਇੱਕ ਫ਼ੁਲਕਾਰੀ, ਯਾਦ ਨਿਸ਼ਾਨੀ, ਪ੍ਰਮਾਣ ਪੱਤਰ ਦੇ ਕੇ ਧੀ ਪੰਜਾਬ ਦੀ ਪੁਰਸਕਾਰਾਂ ਨਾਲ ਸਵਰਨ ਸਿੰਘ ਸਾਬਕਾ ਸਰਪੰਚ ਸ਼ਕੂਰ, ਸੁਰਿੰਦਰ ਪੁਰੀ ਇੰਸਟੀਚਿਊਟ ਆਫ਼ ਐਡਵਾਂਸ ਕੰਪਿਊਟਰ ਐਜ਼ੂਕੇਸ਼ਨ, ਡਾ: ਸਤਿੰਦਰਪਾਲ ਸਿੰਘ ਚੇਅਰਮੈਨ ਸ਼ੇਖ ਫ਼ਰੀਦ ਆਈ.ਟੀ.ਆਈ. ਵੱਲੋਂ ਸਨਮਾਨਿਤ ਕੀਤਾ। ਮੁਕਾਬਲੇ ਦੀਆਂ ਸਾਰੀਆਂ ਭਾਗੀਦਾਰ ਮੁਟਿਆਰਾਂ ਨੂੰ ਸੁਖਜਿੰਦਰ ਸਿੰਘ ਸਮਰਾ ਐਮ.ਡੀ., ਟੀ.ਵੀ.ਐਸ. ਫ਼ਰੀਦਕੋਟ ਵੱਲੋਂ ਸੋਨੇ ਦੇ ਕੋਕਿਆਂ, ਯਾਦਗਾਰੀ ਨਿਸ਼ਾਨੀਆਂ ਤੇ ਪ੍ਰਮਾਣ ਪੱਤਰਾਂ ਨਾਲ ਸਨਮਾਨਤ ਕੀਤਾ ਗਿਆ। ਇਸ ਮੁਕਾਬਲੇ ਦੌਰਾਨ 2008 ‘ਚ ਧੀ ਪੰਜਾਬ ਦੀ ਚੁਣੀ ਗਈ ਮਨਦੀਪ ਕੌਰ (ਆਂਡਲੂ) ਲੁਧਿਆਣਾ ਨੂੰ ਵੀ ਕਲੱਬ ਵੱਲੋਂ ਸਨਮਾਨਿਆ ਗਿਆ। ਰਾਜ ਪੱਧਰੀ ਸਮਾਗਮ ਦੌਰਾਨ ਪੰਜਾਬੀ ਗਾਇਕੀ ‘ਚ ਨਿਵੇਕਲੀਆਂ ਪੈੜਾਂ ਪਾਉਣ ਵਾਲੇ ਲੋਕ ਗਾਇਕ ‘ਵੀਰ ਸੁਖਵੰਤ’ ਨੂੰ ਨਰਿੰਦਰ ਬੀਬਾ ਯਾਦਗਾਰੀ ਐਵਾਰਡ ਨਾਲ ਵਿਸ਼ੇਸ਼ ਤੌਰ ’ਤੇ ਸਨਮਾਨਤ ਕੀਤਾ ਗਿਆ। ਇਸ ਪ੍ਰੋਗਰਾਮ ਦੀ ਰੌਣਕ ਨੂੰ ਵਧਾਉਣ ਲਈ ਹਾਸਰਸ ਕਲਾਕਾਰ ਜਗਤਾਰ ਜੱਗੀ ਅਤੇ ਅੰਮ੍ਰਿਤਪਾਲ ਛੋਟੂ ਤੋਂ ਇਲਾਵਾ ਪ੍ਰਸਿੱਧ ਪੰਜਾਬੀ ਗੀਤਕਾਰ, ਗਾਇਕ ਅਤੇ ਅਦਾਕਾਰ ਰਾਜ ਬਰਾੜ ਅਤੇ ਵੀਰ ਸੁਖਵੰਤ ਤੇ ਮਿਸ ਨੀਲੂ ਦੀ ਗਾਇਕ ਜੋੜੀ ਨੇ ਖ਼ੂਬਸੂਰਤ ਪੇਸ਼ਕਾਰੀਆਂ ਨਾਲ ਹਾਜ਼ਰੀ ਲਵਾਈ। ਇਸ ਤੋਂ ਇਲਾਵਾ ਗਾਇਕ ਸੁਖਵਿੰਦਰ ਸੁੱਖਾ, ਬੋਹੜ ਮਸੀਹ ਅਤੇ ਸੁਰਜੀਤ ਗਿੱਲ ਨੇ ਆਪਣੀ ਗਾਇਨ ਸ਼ੈਲੀ ਦਾ ਮੁਜ਼ਾਹਰਾ ਕਰਦੇ ਹੋਏ ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕੀਤਾ। ਦਰਸ਼ਕਾਂ ਦੇ ਨਾਲ਼ ਜ਼ਿਲਾ ਫ਼ਰੀਦਕੋਟ ਦੇ ਆਹਲਾ ਅਫ਼ਸਰਾਂ ਨੇ ਵੀ ਪਰਿਵਾਰਾਂ ਸਮੇਤ ਸਮਾਗਮ ਦਾ ਆਨੰਦ ਮਾਣਿਆਂ। ਸਮਾਗਮ ਦਾ ਮੰਚ ਸੰਚਾਲਨ ਬਾਖ਼ੂਬੀ ਅੰਦਾਜ਼ ਵਿਚ ਪ੍ਰਸਿੱਧ ਮੰਚ ਸੰਚਾਲਕ ਜਸਬੀਰ ਜੱਸੀ ਵੱਲੋਂ ਕੀਤਾ ਗਿਆ। ਕਲੱਬ ਦੇ ਪ੍ਰਧਾਨ ਪ੍ਰਸਿੱਧ ਭੰਗੜਾ ਕੋਚ ਗੁਰਚਰਨ ਸਿੰਘ ਅਤੇ ਜਨਰਲ ਸਕੱਤਰ ਸ਼ਾਇਰ ਸੁਨੀਲ ਚੰਦਿਆਣਵੀ, ਸੀਨੀਅਰ ਮੀਤ ਪ੍ਰਧਾਨ ਗੋਪਾਲ ਸਿੰਘ, ਮੀਤ ਪ੍ਰਧਾਨ ਜਸਵਿੰਦਰ ਮਿੰਟੂ ਆਪਣੀ ਪੂਰੀ ਟੀਮ ਨਾਲ਼ ਸੁਚੱਜਾ ਪ੍ਰਬੰਧ ਯਕੀਨੀ ਬਣਾਉਂਦੇ ਹੋਏ ਮਹਿਮਾਨਾਂ ਦੀ ਪੂਰੀ ਇੱਜ਼ਤ-ਅਫ਼ਜ਼ਾਈ ਕਰ ਰਹੇ ਸਨ। ਇਸ ਪ੍ਰੋਗਰਾਮ ਦੌਰਾਨ ਸੇਵਾ ਸਿੰਘ ਮੱਲੀ ਡੀ.ਐਸ.ਪੀ., ਗੁਰਮੀਤ ਸਿੰਘ ਡੀ.ਐਸ.ਪੀ. ਹੈਡਕੁਆਟਰ, ਬਿਕਰਮਜੀਤ ਸਿੰਘ ਡੀ.ਐਸ.ਪੀ. ਕੋਟਕਪੂਰਾ, ਸੁਰਿੰਦਰ ਕੁਮਾਰ ਗੁਪਤਾ ਸਾਬਕਾ ਚੇਅਰਮੈਨ ਨਗਰ ਸੁਧਾਰ ਟਰੱਸਟ, ਪ੍ਰਿੰਸੀਪਲ ਸੇਵਾ ਸਿੰਘ ਚਾਵਲਾ, ਇੰਜੀ: ਪਰਮਜੀਤ ਸਿੰਘ, ਪ੍ਰੋ. ਨਵਦੀਪ ਕੌਰ, ਪੰਜਾਬੀ ਯੂਨੀਵਰਸਿਟੀ ਤੋਂ ਪ੍ਰੋਫ਼ੈਸਰ (ਡਾ.) ਅਮਨਦੀਪ ਸਿੰਘ ਤੇ ਪ੍ਰੋ. ਸੰਦੀਪ ਰਾਣਾ, ਤੇਜਿੰਦਰ ਸਿੰਘ ਬਰਾੜ ਸਹਾਇਕ ਮੰਡਲ ਸਿਖਿਆ ਅਫ਼ਸਰ, ਸੁਖਮੰਦਰ ਸਿੰਘ ਛੂਛਕ, ਬਲਜਿੰਦਰ ਸਿੰਘ ਧਾਲੀਵਾਲ, ਹਰਕ੍ਰਿਸ਼ਨ ਮਿੱਤਲ, ਸ਼ਿਵਰਾਜ ਸਿੰਘ ਸਰਾਏਨਾਗਾ, ਗੁਰਮੇਲ ਸਿੰਘ ਇੰਚਾਰਜ ਜ਼ਿਲਾ ਟਰੈਫ਼ਿਕ ਪੁਲਿਸ, ਲਖਵਿੰਦਰ ਹਾਲੀ ਤਰਕਸ਼ੀਲ ਆਗੂ ਹਾਜ਼ਰ ਸਨ। ਸਮਾਗਮ ਦੀ ਸਫ਼ਲਤਾ ਵਾਸਤੇ ਅਮਨਦੀਪ ਸਿੰਘ ਲੱਕੀ, ਭੁਪਿੰਦਰਪਾਲ ਸਿੰਘ ਹੈਡ ਡਰਾਫ਼ਟਸਮੈਨ, ਸੁਨੀਲ ਵਾਟਸ, ਪਾਲ ਸਿੰਘ ਸੰਧੂ, ਗੁਰਮੇਲ ਸਿੰਘ ਜੱਸਲ, ਸਵਰਨ ਸਿੰਘ ਭੋਲਾ, ਗੁਰਚਰਨ ਗਿੱਲ ਢੁੱਡੀ, ਯੋਗੇਸ਼ ਕੁਮਾਰ, ਅਮਨਦੀਪ ਦੀਪ, ਮਾਸਟਰ ਗੁਰਮੇਲ ਸਿੰਘ ਜੱਸਲ, ਨਰੇਸ਼ ਕੁਮਾਰ ਆਦਿ ਮੈਂਬਰਾਂ ਨੇ ਅਹਿਮ ਭੂਮਿਕਾ ਅਦਾ ਕੀਤੀ।